Ri Lucax 15:24 - Quiché Bible

²⁴ Rumal rech chi we nu c'ojol ri' cäminak chic, xc'astaj c'u ulok, xsach na, xriktaj c'ut.’ Xquichaplej c'u nimak'ij.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Rumal cher ri nukꞌojol ri xkamik, xkꞌastaj chi kꞌu na loq, waꞌ sachik, xa kꞌu xqariq na.” Xaq jeriꞌ xkichapleꞌj ubꞌanik nimaqꞌij.

K'iche'

²⁴ Rumal chi we nu c'ojol ri' je' ta ne chi xcämic, xc'astaj c'u lok jumul chic. Xtzak na, xriktaj c'ut,” —xcha ri tata' chque. Xquichaplej c'u quicotem.

K'iche' (New Orthography)

²⁴ Rumal chi we nu k'ojol ri' je' ta ne chi xkämik, xk'astaj k'u loq jumul chik. Xtzaq na, xriqtaj k'ut,” —xcha ri tata' chke. Xkichaplej k'u kikotem.

Ri Lucax 15:24 Referans Kwoze

Efesios 2:5

Jeri' chi, aretak uj cäminak can cumal ri ka mac nabe, xuya' ka c'aslemal ruc' ri Crist. Rumal c'u ri u tok'ob ri Dios ix colotajinak chic.

Ri Ezequiel 34:16

Quebentzucuj tak na ri nu chij ri e sachinak, quebenc'am na ulok ri qui jalom tak qui be, quebenbotz' tak na ri jujun cakan ri e k'ajinak, quebento' na ri tukarib, quebenchajij na ri e chomak ri xukuje' ri e co. Ri in utzalaj qui chajixic quinban na.

Colosenses 2:13

Ri pa jun k'ijol canok ix cäminak pa mac, xukuje' man e kopim taj ri e itzel tak e i rayibal aj winak re mac, are c'u ri camic ri Dios e u yo'm i c'aslemal junam ruc' ri Crist. Ri are' e u cuyum conojel ri e ka mac.

Ri Lucax 19:10

Petinak c'ut ri Rija'l Winak che qui tzucuxic, che qui colic ri winak ri e sachinak.”

Efesios 2:1

Ri ix nabe ix cäminak pa tak ri iwetzelal xukuje' pa tak ri i mac.

Ri Lucax 15:4

“¿La c'o lo jun winak chiwe, we c'o jun sient u chij, cusach c'u jun chque, ri ma ta quebuya' can ri jumuch' belejlajuj pa ri chaki'j uwo sak, cäbe c'u che u tzucuxic ri jun ri xsachic, c'ä curik na?

Ri Lucax 15:32

Rajawaxic u banic nimak'ij, rajawaxic chi cujquicotic, rumal rech chi we a chak' ri' ri cäminak chic, xc'astaj c'ut. Xsach na, xriktaj c'ut.’ ”

Romanos 6:11

Jeri' xukuje' ri ix, chichomaj ba' chi kastzij ix cäminak chic chuwäch ri mac, ix c'asal chi c'ut che ri Dios pa Crist Jesus.

Romanos 8:2

Ri u pixab c'ut ri Uxlabaxel ri cuya' c'aslemal rumal ri Crist Jesus, are xinesan pa u k'ab ri pixab re mac xukuje' re cämical.

Romanos 12:15

Chixquicot cuc' ri quequicotic. Chixok' cuc' ri quebok'ic.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

Ri Xuan 11:25

Ri Jesus xubij che: “In ri' ri c'astajibal xukuje' ri c'aslemal. Jachin ri cäcojon chwe in, pune' cacämic, cäc'asi na.

Efesios 5:14

Ri sakil cuk'alajisaj ronojel. Rumal ri' cäbixic: “Chatc'astajok, at ri catwaric, chatwalij chquixo'l ri cäminakib. Ri Crist catuya' na pa sak.”

1 Corintios 12:26

We jun u tz'akatil ri cuerp curik c'ax, conojel ri' junam cäquirik c'ax ruc'. We c'u jun chque cänimarisax u k'ij, conojel ri' junam quequicot ruc'.

