Ri Jonas 3:10 - Quiché Bible

¹⁰ Ri Dios xrilo ri caquiban ri winak aj Ninibe ri xquiban che u ya'ic canok ri itzelalaj qui no'jibal, xuchomaj chi man cuc'am ta chi ulok ri c'ax ri u chomam u c'amic ulok paquiwi'.

Ri Jonas 3:10 Referans Kwoze

Ri Jeremiy 18:8

We c'u ne we nim tinimit ri' cutanaba' u banic ri etzelal, man quintak ta chi c'u ulok ri c'äjisabal wächaj ri nu suc'umam u takic che'.

Ri Lucax 15:20

Xwalij ri ala, xbe ruc' ri u tat. C'ä c'o c'u chi naj, xilitaj apan rumal ri u tat. Ri are' c'ut xel u c'u'x che, xxiq'uinic xbec, xuk'aluj ri ala, xutz'umaj.

Ri Amos 7:6

Xuk'il c'u rib ri Ajawaxel che ri u chomam u banic. Xubij c'ut ri Ajawaxel: “¡Mawi ne quec'ulmataj wa'!”

Ri Lucax 11:32

Ri aj ninibeyib quewalij na pa ri k'ij re ri k'atan tzij, aretak chk'attzij paquiwi' ri winak re we k'ijol ri', quequic'okoj c'u na; rumal rech chi ri e aj Ninibe xetzelej ruc' ri Dios aretak xquita' ri u tijonic ri Jonas, are c'ut ri c'o waral camic c'o na u k'ij chuwäch ri Jonas.”

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

Ri Amos 7:3

Xuk'il c'u rib ri Ajawaxel che ri u chomam u banic, xubij c'ut: “¡Man quec'ulmataj ta ba' wa'!”

Ri Joel 2:13

¡Chixtzelej ba' ix ruc' ri Ajawaxel ri i Dios, chi t'ubu' c'ut ri iwanima' che u q'uexwäch ri u t'ubic ri iwatz'iak! Rumal rech chi ri Ajawaxel ch'uch'uj xukuje' quel u c'u'x, coch'onel xukuje' ronojel lok'ok'ebal c'uxaj, amak'el xak reyem jampa' cuwalijisaj ri c'äjisabal wächaj.

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Nabe Tzijobelil 21:15

Xutak c'ut ri Dios jun tako'n che u sachisaxic u wäch ri Jerusalen. Aretak c'u cätajin cusachisaj u wäch, xril c'ut ri Ajawaxel, c'ax xbe pa ranima' ri cätajin u banic xuya' c'u takanic che ri tako'n ri cätajin cacämisanic: “¡Ruc' la', mat takenic!” Pa ri jok'otaj ri', ri u tako'n ri Ajawaxel c'o chunakaj ri c'olbal jawije' ri cätajin cuyak' wi ri trico ri Ornan ri aj jebusey.

Ri Isaiy 30:18

Are c'u ri Ajawaxel quixreyej, che u tok'obisaxic i wäch; ri are' sibalaj curayij cuc'ut ri u lok'ok'ebal c'u'x chiwe, are' c'u ri Ajawaxel are jun Dios aj suq'uil. ¡Utz quech conojel ri quebeyen che!

Ri Jeremiy 36:3

Caraj ne coc pa qui jolom ri aj Juda conojel ri c'axc'ol ri quinchomaj u c'amic ulok paquiwi', caquiya' ta c'u canok ri itzel qui c'aslemal are c'u ri in quencuyu' ri quetzelal xukuje' tak ri e qui mac.”

Ri Jeremiy 42:10

‘We i yo'm i tzij chi quixcanaj can chupam we ulew ri', in quixinpok'colij na; man quinsachisaj ta na i wäch, xane' quixintiquiba' na man c'u quixinbok ta na, quinbison c'ut chi xintak we nimalaj c'axc'ol ri' piwi'.

Ri Jonas 4:11

Are c'u nim na u banic chi rajawaxic quel na nu c'u'x che, ri Ninibe, ri tinimit ri nim u k'ij ri e c'o wi jun sient juwinak mil (120,000) ac'alab ri man c'o ta qui mac, xukuje' jumulaj awaj.”

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Ri Jeremiy 18:7

Pa jun jok'otaj ri takalic quinchomaj u bokic, u t'akixic xukuje' u sachisaxic u wäch jun nim tinimit o jun ajawibal.