Ri Lucax 12:17 - Quiché Bible

¹⁷ Xuchomaj pa ranima', xubij: ‘¿Jas quinbano? Man c'o ta chi c'olbal jawije' quinmulij wi ri u wächinic ri nu tico'n.’

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Xuchomaj kꞌut: “¿Jas kinbꞌano? ¿Jawjeꞌ kinyak wi ronojel ri nutikoꞌn ri xwachinik?”

K'iche'

¹⁷ Cächoman c'u ri achi pa ranima', cubij: “¿Jas quinban na? Man c'o tä chi c'olibal jawije' quinya wi ri nu jal,” —cächa ri'.

K'iche' (New Orthography)

¹⁷ Kächoman k'u ri achi pa ranima', kub'ij: “¿Jas kinb'an na? Man k'o tä chi k'olib'al jawije' kinya wi ri nu jal,” —kächa ri'.

Ri Lucax 12:17 Referans Kwoze

Ri Matey 5:42

Apachin ta ne ri c'o cutz'onoj chawe, chaya' che; matzolk'omij awib chuwäch ri craj cakajan awuc'.”

Ri Isaiy 58:7

xukuje' chi caya' u wa ri cänumic, chi cac'amowaj cho awachoch ri meba' ri man c'o ta rachoch chi caya' ratz'iak ri man c'o ta ratz'iak, chi man cak'il ta awib che u banic tok'ob chque ri awajil a tz'akat.

1 Juan 3:16

Chupam wa' cäkach'ob wi u wäch ri lok'ok'ebal c'uxaj, chi ri Crist xuya' ri u c'aslemal rumal kech' ri uj xukuje' chkaya' ta ba' ri ka c'aslemal rumal quech ri kachalal.

Romanos 12:13

Chebito' ri winak ri e aj Dios pa tak ri qui rajawaxic. Chebic'ulaj ruc' utzil ri quebopan che i solixic.

Hechos 16:30

Xeresaj apanok, xubij chque: “Tatayib, ¿jas rajawaxic quinbano rech quincolotajic?”

Ri Lucax 19:17

Ri ajawinel xubij che: ‘Utz, utzalaj pataninel. At jic chrij ri jubik'. Rumal c'u ri', quinya' na takanic pa a k'ab paquiwi' lajuj tinimit.’

Ri Lucax 18:22

Ri Jesus, aretak xuta' wa', xubij che: “C'o jun jasach ri c'ä cäraj na chawe: Chac'ayij ronojel ri c'o awuc', chajacha' ri rajil chquiwäch ri mebayib. Cäc'oji' c'u na a k'inomal chila' chicaj. Tasaj c'ut, chinaterenej.”

Ri Lucax 16:9

Quinbij c'u chiwe: Chicojo' ri k'inomal aj uwächulew che u banic utzil rech e c'o na iwachil. Jeri' aretak cäq'uistaj na ri k'inomal aj uwächulew, c'o jachin quixc'ulan na pa tak ri junalic jekelibal.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

Hechos 2:37

Aretak xquita' wa', xk'oxow canima', xquibij c'u che ri Lu' xukuje' chque ri e niq'uiaj takom chic: “Kachalal tak, ¿jas c'u ri rajawaxic cäkaban na?”

Ri Lucax 16:3

Xubij c'u ri chajinel pa ranima': ‘¿Jas quinbano? Ri wajaw cäresaj ri jastak re pa nu k'ab. Man quincuin ta che u banic tajin. Quinq'uix che ri u ta'ic cochinic.

Ri Lucax 12:33

Chic'ayij ri jastak iwe, chisipaj ri rajil chque ri mebayib. Chibana' u c'olbal i puak ri man quek'elob taj. Chimulij i k'inomal chila' chicaj ri man q'uisel taj. Man quebopan ta eläk'om chila', mawi cächicopir ri jastak.

Ri Lucax 12:29

Sibalaj ba' mitzucuj jas ri quitijo, o jas ri quiwuq'uiaj; xukuje' mich'ujarisaj iwib.

Ri Lucax 12:22

Ri Jesus xubij chque ri u tijoxelab: “Rumal ri' quinbij chiwe: Mixoc il che ri i c'aslemal, jas ri quitijo. Mixoc il che ri cuerp, jas iwatz'iak quicojo.

Ri Lucax 11:41

Chic'ama' ba' ri c'o pa ri lak, chiya' chque ri mebayib. Je c'u ri' conojel ri jastak e ch'ajch'oj chiwäch.

Ri Lucax 10:25

Jun ajtij rech ri pixab xbe che u tzijobexic ri Jesus xukuje' c'u che u c'ambejexic xuc'ot u chi': “Ajtij, ¿jas rajawaxic quinbano rech quinrik ri junalic c'aslemal?”

Ri Lucax 3:11

Ri Xuan xubij chque: “Jachin ri c'o cac'ulaj ratz'iak, chuya' jun rech ri man c'o ta rech. Jachin ri c'o cutijo, chuya' rech ri man c'o ta cutijo.”

Ri Tzijonel 11:2

Chajachaja' ri c'o awuc' joropa ri catcuin che u ya'ic, man aweta'm ta c'ut we ne cäpe etzelal puwi' ri ulew.

Ri Matey 16:7

Ri u tijoxelab c'ut xquichap c'u u chomaxic, xquibij: “Rumal rech chi man xkac'am ta ulok ka caxlanwa.”

Ri Lucax 12:16

Xubij jun c'ambal no'j chque: “C'o jun k'inomalaj achi, ri rulew u yo'm q'ui u wächinic.

Ri Lucax 12:18

Xubij: ‘Are wa' quinban na: Quebenyojij na ri nu c'uja, quebenyac na niq'uiaj ri e nimak na. Quinmulij na ronojel ri u wächinic ri wulew xukuje' ri jastak we, quinya' na chupam.