Ri Lucax 12:42 - Quiché Bible

⁴² Xubij ri Ajawaxel: “¿Jachin ri jicalaj pataninel wech ri utz u chomanic, ri cäcoj na rumal ri rajaw paquiwi' ri rajchaquib che u ya'ic ri qui wa ronojel k'ij?

RI KꞌAKꞌ TESTAMENTO PA TZIJOBꞌAL KꞌICHEꞌ

⁴² Xubꞌij ri Jesús: ¿La kariqitaj jun utz laj patanijel ri kꞌo retaꞌmabꞌal, kachilibꞌex kan che kuya kiwa ri ajchakibꞌ pa ri kꞌyaqalik qꞌotaj?

K'iche'

⁴² Xubij ri Kajaw Jesús: ¿Jachin lo ri jun utzalaj patäninel ri sibalaj c'o u no'j? We patäninel ri' are cäcoj na rumal ru patrón pa qui wi' ri niq'uiaj patäninelab chic rech cuya ri qui wa ronojel k'ij.

K'iche' (New Orthography)

⁴² Xub'ij ri Qajaw Jesús: ¿Jachin lo ri jun utzalaj patäninel ri sib'alaj k'o u no'j? We patäninel ri' are käkoj na rumal ru patrón pa ki wi' ri nik'iaj patäninelab' chik rech kuya ri ki wa ronojel q'ij.

Ri Lucax 12:42 Referans Kwoze

Hebreos 13:17

Chixniman chque ri c'amal tak i be, chiya' iwib pa takic chque. Ri e are' quequichajij ri iwanima', queta'm c'ut chi rajawaxic cäquibij na che ri Dios jas ri qui banom. Chixniman chque rech cäquiban ri qui chac ruc' quicotemal, man ruc' ta bis. We ta c'u ruc' bis cäquibano, ma ta c'o quiwechbej ri' che.

Hebreos 13:7

Chenataj ri c'amal tak i be chiwe, ri xquitzijoj ri u tzij ri Dios chiwe. Chiwila' jas ri elinak wi ri qui c'aslemal. Chc'ol iwuc' ri cojonic ri c'o cuc'.

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

1 Timoteo 5:17

Ri tatayib ri quetakan pa ri comon cojonelab ri utz ruc'axic ri qui chac cäquibano, takal chque chi sibalaj nim quebiwil wi, puwi' ronojel ri cäquitzijoj ri u tzij ri Dios xukuje' ri quetijonic.

1 Pedro 4:10

Chiyala' iwe chijujunal jas ri yo'm chiwe rumal ri Dios, je jas utzalaj tak e chajil re ronojel u wäch u tok'ob ri Dios.

Ri Tit 1:7

Rajawaxic chi ri solinel quech ri comon cojonelab: jicom ri u c'aslemal, rumal rech chi cächacun pa ri jastak re ri Dios. Rajawaxic man xuwi ta cuban jas ri cäkaj chuwäch, man coyowar taj chanim, man cäk'abar taj, man ch'ayanel taj, man curayij ta qui banic t'orinel tak ch'äcoj,

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Ri Matey 20:8

Xk'ekal chic, ri rajaw ri tico'n re uva xubij che ri chajil que ri ajchaquib: ‘Chebasiq'uij ri ajchaquib, chajacha' ri tojbal que. Chebatojo' chachaplej cuc' ri xeboc chuq'uisbal.’

Ri Ezequiel 34:3

Ri ix quikumuj ri leche, quicoj ri rismal ri chij che iwatz'iak quebipil tak c'ut ri chij ri e chomak na, man quiwilij ta c'ut ri jumulaj chij.

Ri Isaiy 50:4

Ri Ajawaxel u yo'm nu no'j rech quincu'bisaj qui c'u'x ri e cosinak cuc' tak tzij re chajin anima'aj. Conojel ak'abil cuban chwe chi quineyenic rech quintataben ruc' ch'uch'ujil.

E C'ambal tak Tzij 15:23

¡Sibalaj utz u rikic ri tzelebal wächaj ri takalic, are sibalaj utz na we kas pa ri u k'ijol!

Hebreos 3:5

Ri Moises kastzij jic pa ronojel ri rachoch Dios, je jas jun pataninel, che u k'alajisaxic jas ri cätzijox na.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

Ri Lucax 7:13

Ri Ajawaxel, aretak xrilo, xel u c'u'x che, xubij: “Matok' chic.”

Ri Matey 13:52

Ri Jesus xubij chque: “Aretak jun ajtij re ri pixab u tijom rib che ri rajawibal ri Dios, cajunamataj ruc' jun achi rajaw ja, ri queresaj ulok chupam ri u k'inomal c'ac'alaj tak jastak xukuje' k'elalaj tak jastak.”

Ri Jeremiy 23:4

Quebencoj c'u na ajyuk'ab ri quechajinic, rech ma ta c'o jas ri caquixibij ta wi na quib mawi c'o ta jun cäsach ta na chque. In, ri Ajawaxel, quinjiquiba' u bixic.”

E C'ambal tak Tzij 27:18

Ri cächajin ri u che'al higo quebutij rech ri higo; ri cuchajij ri rajaw cuc'am nimarisabal u k'ij.

E C'ambal tak Tzij 31:15

C'ä maja' casakaric cäwalij che qui tzukic ri ral xukuje' ri e u pataninelab.

Ri Lucax 12:43

Utz re ri pataninel ri', we ri rajaw culurika' chi cätajin cuban ri u chac aretak cätzelej ulok.

Elem 36:4

Ri ajchaquib ri cäquiban ronojel u wäch chac ri cätajin quequiban ri jastak ri quebajwataj che u banic ri k'ijilabal, xquitanaba' na can u banic ri qui chac xebec

E C'ambal tak Tzij 12:8

Ri winak cäya' u k'ij jas ri u cholajil ri u c'oxomanic, are' c'u ri con xuwi takal ri etzelam wächaj che.