Ri Lucax 1:51 - Quiché Bible

⁵¹ Xuban nimak tak jastak ruc' ri u chuk'ab ri u k'ab. Xebujabuj ri winak ri cäquiban nimal pa ri qui chomanic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵¹ Rukꞌ ri utelebꞌ xubꞌan nimalaj taq jastaq, xusach kiwach ri winaq ri nimal chike xuqujeꞌ ri kakinimarisaj kibꞌ.

K'iche'

⁵¹ U c'utum ri nimalaj u chuk'ab chquiwäch conojel. Xukasaj qui k'ij ri winak ri cäquichomaj chi sibalaj nim qui banic, —cächa'.

K'iche' (New Orthography)

⁵¹ U k'utum ri nimalaj u chuq'ab' chkiwäch konojel. Xuqasaj ki q'ij ri winaq ri käkichomaj chi sib'alaj nim ki b'anik, —kächa'.

Ri Lucax 1:51 Referans Kwoze

Salmib 98:1

¡Chibixoj che ri Ajawaxel jun c'ac' bix, u banom c'u tak mayibal! ¡U rikom c'u ch'äcanem rumal ri nimalaj u cuinem, xukuje' rumal ri tastalicalaj u k'ab!

Ri Isaiy 52:10

Ri Ajawaxel u c'utum ri u cuinem chquiwäch conojel ri nimak tak tinimit. Pa ronojel ri uwächulew quetamax na chi ri ka Dios uj u colom.

Ri Isaiy 51:9

C'astaj la, c'astaj la u k'ab ri Ajawaxel, cojo' la ri chuk'ab la c'astaj la jacha' ri xban la can nabe, pa ri ojer tak k'ijol. Lal xbanow la ch'akatak che ri Rahab ri nimalaj awaj aj plo;

Romanos 1:21

Pune' ta ne xquich'ob u wäch ri Dios, man xquinimarisaj ta u k'ij jas ri takal che ri Dios, mawi xemaltioxin che. Xane' xquiban ri u chomanic ri canima', ri man c'o ta qui patan. Xk'ekumar c'u ri canima' ri man cäraj taj cäch'obonic.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ri Isaiy 63:12

ri xbanowic chi ri juluwemalaj u cuinem xrachilaj ri Moises, ri xbanow quieb che ri plo chuwäch ri u tinimit, rech cänimar u k'ij chbe k'ij sak,

Ri Isaiy 40:10

Copan ri Ajawaxel ruc' cuinem, cätakan c'u na puwi' ronojel ruc' ri chuk'ab ri c'o pa u k'ab. Cuc'am ulok ri u tinimit aretak torotajinak chi rumal.

Salmib 118:15

Pa tak ri cachoch ri e jic winak e c'o quicotemal tak bix re ch'äcanic: “Ri u cuinem ri Ajawaxel xyo'w ri ch'äcanic.

Salmib 89:10

xtac'alej la ri jilijic awaj re ri plo je ta ne jun cäminak; xejabuj la ri e c'ulel la ruc' ri u chuk'ab ri k'ab la.

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Apocalipsis 18:8

Rumal ri', xa' pa jun k'ij quepe na ri u rikoj c'ax: quepe na cämical, bis, wi'jal, xukuje' cäporox na pa k'ak'. C'o u chuk'ab ri Ajaw Dios ri cuk'attzij puwi'.”

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”

2 Corintios 10:5

xukuje' ronojel banoj nimal ri cucoj u chuk'ab chi ma ta quetamax u wäch ri Dios. Ronojel chomanic aj winak cäkaya' xe' rakan u k'ab ri Crist, rech caniman che are'.

Salmib 89:13

Ri k'ab la cuinel; ri iquiak'ab la c'o u chuk'ab xukuje' ch'äcanel.

Salmib 63:5

Kas c'u quinnoj canok, jacha' ri cutij ronojel ri ulabal ri sibalaj je'lic, e are tak c'ut ri nu chi' quek'ijilan na che la ruc' quicotemal.

Salmib 52:9

Nu Dios, amak'el quinya' maltioxinic che la rumal ri banom la; quineyen che la chquiwäch ri e jic uc' la, rumal rech chi lal utz.

Salmib 33:10

Ri Ajawaxel cuyojij ronojel ri qui chomanic ri winak ri e k'ijilal tak diosib,

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Chapletajic 11:8

Jewa' xuban ri Ajawaxel che qui jabuxic ri winak ri e c'o cho ronojel ri uwächulew, xquitanaba' c'u u yaquic ri tinimit.

Ri Jeremiy 49:15

In quinban na chawe chi catux na sibalaj ch'utin chquixo'l tak ri tinimit, ri sibalaj etzelam u wäch chquixo'l tak ri winak.