1 Timoteo 5:6

Are c'u ri cutzucuj u quicotisaxic rib, cäminak wa' pune' c'aslic.

Romanos 11:15

We ri quesaxic can ri aj judeyib are xbanowic chi xquirik ri jamaril ri winak cho ri uwächulew ruc' ri Dios, ¿jas c'u lo cäc'ulmax na aretak quec'am chi na ri aj judeyib rumal ri Dios? ¡Are jun c'astajibal ri' chque ri cäminakib!

Romanos 6:13

mijach ba ri i cuerp che ri mac che u banic ri etzelal. Xane' chijacha' iwib pa u k'ab ri Dios je ta ne ix c'astajinak chic chquixo'l ri cäminakib. Chijacha' ri i cuerp pa u k'ab ri Dios rech quiban ri utz.

Ri Xuan 5:21

Jas ri Tataxel quebuc'astajisaj ri cäminakib, cuya' qui c'aslemal, jeri' xukuje' ri C'ojolaxel cuya' qui c'aslemal jachin tak ri cäraj.

Marcos 8:22

Ri Jesus xopan pa Betsaid. Jujun winak xquic'am ulok jun moy, xquiya' chuwäch ri Jesus, xquibochi'j chi chunaka'.

Ri Ezequiel 34:4

Ri ix man quebito' taj ri tukar tak chij, mawi quebicunaj tak ri yawabib, mawi quebibotz' ri k'ajinak jun cakan, mawi quebitzelej ulok ri caquijal qui be, mawi quebitzucuj ri quesachic, xane' quicoj c'anal chque xukuje' man quitok'obisaj ta qui wäch.

Apocalipsis 3:1

“Chatz'ibaj che ri tako'n re ri comon cojonelab pa Sards: ‘Ri c'o ri wukub ruxlabal ri Dios ruc', xukuje' e c'o ri wukub ch'imil ruc', je cubij wa': Weta'm jas ri a chac cabano. Weta'm chi at cäminak, pune' elinak a tzijol chi at c'aslic.

Ri Juds 1:12

E xok'olil c'u wa' pa tak ri i wa'im re lok'ok'ebal c'uxaj, quebulan c'u iwuc' pa ri i wa'im ri quibano, man ruc' ta xe'n ib cäquitzuk quib; e chaki'j tak sutz', ri quec'am bic cumal ri quiakik'; e che' ri e pulpubinak man c'o ta qui wächinic, camul e cäminak, e bokom apanok;

Ri Lucax 10:19

Chiwilampe', nu yo'm i cuinem che qui tac'alexic cumätz xukuje' sina'j. Nu yo'm i cuinem puwi' ronojel ri u chuk'ab ri ka c'ulel, man c'o ta c'u cäbanow c'ax chiwe.

Chapletajic 45:28

Xubij c'ut, “¡Cuban ri retamaxic chwe chi c'ä c'asal ri nu c'ojol Jose! Quinbe che rilic c'ä mäjok chincämok.”

Ri Isaiy 66:11

ri are, jacha' jun nanaxel, quixutzuk na ruc' ri u cu'bisabal c'uxaj c'ä quixnoj na.

Ri Matey 8:22

Ri Jesus xubij che: “Chinaterenej, chebaya' can ri cäminakib chi chequimuku' ri qui cäminakib.”

Ri Lucax 9:60

Ri Jesus xubij che: “Chebaya' can ri cäminakib chi chequimuku' ri e qui cäminak. Ri at c'ut, jät, chatzijoj ri rajawibal ri Dios.”

Ri Lucax 15:23

Chic'ama' ulok ri alaj chom ama' wacax, chipila'. ¡Chujwok, chujquicot c'ut kabana' nimak'ij!

Ri Lucax 15:25

Ri c'ojolaxel nabeal c'o pa ri juyub. Aretak petinak xnakajin che ri ja, xuta' ri k'ojom, xukuje' ri xojowem.