Ri Josue 8:2 - Quiché Bible

² ri at caban na ruc' ri Hai xukuje' ri rajawinel jacha' ri xaban che ri Jerico xukuje' ri rajawinel, che c'u we jutij ri' cuya' quiban iwech chque ri jastak xukuje' tak ri cawaj ri e ch'äctajinak. Chasuc'umaj jun ch'äcanic ri man c'o ta cänabexic, chrij ri tinimit.”

Ri Josue 8:2 Referans Kwoze

U Camulixic ri Pixab 20:14

Ri ixokib ri ac'alab, ri awaj, xa ta ne joropa' ri c'o pa ri tinimit quiban iwech che; quiwechbej c'u ronojel ri cuya' ri Ajawaxel ri i Dios chiwe ri quic'am chque ri e i c'ulel.

E C'ambal tak Tzij 13:22

Ri utzalaj winak cuya' can quechbal ri e ri' tak u mam; ri ajmac quebumulij utzalaj tak jastak ri cux na rech ri suc'.

Ucab Tzijobelil 20:22

Pa ri jok'otaj c'ut aretak xquichaplej quibixoxic bix ruc' quicotemal, bix re k'ijilanic, ri Ajawaxel xubano chi xwalij jun yojcorem chquixo'l ri aj amonib, ri aj moabib xukuje' chquixo'l ri e petinak pa ri c'ache'laj re Seir, ri e petinak che u banic ch'o'j ruc' ri Juda, xech'äcataj c'ut.

Ri Josue 6:21

Xequicämisaj c'ut cuc' ch'ich' re ch'o'j ri achijab, ri ixokib, ri c'ojolab ri ri'jab, xukuje' c'u ne tak ri wacax, ri chij, xukuje' tak ri bur. Ronojel c'ut xquisachisaj u wäch.

Ri Jeremiy 51:12

¡Chiya' ri etal che qui t'akixic tak ri nimak tak u tapia ri Babilon! ¡Chebicojo' chi niq'uiaj to'l quech ri chajinelab! ¡Chebicojo' chi tak yuxlenelab! ¡Chebicojo' xukuje' ajch'ojab ri cäquic'u' quib! Rumal rech chi ri Ajawaxel xusuc'umaj xutz'akatisaj c'u qui banic tak ri chomanic ri u yo'm qui bixic che u banic c'ax chque ri aj Babilon.

Ri Jeremiy 17:11

Ri man ruc' ta suq'uilal cak'inomaric xak junam ruc' ri sakco'r ri cujupulej qui sakmol jule' chic. Quetiltit rakan u k'ab cuya' can ri u k'inomal, chuq'uisbalil xa' c'u jun con chic.

E C'ambal tak Tzij 28:20

Jachin ri ya'tal u jiquibaxic c'uxaj caya' na u k'ij; jachin sibalaj curayij ri k'inomal man cäcanaj ta canok chi ma ta cac'äjisax u wäch.

Salmib 39:6

“¡Ronojel winak xak coc'owic xa jacha' jun nanoch'! Man c'o ta cupatanij che cumulij sibalaj k'inomal, man reta'm ta c'ut jachin quechben canok.

Ucab Tzijobelil 13:13

Ri Jeroboam u yo'm takanic chi ri e rajch'ojab ri e c'o chquij checotinok che ch'ojin c'ut chquij, je c'u ri' chi ri e nimalaj juk'at rajch'ojab ri Jeroboam xuc'lawichij rib ruc' ri re ri Juda, je c'u ri' chi ri e c'o chquij. Cuya' quech'ojin ulok chquij.

Ri Josue 10:28

Kas pa ri k'ij ri', ri Josue xumajij ri tinimit Mased xuq'uis c'u tzij puwi'; xebucämisaj c'u ruc' ch'ic' re ch'o'j ri e c'o chila', man c'o ta c'u jun xuc'asba' canok. Junam xuban che ri rajawinel ri Mased jacha' ri xuban che ri rajawinel ri Jerico.

