Ri Lucax 12:37 - Quiché Bible

³⁷ Utz que ri pataninelab ri', we ri cajaw quebulurika' e c'asc'oj aretak cätzelej ulok. Kastzij quinbij chiwe chi ri cajaw cucoj na ri ratz'iak, quebut'uyiba' na pa ri mexa, copan cuc', quebupatanij.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁷ Utz ke ri patanijelabꞌ ri kuleꞌriqitajoq kayeꞌm apanoq ri kajaw. Qas kinbꞌij chiꞌwe, are kul ri kajaw kukꞌex riꞌ ri ratzꞌyaq, kuꞌtaq pa tꞌuyulem ri e rajchakibꞌ, xuqujeꞌ kok chikipatanixik.

K'iche'

³⁷ Utz que ri patäninelab ri' ri queriktaj na rumal ri qui patrón chi e c'aslic aretak cätzelej lok. Kas tzij quinbij chiwe chi ri qui patrón queut'uyuba' na chi' ri mesa, cusuc'umaj na rib rech cuya que ri qui wa, —cächa'.

K'iche' (New Orthography)

³⁷ Utz ke ri patäninelab' ri' ri keriqtaj na rumal ri ki patrón chi e k'aslik aretaq kätzelej loq. Qas tzij kinb'ij chiwe chi ri ki patrón keut'uyub'a' na chi' ri mesa, kusuk'umaj na rib' rech kuya ke ri ki wa, —kächa'.

Ri Lucax 12:37 Referans Kwoze

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

Ri Matey 24:42

Chixc'asc'at ba', rumal rech chi man iweta'm taj jachique k'ij ri cäpe na ri Iwajaw.

Filipenses 1:23

Man quinrik taj jachique we quieb ri' quincha'o. Quinwaj quincämic, quinel cho we uwächulew rech quinec'ol ruc' ri Crist. Are wa' sibalaj utz na.

1 Corintios 2:9

Xane' jas ri tz'ibatalic: “Jastak ri man quilom ta ri winak ruc' ri qui bak'wäch, mawi qui tom ruc' ri qui xiquin, mawi qui chomam pa ri canima', e are wa' ri e u suc'umam ri Dios chque ri winak ri quelok'ok'en ri are'.”

Apocalipsis 14:13

Xinta' jun ch'abal chicaj, ri xubij: “Chatz'ibaj wa': ‘Utz que ri quecäm pa ri Ajawaxel. Cäminakib ri e rech ri Ajawaxel ri camic xukuje' ri que takem na ri que cämic.’ ” “Je',” cächa ri Uxlabaxel, “quebuxlan na che ri qui chac, queteri c'u bic ri qui chac chquij.”

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

Ri Xuan 12:26

We c'o jachin quinupatanij, chinuterenej. Jawije' ri quinc'oji' wi, chila' xukuje' cäc'oji' wi na ri pataninel wech. We c'o jachin quinupatanij, nim quil wi na rumal ri nu Tat.”

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

Ri Isaiy 62:5

Jacha' c'ut aretak jun ala cäc'uli' ruc' jun ali ri u to'm che rixokil, jewa' cuban na ri Dios chawe catuc'am na che rixokil, catusuc'umaj na sibalaj c'u cäquicot na awuc', jacha' ri u quicotemal ri achi ruc' ri rixokil.

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Filipenses 1:21

Ri c'aslemal chwe in are ri Crist. We c'u quincämic, xa' ch'äcanic ri' chwe in.

Ri Lucax 17:8

Xane' nabe cubij che ri pataninel: ‘Chabana' ri nu wa re xk'ekal, chacojo ri awatz'iak, chinapatanij c'ä quinwa' na quinuq'uian na. Te c'u ri' chatwok at, chatuq'uianok.’

Ri Lucax 12:43

Utz re ri pataninel ri', we ri rajaw culurika' chi cätajin cuban ri u chac aretak cätzelej ulok.

Ri Soponiy 3:17

Ri Ajawaxel ri a Dios c'o pa a niq'uiajil; ¡Ri are c'o ronojel u cuinem, catuto'tajisaj c'u na! Ri Ajawaxel caquicot na chawe. Rumal ri u lok'ok'ebal c'uxaj cuya' na c'ac' a c'aslemal; chupam ri u quicotemal cabixon na

Ri Jeremiy 32:41

In quinquicot na che u banic utzil chque, ruc' c'u ronojel wanima' xukuje' ruc' ronojel jicomal quinban na chque chi quejeki' chupam we ulew ri'.”

Ri Lucax 12:36

Ri ix c'ut chibana' iwe jas cäquiban ri pataninelab ri queyem ri cajaw, aretak cätzelej ulok pa ri c'ulanem. Jeri' aretak cäpe ri cajaw, cuc'orc'a ri uchi'ja, chanim cäquijak chuwäch.

Ri Lucax 22:27

¿Jachin c'u ri nim na u banic, a are' ri cät'uyi' pa ri mexa, o are ri cäpataninic? ¿La ma ta are' ri cät'uyi' pa ri mexa? Are c'u ri in chixo'l, in je jas ri cäpataninic.

Apocalipsis 16:15

Chiwilampe', quinpetic je jacha' jun eläk'om. Utz re ri cäc'asc'atic, ri quebuchajij ri ratz'iak, rech man ch'anal taj cäbinic, man quebel ta ri u q'uixbal.