Ri Lucax 1:33 - Quiché Bible

³³ Cätakan na puwi' ri nim tinimit Israel chbe k'ij sak. Ri u takanic c'ut man c'o ta u q'uistajic.”

RI KꞌAKꞌ TESTAMENTO PA TZIJOBꞌAL KꞌICHEꞌ

³³ Amaqꞌel kataqan na puꞌwiꞌ ri tinimit Israel, ri utaqanik maj ukꞌisik.

K'iche'

³³ Je ri' rech cätakan na puwi' ri tinimit Israel pa tak ri k'ij ri junab ri quepetic. Ru takanic ri Are', man c'o tä u q'uisic, —xcha ri ángel che ri al María.

K'iche' (New Orthography)

³³ Je ri' rech kätaqan na puwi' ri tinimit Israel pa taq ri q'ij ri junab' ri kepetik. Ru taqanik ri Are', man k'o tä u k'isik, —xcha ri ángel che ri al María.

Ri Lucax 1:33 Referans Kwoze

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Hebreos 1:8

Che c'u ri C'ojolaxel cubij wi: “Ri a tem re ajawibal, oh Dios, amak'el chbe k'ij sak man q'uisel taj. Bara' re suq'uil ri u bara' ri awajawinic.

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ucab Samuel 7:16

Ri awija'lil xukuje' ri awajawinic quecanaj jic chuxe' ri nu to'banic, xukuje' ri a tem re ajawibal cäjekebax can chbe k'ij sak.’ ”

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Salmib 45:6

Ri ajawibal la, nu Dios, re chbe k'ij sak, ri k'atoj tzij la are jun suc'alaj k'atoj tzij.

Ri Daniel 7:18

Chwi chi c'u wa' ri ajawibal pa u k'ab ri u tinimit ri Dios ri sibalaj aj chicaj, cux c'u na rech ronojel ri chbe k'ij sak.’

Gálatas 3:29

We ix rech ri Crist, kas ix rija'lil ri Abraham ri', xukuje' echbenelab jas ri u bim ri Dios pa ri u chi'm ulok che ri Abraham.

Romanos 9:6

Man quinbij taj chi ri Dios ma ta xubano jas ri u bim ulok. Man conojel ta c'u ri e rija'lil ri Israel kas e aj Israel.

Gálatas 6:16

Conojel ri cäquibano jas we takanic ri', xukuje' conojel ri e re ri kas u tinimit ri Dios are ri Dios cuya' jamaril chquixo'l xukuje' quel u c'u'x chque.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Ri Matey 1:1

Are wuj wa' ri cutzijoj ri ija'lil ri xpe wi ri Jesucrist, ri rija'lil ri David, rija'lil ri Abraham.

Ri Abdiy 1:21

Ruc' ch'äcanic quepaki' na pa ri juyub Sion che u k'atic tzij paquiwi' ri e c'o chupam ri e aj u c'ache'laj ri rulew ri Esau, are' c'u ri Ajawaxel are ri cajawin na.

Ucab Samuel 7:13

Are' cäyacow na jun wachoch, quinjekeba' c'u na ri rajawinic chbe k'ij sak.

Salmib 89:4

“Quinban na chi ri e awija'lil quebajawin na amak'el chupam ri a c'olbal.”

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Isaiy 16:5

jun rija'lil ri David coc na che ajawinel, ri u tem re ajawibal co cäjeki' na che u banic tok'ob. Jun k'atal tzij wa' ri ch'ajch'oj ranima', cujekeba' na ri ya'tal u banic, cuban na ri suq'uil chque ri winak.

Ri Jeremiy 23:5

Ri Ajawaxel cujiquiba' u bixic: “Cäpe na jun k'ij aretak quinban na chi ri David cac'oji' na jun kas rija'lil, jun ajawinel ri cajawin na ruc' no'j cuban c'u na ri suq'uilal xukuje' ri colomal chupam ri ulew.

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Ri Lucax 1:34

Xubij c'u ri Mariy che ri tako'n aj caj: “¿Jas lo wa'? Man in c'olinak ta ruc' achi.”