Ri Lucax 19:13 - Quiché Bible

¹³ Majok chibec xebusiq'uij lajuj pataninel rech, xebujach puak pa qui k'ab chquijujunal. Xubij chque: ‘Chicojo' we puak ri' rech c'o quich'äc na chrij. Chibana' wa' c'ä quinpe na.’

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Xuꞌsikꞌij kꞌu e lajuj chike ri e rajchakibꞌ, xuya kan nikꞌaj pwaq chike, xuqujeꞌ xubꞌij chike: Chixchakun rukꞌ we pwaq riꞌ, kꞌa te kitzalij chwe are kintzalij loq.

K'iche'

¹³ Ri achi c'ut xeusiq'uij lajuj chque ri patänil re, xeuya juwinak quetzales chque chquijujunal. Xubij c'u chque: “Chicojo wa' we puak ri' rech c'o quich'ac na chrij. Chibana wa' c'ä copan na ri k'ij ri quintzelej lok,” —xcha chque.

K'iche' (New Orthography)

¹³ Ri achi k'ut xeusik'ij lajuj chke ri patänil re, xeuya juwinaq quetzales chke chkijujunal. Xub'ij k'u chke: “Chikojo wa' we puaq ri' rech k'o kich'ak na chrij. Chib'ana wa' k'ä kopan na ri q'ij ri kintzelej loq,” —xcha chke.

Ri Lucax 19:13 Referans Kwoze

Ri Xuan 12:26

We c'o jachin quinupatanij, chinuterenej. Jawije' ri quinc'oji' wi, chila' xukuje' cäc'oji' wi na ri pataninel wech. We c'o jachin quinupatanij, nim quil wi na rumal ri nu Tat.”

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

Santiago 1:1

In Santiag, u lok'om pataninel ri Dios xukuje' rech ri Ajaw Jesucrist, quinya' rutzil qui wäch ri cablajuj ramak' ri Israel ri qui jabum quib pa ronojel ri uwächulew.

Gálatas 1:10

Ri in man quintzucuj ta ri utz wilic cumal ri winak, xane' are ri utz wilic rumal ri Dios. ¡We ta c'ä are quinban ri cakaj chquiwäch ri winak, ma ta in u lok'om pataninel chi ri' ri Crist!

Ri Matey 25:16

Chanim c'ut ri xuc'am job rakan nimak tak puak xbec, xchacun chrij, xuch'äc chi job rakan nimak tak puak.

Ri Matey 25:20

Ri xuc'am job rakan nimak tak puak xkeb ruc', xuc'am ulok job rakan nimak tak puak chic, xubij: ‘Wajaw, job rakan nimak tak puak xjach la chwe. Chilampe' la, job rakan nimak tak puak chic nu ch'äcom.’

Ri Matey 25:22

Xukuje' ri xuc'am quieb rakan nimak tak puak xkeb ruc' ri rajaw, xubij: ‘Wajaw, quieb rakan nimak tak puak xjach la chwe. Chilampe' la, quieb rakan nimak tak puak chic nu ch'äcom.’

Ri Matey 25:24

Ri xuc'am jun rakan nim puak xkeb ruc' ri rajaw, xubij: ‘Wajaw, quinch'ob wäch la, chi lal c'analaj achi. Weta'm chi cak'at la ri man xtic ta la. Weta'm chi camulij la ri man xjabuj ta la.

Ri Lucax 19:12

Xubij c'ut: “C'o jun achi nim u banic, ri xbe pa jun ulew naj rech cäya' takanic pa u k'ab puwi' jun ajawibal. Cätzelej c'u na ulok.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’