Ri Josue 10:1

Ri Adonisedec, ri rajawinel ri Jerusalen, sibalaj xuxe'j rib aretak xretamaj chi ri Josue xumajij xukuje' xusachisaj u wäch ri Hai, xuban c'u che xukuje' che ri rajawinel junam je jas ri xuban che ri Jerico xukuje' ri rajawinel, xukuje' chi ri aj Gabaon xebutzir cuc' ri aj israelib e jekel c'u ne camic chquixo'l. We q'uisbal c'ulmatajic ri' sibalaj xuya' xe'n ib che, ri Gabaon are' jun tinimit ri nim u banic, nin na chuwäch ri Hai ri kas nim na u banic, ri aj Gabaon sibalaj e cowilaj tak achijab na.

Ri Josue 8:24

Aretak c'u e cämisatajinak chic conojel ri aj Hai ri xebel ulok che qui ch'äquic, ri aj israelib, xetzelej pa Hai xequicämisaj c'ut ri e canajinak canok.

Ri Josue 8:19

E are' tak c'ut ri qui c'u'm quib ruc' aninakil xebel ulok pa ri c'ubal tak quib, xbequiq'uiaka' quib pa ri tinimit xquimajij c'ut, xquit'ikaxtaj c'u k'ak' che.

Ri Josue 8:14

Aretak ri rajawinel ri Hai xeril ri ajch'ojab, xucoj aninakil xel c'u ulok cuc' conojel ri e rajch'ojab che u banic ch'o'j cuc' ri aj israelib pa ri beya' re ri Jordan, man xunabej ta c'ut chi e c'o chi niq'uiaj aj israelib quic'u'm quib chrij ri tinimit.

Ri Josue 8:12

Ri Josue xebuc'u' job mil (5000) achijab chuxo'l ri Betel ruc' ri Hai, pa ri u kajebal k'ij che ri tinimit,

Ri Josue 8:9

Xuya' c'u takanic ri Josue chque chi quebec, xebe c'ut xequic'u' quib chuxo'l ri Betel ruc' ri Hai, pa ri u kajebal k'ij che ri Hai, are c'u ri Josue xroc'owisaj na ri jun ak'ab pa kajebal.

Ri Josue 8:7

Quixel c'u ulok ix pa ri c'ubal iwib qui majij c'u na ri tinimit, are' c'ut ri Ajawaxel ri i Dios cujach na pa i k'ab.

U Camulixic ri Pixab 3:2

Xubij c'u ri Ajawaxel chwe: ‘Maxe'j awib, ri are' e rachil ri e rajch'ojab xukuje' ronojel ri rulew nu jachom pa a k'ab rech je caban che jas ri xaban che ri Sehon ri cajawinel ri aj amoreyib ri xc'oji' pa Hesbon.’

Ri Josue 8:3

Ri Josue xusuc'umaj rib junam cuc' conojel ri e u rajch'ojab che u banic ch'o'j ruc' ri Hai. Xebucha' juwinak lajuj mil ajch'ojab, ri xebutak bic chak'ab

Ri Josue 8:8

Aretak c'u i majim chic, chiporoj, je jacha' ri u bim ri Ajawaxel. Jun takanic wa'.”

U Camulixic ri Pixab 2:35

Xuwi xekac'am ri awaj xukuje' ri jastak ri pakal cajil ri xekarik pa tak ri tinimit ri xekach'äco.

Ri Josue 9:3

E are' c'u ri aj hebeyib ri e jekel pa Gabaon xquetamaj ri u banom ri Josue cuc' tak ri tinimit ri Jerico xukuje' ri Hai,

Ri Josue 11:14

Conojel ri winak ri e jekel pa ri tinimit ri' xequicämisaj, man c'o ta c'u jun ri xquic'asba' ta canok, xequechbej c'ut conojel ri awajib xukuje' tak ri jastak ri e c'o chila'.