Ri Lucax 17:30 - Quiché Bible

³⁰ Jewa' cäbantaj na pa ri k'ij aretak ri Rija'l Winak aretak cuc'ut na rib.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁰ Jeriꞌ kakꞌulmataj na are kukꞌut ribꞌ ri uKꞌojol ri Achi.

K'iche'

³⁰ Je' cäban na wa' pa ri k'ij ri cäk'alajin na jachin ri' ri Ralc'ual ri Dios ri Kas Winak, —xcha chque.

K'iche' (New Orthography)

³⁰ Je' käb'an na wa' pa ri q'ij ri käq'alajin na jachin ri' ri Ralk'ual ri Dios ri Qas Winaq, —xcha chke.

Ri Lucax 17:30 Referans Kwoze

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

2 Tesalonicenses 1:7

Are' c'u ri chiwe ix ri i rikom c'axc'olil, cuya' na uxlanem chiwe junam kuc', aretak ri Ajaw Jesus cäpe ulok chicaj, cuc'ut rib chkawäch e rachilam ri u tako'nib aj caj ri c'o qui chuk'ab. Cäpe na pa u xak k'ak',

1 Corintios 1:7

Je c'u ri' chi ma ta c'o jun sipanic ri cäpe ruc' ri Dios ri ma ta i rikom, iweye'm c'u ri k'ij aretak chc'utun ri Kajaw Jesucrist.

1 Pedro 1:13

Rumal ri', chicojo' i chuk'ab che ri chomanic, chichomaj jas ri quibano, chicu'ba' i c'u'x pa ronojel chrij ri tok'ob ri cäc'am na ulok chiwe aretak cäpe ri Jesucrist.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

Ri Lucax 21:27

C'äte ri' quilitaj na ri Rija'l Winak petinak pa jun sutz' ruc' chuk'ab, sibalaj nim u k'ij.

Ri Matey 24:3

Ri Jesus t'uyul pa ri qui juyubal tak ri u Che'al Aseitun. Xebopan ri u tijoxelab ruc' pa qui tuquiel wi, che u ta'ic che: “Bij la chke, ¿Jampa' cäc'ulmax wa'? ¿Jas ri retal ri petbal la? ¿Jas ri retal ri u q'uisbalil ri uwächulew?”

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

1 Pedro 4:13

Xane' chixquicotok, rumal rech chi quic'am iwe ri u c'axc'olil ri Crist. Jeri' xukuje' aretak quiwil na chi cäpe ri Crist, nim u k'ij cäpetic, quixquicot na ruc' nimalaj quicotemal.

Marcos 13:26

C'äte ri' quil na ri Rija'l Winak petinak pa tak ri sutz' ruc' nimalaj cuinem, nim u k'ij cäpetic.

Ri Matey 26:64

Ri Jesus xubij che: “At atbininak. Quinbij c'u chawe, chi quiwil na ri Rija'l winak, t'uyul pa ri riquiak'ab ri Dios ri c'o ronojel u cuinem. Quiwil c'u na petinak pa ri sutz' chicaj.”

Ri Matey 24:39

Man quetam taj c'ä xpe na ri nimalaj k'ekal jäb, conojel c'ut xec'am bic rumal ri ja'. Jeri' xukuje' ri u petic ri Rija'l winak.

Ri Matey 24:37

Je jas pa tak ri u k'ijol ri Noe, jeri' ri u petic ri Rija'l winak.

Ri Lucax 21:22

E k'ij c'u wa re c'äjisabal wäch, ri quetz'akat na conojel ri cubij ri Tz'ibatalic.

Ri Lucax 17:24

Je jas ri caypa', cätunun cho ri caj c'ä jela', k'alaj c'ä jewa', jewa' ri cux na ri Rija'l Winak pa ri k'ij ri cätzelej ulok.

Ri Lucax 17:29

Pa ri k'ij c'ut aretak xel bic ri Lot pa Sodom, xkaj ulok k'ak' ruc' asubre chicaj, xusach qui wäch conojel.

1 Corintios 1:8

Ri are' co quixutiquiba' na c'ä pa ri q'uisbal k'ij, rech man c'o ta etzelal cäriktaj na chiwij pa ri u k'ijol ri Kajaw Jesucrist.

Colosenses 3:4

Ri Crist are' ri i c'aslemal. Aretak cäpetic, c'äte ri' ri ix xukuje' quixc'oji' na ruc' pa juluwem.

1 Juan 2:28

Are c'u ri camic lok'alaj tak wa'lc'ual, chixcanaj nuc'talic ruc' ri Crist rech cäcu'bi ka c'u'x aretak cuc'utunisaj rib ma ta c'u cakana' q'uixbal chuwäch ri are' aretak cäpetic.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.