Ri Jonas 3:5 - Quiché Bible

⁵ Ri winak ri e c'o pa ri tinimit, chi ri'jab chi ac'alab xecojon che ri Dios, xquiya' u bixic chi man cätijow ta wa, xukuje' xequicoj wakwoj tak atz'iak che u c'utic ri k'oxomal.

Ri Jonas 3:5 Referans Kwoze

Ri Lucax 11:32

Ri aj ninibeyib quewalij na pa ri k'ij re ri k'atan tzij, aretak chk'attzij paquiwi' ri winak re we k'ijol ri', quequic'okoj c'u na; rumal rech chi ri e aj Ninibe xetzelej ruc' ri Dios aretak xquita' ri u tijonic ri Jonas, are c'ut ri c'o waral camic c'o na u k'ij chuwäch ri Jonas.”

Ri Matey 12:41

Ri achijab aj Ninibe quec'oji' na pa ri k'atoj tzij junam cuc' ri winak ri e c'o cho ri uwächulew camic. Ri aj Ninibe quequic'okoj na; rumal rech chi ri e are xquiq'uex qui c'u'x rumal ri u tzij ri Jonas. Chiwilampe', c'o jun waral ri nim na u banic chuwäch ri Jonas.

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Ri Joel 1:14

Chisiq'uij ri tinimit co c'u chiraka' i chi' che u bixic chi chyok ib pa numic; chebimulij chupam ri rachoch ri Ajawaxel ri nimak tak tatayib xukuje' conojel ri winak ri e c'o pa ri ulew, chisiq'uij ri Ajawaxel.

Ucab Tzijobelil 20:3

Ri Josapat xuxe'j rib xuchomaj c'ut u tzucuxic ri Ajawaxel. Xresaj c'u u bixic chi man cäban ta wa'im pa ronojel Juda,

Hebreos 11:1

Are wa' ri u banic ri ka cojonic: cäkacu'ba' ka c'u'x chi je quebel na ri jastak ri cäkaye'j, xukuje' keta'm pa kanima' chi kastzij e c'o ri jastak ri man queilitaj taj.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

Hechos 27:25

Rumal c'u ri', tatayib, cu'ba' c'u'x alak. Quincoj c'u ri u tzij ri Dios chi je cäban na jas ri xbix chwe rumal ri tako'n aj caj.

Hechos 8:10

Conojel ri winak, chi ch'utik chi nimak, xquitatabej ri u tzij, xquibij: “Are wa' ri nimalaj u cuinem ri Dios.”

Ri Jeremiy 42:8

wa' xusiq'uij c'ut ri Joanan, u c'ojol ri Carey, xukuje' ri e qui nimal tak ri ajch'ojab ri e achilaninak, xukuje' conojel ri winak, kas ruc' ri sibalaj ch'utin c'ä ruc' ri sibalaj nim,

Ri Jeremiy 42:1

Conojel ri e qui nimakil ri ajch'ojab, are' c'u jun ri Joanan, u c'ojol ri Carey, xukuje' ri Azariy, u c'ojol ri Osaiy, xukuje' conojel ri winak, chi ch'utik chi nimak,

Ri Jeremiy 36:9

Pa ri ubelej ic' re ri uro' junab ri rajawinic ri Joasim, u c'ojol ri Josiy, ajawinel re Juda, xchomaxic chi, jacha' ri aj Jerusalen e jacha' xukuje' ri e petinak pa niq'uiaj tak tinimit chic re Juda, man cuya' taj quiban wa'im chuwäch ri Ajawaxel.

Ri Jeremiy 31:34

Man rajawaxic ta chi c'ut chi jujun cuc' jule' tak chic, achilab xukuje' achalaxelab, caquitijola' ta chi na quib rech caquetamaj nu wäch rumal c'u rech chi conojel, cachaptaj bic kas ruc' ri sibalaj nim na queq'uis c'u na ruc' ri sibalaj ch'utin, caquetamaj na nu wäch. In quinsach na qui mac che ri etzelal ri qui banom man quenataj ta chi c'ut chwe ri qui mac ri qui banom. In, ri Ajawaxel Dios, quinjiquiba' u bixic.”

Ri Esdras 8:21

Xinya' c'u u bixic chi man quewa' ta na jujun k'ij chunakaj ri nima' Ahab, che u k'alajisaxic chi uj macuninak chuwäch ri ka Dios, che c'u u tz'onoxic che chi colom chujuc'ama' bic xukuje' ri e kachalaxic xukuje' ri jastak ke.

Apocalipsis 11:3

Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

Ri Ester 4:1

Aretak xretamaj ri Mardoquey ronojel ri c'ulmatajinak, xujix ri ratz'iak chrij che u c'utic ri u bis, xebucoj wakwoj tak atz'iak chrij, xuya' chaj pa u jolom xuchaplej c'u u binibexic ronojel ri tinimit curak u chi' nojinak che c'ayilaj bis.

Ri Jonas 3:7

Ri ajawinel xukuje' ri e rach k'atal tak tzij xquiya' c'u retamaxic we pixab ri': “C'o jun mutij k'obibal. Chi xukuje' ne metzukic mawi maya' qui joron ri wacax xukuje' tak ri chij.

Elem 33:6

Je c'u ri' kas aretak e c'o pa ri juyub Horeb, ri aj israelib xquik'il tak quib che qui cojic ri wikbal tak quib.

Ucab Ajawinelab 19:1

Aretak ri ajawinel Ezequiy xuta' ri xbixic, xujis ri ratz'iak chrij, xebucoj wakwoj tak atz'iak chrij che u c'utic chi c'axc'obinak ri ranima' xbe c'ut pa ri rachoch ri Ajawaxel,