Ri Lucax 15:15 - Quiché Bible

¹⁵ Xbec, xutzucuj u chac ruc' jun achi re ri ulew jawije' ri c'o wi. Ri xutak bic pa ri rulew che qui yuk'uxic ak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Xuriq kꞌu jun achi, xuta uchak che. Ri achi xuya uchak ri ala, xutaq bꞌik chikiyuqꞌuxik aq cho jun saq.

K'iche'

¹⁵ Xe'c, xutzucuj u chac ruc' jun chque ri winak re ri tinimit ri'. Xyi' c'u u chac. Xtak bi ri ala rumal ri achi che qui yuk'uxic ri ak pa ri juyub.

K'iche' (New Orthography)

¹⁵ Xe'k, xutzukuj u chak ruk' jun chke ri winaq re ri tinimit ri'. Xyi' k'u u chak. Xtaq b'i ri ala rumal ri achi che ki yuq'uxik ri aq pa ri juyub'.

Ri Lucax 15:15 Referans Kwoze

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Ri Isaiy 1:5

We c'u ri ix quicoj i chuk'ab rech man quixniman taj, man c'o ta chi c'u cac'äjisax wi i wäch che ri i cuerp. Socotajinak ronojel ri i jolom, e i tzakom ronojel ri i chuk'ab.

Ri Malaquiy 2:9

Rumal ri', rumal rech chi man e nimaninak ta chwe xukuje' chi xak c'u u wi' chic, aretak quetijon chque ri winak man junam ta caquiban chque conojel, in quinban na chi ronojel ri tinimit itzel che il cumal chetzelex c'u qui wäch cumal.” Are' cabin ri Ajawaxel ri c'o ronojel u cuinem.

Ri Jeremiy 5:3

Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Romanos 6:22

Camic c'ut, ix tzokopitajinak chic ix esam chic pa u k'ab ri mac, ix chi c'u u lok'om pataninelab ri Dios. Ri quiwechbej camic are jun tastalic c'aslemal, xukuje' ri quiwechbej na are ri junalic c'aslemal.

Ri Lucax 15:13

Oc'owinak chi quieb oxib k'ij, ri chak'axel u c'ojol xumulij bic ri puak, xbe naj pa jun ulew chic. Chila' c'ut xak xusachila' wi ri u k'inomal, xuban ronojel jas ri u rayinic.

Ri Nahum 3:6

Quinjamij c'u na ch'uluch'ujil pawi'; catinch'uk c'u na che esbal q'uixbal quinban c'u na chawe xak xuwi chi c'u ri at catca'yexic.

Ri Ezequiel 16:63

At cänataj c'u na chawe, cana' c'u na nimalaj q'uixbal xukuje' mach'ibal ib man c'u cachajij ta chic anima' c'o ta chi jas cabij aretak quinsach a mac che ronojel ri a banom, In ri Ajawaxel, quinjiquiba' u bixic.”

Ri Ezequiel 16:52

Are c'u ri at cach'ijijej na ri a mach'irisaxic, rumal c'u rech chi xebaban na macaj ri sibalaj e xojibal na chquiwäch ri xequiban ri e awachalal, xaban chque chi je ta ne ri quek'alajinic chi ma ta c'o qui mac. Are c'u ri at cacoch'ochej na we q'uixbal ri' xukuje' cach'ijijej na ri a mach'irisaxic, xaban c'u chque ri e awachalal chi je ta ne ri ma ta c'o qui mac.

Ri Isaiy 57:17

U mac rech ri u mac ri Israel xinoyowar na jun k'ijol, xinc'äjisaj u wäch xintas wib chrij ri are' c'ut man xniman taj are xuban ri u chomanic pa rech wi.

Ucab Tzijobelil 28:22

Pune' c'u kajinak chupam we latz' ri', xutakej c'u na qui banic tak ri etzelal chuwäch ri Ajawaxel. ¡Je' wa' ri u banic ri ajawinel Acaz!

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Ri Matey 7:6

Mebiya' ri tastalicalaj tak jastak chque ri tz'i'. Mebiquiäk tak ri e i perl chquiwäch ri ak. Ri e are c'ut quequitac'alej, quetzelej c'u chiwij, cäquiban ch'akatak chiwe.”

Ri Lucax 15:14

Aretak ronojel u sachom chic u wäch xpe jun nimalaj wi'jal pa ri ulew ri'. Ri ala xux meba', man c'o ta chi c'o ruc'.

Ri Lucax 15:16

Sibalaj curayij cutij ri rij quinak' ri cäquitij ri ak. Man c'o ta c'u jun cäyo'w ta che.