Ri Lucax 13:33 - Quiché Bible

³³ Rajawaxic c'ut camic, chwek, cabij quinbin na. Man ya'tal ta c'ut chi cäcämisax jun k'axal tzij we ta ma ta pa Jerusalen.

RI KꞌAKꞌ TESTAMENTO PA TZIJOBꞌAL KꞌICHEꞌ

³³ Rajawaxik kinbꞌin na kamik, chweꞌq, xuqujeꞌ kabꞌij, rumal man yaꞌtal ta che jun qꞌalajisal utzij ri Dios kakam chi pa jun tinimit chik ri man are ta Jerusalén.

K'iche'

³³ Rajwaxic c'ut chi cämic, chuwek, cäbij quinban na u banic ri nu chac, —cächa'. ¿A cuya lo cäcämisax jun k'alajisal re ru Lok' Pixab ri Dios pa jun tinimit chic, mat pa Jerusalén? Man je' taj, —xcha ri Jesús chque.

K'iche' (New Orthography)

³³ Rajwaxik k'ut chi kämik, chuweq, käb'ij kinb'an na u b'anik ri nu chak, —kächa'. ¿A kuya lo käkämisax jun q'alajisal re ru Loq' Pixab' ri Dios pa jun tinimit chik, mat pa Jerusalén? Man je' taj, —xcha ri Jesús chke.

Ri Lucax 13:33 Referans Kwoze

Ri Lucax 9:53

Ri aj samarib c'ut man xquic'ulaj taj ri Jesus, rumal rech chi benam re pa Jerusalen.

Ri Matey 21:11

Ri winak xquibij: “Are wa' ri Jesus ri k'axal tzij, ri aj Nazaret aj Galiley.”

Hechos 13:27

Ri e aj Jerusalen xukuje' ri e c'amal qui be man xquich'ob ta u wäch ri Jesus. Man xquich'ob taj ri tz'ibatal cumal ri e k'axal tak tzij ri cäsiq'uix u wäch ronojel k'ij re uxlanem. Xequitz'akatisaj aretak xquic'okoj ri Jesus.

Ri Matey 20:18

“Chiwilampe', cujpaki pa Jerusalen. Ri Rija'l winak cäjach na pa qui k'ab ri qui nimakil ri e cojol tak tabal tok'ob xukuje' pa qui k'ab ri ajtijab re ri pixab. Ri e are cäquik'at na tzij puwi' che u cämisaxic.

Ri Xuan 11:54

Je c'u ri', ri Jesus man cäbin ta chic chi sakil chquixo'l ri aj judeyib. Xane' xel bic chila', xbe cho ri ulew chunakaj ri chaki'j uwo sak pa jun tinimit ri u binam Eprain. Xcanaj can chila' cuc' ri u tijoxelab.

Ri Xuan 9:4

Rajawaxic chi quinban ri u chac ri xintakow ulok, c'ä c'o ri k'ij. Cäpe ri ak'ab aretak man c'o ta jun cäcuinic cächacunic.

Ri Xuan 4:34

Ri Jesus xubij chque: “Ri nu wa are wa' chi quinban ri u rayibal ri xintakow ulok, xukuje' chi quintz'akatisaj ri u chac.

Hechos 10:38

Iweta'm chi ri Dios xunojisaj ri Jesus aj Nazaret che cuinem xukuje' che ri Ruxlabal ri Dios, xukuje' chi ri Jesus xebuban utzil xukuje' xebucunaj conojel ri qui rikom c'ax pa u k'ab ri itzel. Xcuin c'u wa' che u banic rumal rech chi c'o ri Dios ruc'.

Ri Xuan 12:35

Ri Jesus xubij chque: “Xa jubik' chic c'o ri chäj chixo'l. Chixbinok utz c'ä c'o ri chäj chixo'l, mixcanaj c'u can pa k'eku'm. Jachin ri cäbin pa k'eku'm man reta'm taj jawije' cäbe wi.

Ri Xuan 11:9

Ri Jesus xubij chque: “¿La ma ta cablajuj jok'otaj u pam ri k'ij? We cäbin jun pa k'ij, man cätzak taj, rumal rech chi cäril ri u chäj we uwächulew ri'.