Ri Lucax 15:27 - Quiché Bible

²⁷ Ri are' xubij che: ‘Ulinak ri a chak'. Ri a tat xupil ri alaj chom ama' wacax, rumal rech chi utz u wäch xulic.’

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ Xubꞌij kꞌu ri patanijel che: “Xtzalij loq ri achaqꞌ, utz uwach, rumal kꞌu rech xtaqan ri atat chukamisaxik ri chomalaj wakax.”

K'iche'

²⁷ Xubij c'u ri patäninel che: “Ulinak ri chak' la. Ri tat la xtakan c'u chupilic ri alaj ama' wacäx ri sibalaj chom, rumal chi ulinak ri ala utz u wäch,” —xcha che.

K'iche' (New Orthography)

²⁷ Xub'ij k'u ri patäninel che: “Ulinaq ri chaq' la. Ri tat la xtaqan k'u chupilik ri alaj ama' wakäx ri sib'alaj chom, rumal chi ulinaq ri ala utz u wäch,” —xcha che.

Ri Lucax 15:27 Referans Kwoze

Filemón 1:16

cäc'oji' na awuc' man jacha' ta chic jun lok'om pataninel, xane' c'o na chuwäch jun lok'om pataninel, jun lok'alaj awachalal. Ri are' lok' chnuwäch in, sibalaj lok' c'u na chawäch at, man xuwi ta jas jun winak, xane' xukuje' jas jun awachalal pa ri Ajawaxel.

Hechos 22:13

Xopan c'u ri Ananiy wuc', xubij chwe: ‘Wachalal Sawl, chatca'y chi jumul.’ Ri in c'ut pa ri jok'otaj ri' xinca'y che.

Hechos 9:17

C'äte ri' xbe ri Ananiy, xoc pa ri ja jawije' ri c'o wi Sawl. Xuya' ri u k'ab puwi', xubij che: “Sawl, wachalal, ri Ajawaxel Jesus, ri xuc'ut rib chawäch pa ri be ri at petinak wi, xinutak ulok rech catca'yic, rech catnojisax che ri Ruxlabal ri Dios.”

Ri Lucax 15:30

Aretak c'ut xpe we c'ojol la ri', ri xusachala' ri jastak ech la cuc' ixokib quech nim ch'utin, xpil c'u la ri alaj chom ama' wacax che.’

Nabe Samuel 28:24

Ri ixok xupilaxtaj c'u jun alaj chom ama' wacax ri c'o cho rachoch, xuyok' c'u c'äj rech quebuchak'ajisaj lej, ri man yo'm ta ch'am cuc'.

Ri Matey 22:4

Xebutak chi bic niq'uiaj tako'n, xubij chque: ‘Chibij chque ri winak: Xepilitaj ri ama' tak wacax, xepilitaj ri awaj ri e nu k'obisam, ri wa utzirinak chic ronojel ri ula'bal c'o chic. Tisaj pa ri c'ulanem.’

Ri Lucax 15:26

Xusiq'uij jun chque ri alabom, xuc'ot u chi' jas ri cätajin cäbanic.

Ri Lucax 15:28

Sibalaj c'u xpe royowal ri nabeal, chi man cäraj taj coc bic. Xel c'u ulok ri u tat che u bochi'xic.