Ri Lucax 19:20 - Quiché Bible

²⁰ Xpe chi ri jun pataninel, je xubij wa': ‘Wajaw, chilampe' la, c'o ri puak ri xya' la pa nu k'ab, nu c'olom pa jun su't.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Xopan chi ri jun ajchak xubꞌij: Ajawxel, riꞌ le rajil la. Xinyako, xinjatꞌij pa jun atzꞌyaq.

K'iche'

²⁰ Xopan chi c'u jun chic patänil re, xubij: “Tat, ri' ri rajil la ri c'o wuc', nu c'olom c'u wa' pa jun su't,” —cächa'.

K'iche' (New Orthography)

²⁰ Xopan chi k'u jun chik patänil re, xub'ij: “Tat, ri' ri rajil la ri k'o wuk', nu k'olom k'u wa' pa jun su't,” —kächa'.

Ri Lucax 19:20 Referans Kwoze

Ri Matey 25:24

Ri xuc'am jun rakan nim puak xkeb ruc' ri rajaw, xubij: ‘Wajaw, quinch'ob wäch la, chi lal c'analaj achi. Weta'm chi cak'at la ri man xtic ta la. Weta'm chi camulij la ri man xjabuj ta la.

Santiago 4:17

Apachin c'u ri reta'm u banic utzil, we c'u man cubano, are ri' c'o u mac.

Ri Lucax 19:13

Majok chibec xebusiq'uij lajuj pataninel rech, xebujach puak pa qui k'ab chquijujunal. Xubij chque: ‘Chicojo' we puak ri' rech c'o quich'äc na chrij. Chibana' wa' c'ä quinpe na.’

Ri Lucax 6:46

“¿Jasche quibij ‘Ajawaxel, Ajawaxel’ chwe, man quiban ta c'ut jas ri quinbij chiwe?

Ri Lucax 3:9

Camic yo'm chic ri icäj chquixe' tak ri che'. Ronojel c'u che' ri man cuya' ta utzalaj u wächinic, cächoy bic, cäq'uiak pa k'ak'.”

Ri Lucax 19:19

Xukuje' xubij ri ajawinel che ri are: ‘Xukuje' ri at quinya' takanic pa a k'ab paquiwi' job tinimit.’

Ri Lucax 19:21

Je xinbano rumal rech chi xinxe'j wib chwäch la, chi lal c'analaj achi. Cäc'am la ri man yo'm ta la, cäk'at la ri man xtic ta la.’

Ri Xuan 11:44

Xel ulok ri cäminak canok, yutuyoj ri rakan u k'ab che botz'obal, ri u palaj pisom pa jun su't. Ri Jesus xubij chque: “Chiquira', chitzokopij bic.”

Ri Xuan 20:7

Ri su't, ri xc'oji' chujolom, man c'o ta can cuc' ri sak tak atz'iak, xane' botz'talic yo'm can pa jun c'olbal chic.