Ri Lucax 18:9 - Quiché Bible

⁹ Ri Jesus xukuje' xubij we c'ambal no'j ri' chque jujun ri cäquijiquiba' qui c'u'x chquij chbil quib chi e suc', ri cäquetzelaj qui wäch ri niq'uiaj chic:

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ E kꞌo kꞌu jujun winaq ri kuꞌl kikꞌuꞌx chibꞌil taq kibꞌ, e sukꞌ kakinaꞌo, kaketzelaj kiwach ri e nikꞌaj winaq chik. Rumal riꞌ ri Jesús xutzijoj jun kꞌambꞌejabꞌal noꞌj chike:

K'iche'

⁹ Xutzijoj c'u we c'utbal rech tijonic ri' chque jujun winak ri quechoman chquij chbil quib chi sibalaj e utz na, ri cäquetzelaj c'u qui wäch ri jule' chic.

K'iche' (New Orthography)

⁹ Xutzijoj k'u we k'utb'al rech tijonik ri' chke jujun winaq ri kechoman chkij chb'il kib' chi sib'alaj e utz na, ri käketzelaj k'u ki wäch ri jule' chik.

Ri Lucax 18:9 Referans Kwoze

Ri Lucax 16:15

Ri Jesus xubij chque: “Ri ix quik'alajisaj iwib chquiwäch ri winak chi ix suc'; are c'u ri Dios reta'm jas c'o pa iwanima'. Ri jastak ri nimak qui k'ij chquiwäch ri winak, e are itzelalaj tak jastak wa' e tz'il chuwäch ri Dios.”

E C'ambal tak Tzij 30:12

E c'o jachin tak cäquichomaj quib chi sibalaj e ch'ajch'oj man qui ch'ajch'ojirisam ta c'u quib che ri qui tz'ilol.

Ri Isaiy 65:5

Je caquibij wa': ‘Chatcanaj chi' minako sibalaj in tastalic man ya'tal ta quinachapo.’ We winak ri' xak e junam ruc' ri k'ak' ri cänicow ronojel ri jun k'ij c'ax cäquiban chwe, cäbe ri qui c'ayil pa nu tza'm jacha' ri sib.

Romanos 10:3

Man queta'm ta c'u ri suq'uil ri cuya' ri Dios. Are cäcaj cäquirik ri suq'uil rumal ri qui chac. Man cäquinimaj ta c'u ri cubij ri Dios.

Romanos 14:10

Ri at, ¿jasche cak'at tzij puwi' ri awachalal? Ri at xukuje', ¿jasche cawetzelaj u wäch ri awachalal? Konojel c'ut cujetac'al na chuwäch ri Dios aretak cuk'at na tzij pakawi'.

Ri Lucax 7:39

Ri parisey ri xula'nic, aretak xril wa', xuchomaj pa ranima', xubij: “We achi ri', we ta kas jun k'axal tzij, cuch'ob ta wa' jachin ri ixok ri cänakowic, cuch'ob ta wa' chi ajmac.”

Romanos 7:9

Nabe, xinc'asi' canok man ruc' ta ri pixab. Aretak c'u xpe ri takanic rumal ri pixab, xc'astaj ri mac,

Ri Lucax 19:7

Aretak xilitaj wa' cumal conojel ri winak, quewixwitic, cäquibij chi xoc ruc' jun achi ajmac che rokxanixic rib.

Ri Lucax 18:11

Ri parisey tac'alic, xch'aw ruc' Dios, xutzijobej rib, jewa' xubij: ‘O Dios, quinmaltioxij che la chi ri in man in je taj jas ri niq'uiaj winak chic: ri eläk'omab, ri man e suc' taj, ri quekaj pa mac cuc' niq'uiaj achijab ixokib chic. Quinmaltioxij che la chi ri in man in je taj jas we jun tok'il alcabal ri'.

Hechos 22:21

Xubij c'u ri Ajawaxel chwe: ‘Jät, catintak na bic naj pa nimak tak tinimit.’ ”

Ri Xuan 9:34

Ri aj judeyib xquibij che: “Ri at at nojinak che ri mac xatalaxic. ¿La at ta c'ut cujatijoj?” Xquesaj c'u bic.

Ri Xuan 9:28

Xquiyok'o, xquibij c'u che: “At ri' ri at u tijoxel. Ri uj uj u tijoxelab ri Moises.

Ri Xuan 8:48

Ri aj judeyib xquibij che: “¿La ma ta cäkabij ri kastzij chi at aj Samar, xukuje' chi c'o itzel uxlabal chawe?”

Ri Lucax 15:2

Xewixwit c'u ri pariseyib xukuje' ri ajtijab re ri pixab, xquibij: “We achi ri' quebuc'ulaj ri ajmaquib, cäwa' cuc'.”

Ri Lucax 10:29

Are c'u ri ajtij xraj xuk'alajisaj rib chi suc', xubij che ri Jesus: “¿Jachin ri' ri wajil nu tz'akat?”

Ri Isaiy 66:5

Chitatabej ri u tzij ri Ajawaxel, ix ri nim quiwil wi ri e u tzij: “Jujun i winakil, ri cäquetzelaj i wäch, ri cäquiban c'ax chiwe rumal rech chi quinataj ri nu bi', je cäquibij wa': ‘Chuc'utu' ri u juluwem ri Ajawaxel, cäkaj cäkilo chi quixquicotic.’ Are c'ut ri e are quemoxir canok.

Romanos 14:3

Ri jun ri cutij ronojel, märetzelaj u wäch ri jun chic ri man cutij ta jujun jastak. Ri jun ri man cutij ta jun jasach, mubij tzij chrij ri jun ri cutij ronojel, rumal rech chi c'amom ri are' rumal ri Dios.

Aj Levitib 13:32

Aretak catz'akat wukub k'ij cänic'ox ri ch'a'c rumal ri cojol tabal tok'ob; we c'u man u jabum rib ri quiäkchi'n mawi mecmobinak pa ri u tz'umal, mawi k'anarinak ri rismal.