Ri Lucax 10:22 - Quiché Bible

²² Conojel ri jastak e jachom chwe rumal ri nu Tat. Man c'o ta jun reta'm jachin ri' ri C'ojolaxel, xuwi ri Tataxel reta'm. Mawi c'o jun reta'm jachin ri' ri Tataxel, xuwi ri C'ojolaxel xukuje' jachin chquiwäch ri C'ojolaxel cäraj cuc'ut wi.”

RI KꞌAKꞌ TESTAMENTO PA TZIJOBꞌAL KꞌICHEꞌ

²² Ri nuTat xujach pa nuqꞌabꞌ ronojel ri jastaq ri kꞌolik. Maj jun etaꞌmaninaq uwach ri alkꞌwaꞌlaxel, xwi ri tataxel. Maj xuqujeꞌ jun retaꞌm uwach ri Tataxel, xaq xwi ri alkꞌwaꞌlaxel, xuqujeꞌ ri winaq ri yaꞌtal bꞌe che rumal ri alkꞌwaꞌlaxel.

K'iche'

²² Xubij xukuje': Ronojel ri c'olic are jachom chwe in rumal ri nu Tat. Man c'o tä jun ri kas retam jachin ri' ri u C'ojol ri Dios. Xak xuwi ri ka Tat retam. Man c'o tä c'u jun ri kas retam jachin ri' ri Dios ka Tat, xane xak xuwi ri u C'ojol. Apachin c'u chuwäch ri craj ri u C'ojol ri Dios cuc'ut wi wa', xukuje' ri winak ri' retam jachin ri' ri Dios ka Tat, —xcha ri Jesús.

K'iche' (New Orthography)

²² Xub'ij xuquje': Ronojel ri k'olik are jachom chwe in rumal ri nu Tat. Man k'o tä jun ri qas retam jachin ri' ri u K'ojol ri Dios. Xaq xuwi ri qa Tat retam. Man k'o tä k'u jun ri qas retam jachin ri' ri Dios qa Tat, xane xaq xuwi ri u K'ojol. Apachin k'u chuwäch ri kraj ri u K'ojol ri Dios kuk'ut wi wa', xuquje' ri winaq ri' retam jachin ri' ri Dios qa Tat, —xcha ri Jesús.

Ri Lucax 10:22 Referans Kwoze

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Xuan 1:18

Mawi jubik' c'o ta jun ilowinak ta u wäch ri Dios; are' c'u ri xa' jun chi C'ojolaxel, ri c'o pa uxcut ri Tataxel, are' ri xk'alajisanic.

2 Juan 1:9

E apachin tak winak ri cäquiya' u wi' ri u tijonic ri Crist, ri man quejeki' ta chupam, man c'o ta ri Dios ri' pa ri canima'. Apachin c'u ri cäjeki' pa ri u tijonic ri Crist, are ri' c'o ri Tataxel xukuje' ri C'ojolaxel ruc'.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Ri Xuan 17:26

Ri in nu yo'm retamaxic ri bi' la chque, quinbij chi c'u na chque, rech ri lok'ok'ebal c'u'x la chwe cäc'oji' na cuc' are' xukuje' rech quinc'oji' in cuc' are'.”

Ri Xuan 17:2

Je jacha' ri yo'm la takanic pa u k'ab puwi' conojel winak, rech cuya' junalic c'aslemal chque conojel ri e yo'm la che.

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Ri Xuan 13:3

Reta'm ri Jesus chi ri Tataxel e u yo'm chi conojel ri jastak pa u k'ab. Reta'm chi ri are' ruc' ri Dios elinak wi ulok, chi xukuje' cäbe na ruc' ri Dios.

Ri Xuan 3:35

Ri Tataxel culok'ok'ej ri C'ojolaxel, conojel ri jastak e u yo'm pa u k'ab.

Hebreos 2:8

Ronojel xcoj la chquixe' ri rakan.” Aretak c'ut xuya' ronojel ri jastak pa takic che, man c'o ta xuya' canok ri ma ta c'o chuxe' ri u takanic, c'ä maja' c'u cäkilo chi conojel ri jastak e c'o chuxe' ri u takanic.

Efesios 1:21

paquiwi' conojel ri e c'o paquiwi' niq'uiaj chic, conojel ri c'o qui takanic, ronojel cuinem xukuje' ronojel ajawibal, xukuje' paquiwi' conojel bi'aj, man xuwi ta pa tak we k'ij junab ri', xane' xukuje' pa ronojel k'ij ri cäpe na.

1 Corintios 15:24

Chuq'uisbalil, ri Crist cujach na ri ajawibal che ri Dios Tataxel, cusach c'u qui wäch conojel ri e c'o paquiwi' niq'uiaj chic, conojel ri c'o qui takanic xukuje' conojel ri c'o qui cuinem.

Ri Xuan 17:10

Ronojel ri wech, ech la; xukuje' ri ech la, wech; ri nu juluwem cäc'utun cumal quech.

Ri Xuan 17:5

Camic c'ut, Tat, chnimarisaj la nu k'ij chxcut la ruc' ri juluwem ri xc'oji' wuc', aretak c'ä majok ri uwächulew.

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.