Ri Lucax 16:3 - Quiché Bible

³ Xubij c'u ri chajinel pa ranima': ‘¿Jas quinbano? Ri wajaw cäresaj ri jastak re pa nu k'ab. Man quincuin ta che u banic tajin. Quinq'uix che ri u ta'ic cochinic.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri ajchak xuchomaj, xubꞌij: “¿Jas kinbꞌano? Maj nuchuqꞌabꞌ chukꞌotik jul, xuqujeꞌ kꞌixibꞌal riꞌ we kinta nulimoxna.

K'iche'

³ Xuchomaj c'u ri mayordomo pa ranima', xubij: “¿Jas ta c'u ne quinbano?” —cächa'. “Man craj tä chi ri nu patrón chi quinchacun na ruc'. Man c'o tä c'u nu chuk'ab chubanic taji'n. Quinq'uix c'ut che ri molonic,” —cächa'.

K'iche' (New Orthography)

³ Xuchomaj k'u ri mayordomo pa ranima', xub'ij: “¿Jas ta k'u ne kinb'ano?” —kächa'. “Man kraj tä chi ri nu patrón chi kinchakun na ruk'. Man k'o tä k'u nu chuq'ab' chub'anik taji'n. Kink'ix k'ut che ri molonik,” —kächa'.

Ri Lucax 16:3 Referans Kwoze

2 Tesalonicenses 3:11

Ka tom c'ut chi jujun chixo'l man c'o ta u beya'l ri qui c'aslemal, man quechacun taj, xane' cäquinim quib pa ri jastak que ri niq'uiaj chic.

Hechos 3:2

Catelex ulok jun achi ri ch'oco'j ulok kas pa ri u c'u'x ri u nan. Ronojel k'ij quelyok can chuchi' ri rachoch Dios, chuchi' ri oquibal ri cäbix “Je'lic” che. Cutz'onoj u cochinic chque ri winak ri quebopan pa ri rachoch Dios.

Ri Xuan 9:8

E are' c'ut ri c'ul tak ja xukuje' ri e ilowinak canok chi cutz'onoj u cochinic, xquibij: “¿La ma ta are wa' ri cät'uyic cutz'onoj u cochinic?”

Ri Lucax 18:4

Quieb oxib k'ij ri k'atal tzij man xraj taj. Te c'u ri' xuchomaj: ‘Pune' man quinxe'j ta wib chuwäch ri Dios, mawi quinya' qui k'ij ri winak,

Ri Lucax 16:22

C'o c'u jun k'ij xcäm ri meba'. Xc'am bic cumal ri e tako'n aj caj rech quecol cho u c'u'x ri Abraham. Xukuje' xcäm ri k'inom, xmuk c'ut.

Ri Lucax 16:20

Xukuje' c'o jun meba' Lazaro u bi', ri nojinak che ch'a'c. Ri are' cat'uyi' cho ri ulew chuchi' ri rachoch ri k'inom.

Ri Lucax 12:17

Xuchomaj pa ranima', xubij: ‘¿Jas quinbano? Man c'o ta chi c'olbal jawije' quinmulij wi ri u wächinic ri nu tico'n.’

Marcos 10:46

Xebopan pa Jerico. Elem bic rech ri Jesus pa Jerico e rachilam ri u tijoxelab cuc' q'uialaj winak. C'o chila' jun achi Bartimey u bi', u c'ojol ri Timey, are' moy, xukuje' molonel, t'uyul chuchi' ri be.

Ri Osey 9:5

¿Jas c'u lo ri quiban na ix chupam ri k'ij re ri nimak'ij, ri nimalaj u nimak'ij ri Ajawaxel?

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Isaiy 10:3

¿Jas lo ri quiban na aretak quiya' u bixic ri e i banom, aretak quiwilo chi petinak ri c'äjisabal wächaj chi naj?

E C'ambal tak Tzij 29:21

Ri cupuquej ri u lok'om pataninel pa ri u ch'utinal, chuq'uisbalil cäril na rib pa u k'ab.

E C'ambal tak Tzij 20:4

Aretak u k'ijol ri taji'n, ri sak'or man cätajin taj; aretak c'u copan ri k'ijol che u yaquic ri u wächinic, ri xtiquic cätzucunic man c'o ta c'u curik na.

E C'ambal tak Tzij 19:15

Ri sak'oril cuya' nimalaj waram, are' c'u ri sak'or cucoch' na numic.

E C'ambal tak Tzij 18:9

Ri sak'orib xukuje' ri yojinelab ¡quebux c'u ne na cachalal tak kib!

E C'ambal tak Tzij 15:19

Che ri sak'or, ri be nojinak che q'uix; che ri winak ri colom ri be nim u wäch cäpaspatic.

E C'ambal tak Tzij 13:4

Ri sak'or cärayinic man cärikon ta c'ut; ri cächacunic, queq'uiy ri jastak rech.

Ri Ester 6:6

Xoc c'ut ri Aman, ri ajawinel xucot u chi': “¿Jas ri rajawaxic cäban che ri achi ri cäraj ri ajawinel chi cäya' u k'ij?” Xubij c'ut ri Aman pa ranima': “¿Jachin ta ba' lo ri cäraj ri ajawinel chi cäya' u k'ij we ta mat in?”

Hechos 9:6

Chatwalijok. Chatoc bic pa ri tinimit. Cäbix c'u na chawe jas ri rajawaxic cabano.”

Ri Matey 20:8

Xk'ekal chic, ri rajaw ri tico'n re uva xubij che ri chajil que ri ajchaquib: ‘Chebasiq'uij ri ajchaquib, chajacha' ri tojbal que. Chebatojo' chachaplej cuc' ri xeboc chuq'uisbal.’

Ri Lucax 16:2

Ri k'inom achi xusiq'uij ri u chajinel, xubij che: ‘¿Jas wa' ri nu tom chawij? Chaya' ajilanic chrij ri jastak ri nu yo'm pa a k'ab. Man cuya' ta chic catc'oji' che nu chajinel.’

Ri Lucax 16:4

In weta'm jas ri quinban na, aretak quinesax che chajinel, ri winak quinquic'ulaj pa tak cachoch.’