Ri Jonas 1:9 - Quiché Bible

⁹ Ri Jonas xubij chque: “In aj hebrey, quink'ijilaj ri Ajawaxel, ri Dios aj caj ri banowinak ri plo xukuje' ri ulew.”

Ri Jonas 1:9 Referans Kwoze

Ri Nehemiy 9:6

Xubij c'ut ri Esdras: “Lal ri' ri Ajawaxel, man c'o ta chi c'u jun. Lal xbanow la ri caj xukuje' ri sibalaj chicaj na che ri caj, xukuje' conojel tak ri e u ch'imil; xban la ri ulew xukuje' ronojel ri c'o chuwäch, ri plo xukuje' ronojel ri e c'o chquipam. Lal cäyo'w la qui c'aslemal conojel ri jastak. Rumal ri' cäk'ijilax la cumal tak ri ch'imil re ri caj.

Salmib 136:26

¡Chiya' maltioxinic che ri Dios aj caj, junalic c'ut ri u lok'ok'ebal c'u'x!

Ri Nehemiy 1:4

Aretak xinta' tak we tzijol ri', xint'uyiba' wib che ok'ej, xbeytaj c'u quieb oxib k'ij ri nu bis, man xinwa' taj xukuje' xinban ch'awem chuwäch ri Dios ri c'o pa ri caj.

Ri Esdras 1:2

“Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

Ucab Ajawinelab 17:28

Jun c'ut chque ri e cojol tabal tok'ob ri esam ulok pa Samar xbec xejekel pa Betel, xebutijoj c'u che u ya'ic k'ijilanic che ri Ajawaxel.

Ucab Ajawinelab 17:25

Rumal c'u rech chi we winak ri' man quek'ijilan ta che ri Ajawaxel, aretak xquichaplej u jekebaxic quib ri Ajawaxel xebutak ulok coj, ri xequicämisaj jujun chque.

Chapletajic 14:13

C'o c'u jun achi ri xcuinic xuto' rib ri man xcämisax taj, are wa' ri xbec xuya' u bixic che ri Abram ronojel ri xbantajic. Ri Abram are ri aj hebrey, ri jekel pa ri c'ache'laj aj räx che' ri rech ri Mamre ri aj amorey. Ri Mamre rachalal ri Escol xukuje' ri Aner, ri e are' e utz ruc' ri Abram.

Apocalipsis 16:11

Xquiyok'ok'ej ri Dios aj caj rumal rech ri qui k'oxowem xukuje' ri qui ch'a'c. Man xquiq'uex ta c'u qui c'u'x chquij ri qui chac.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

Filipenses 3:5

xkopix ri u wi' ri u tz'umal ri in achi wi chuwajxak k'ij che wetal re kopinic chi in jun aj israel, pa ri ramak' ri Benjamin xinalax wi, ri in kas in hebrey rumal rech chi ri nu tat xukuje' ri nu nan e aj hebreyib; xintijox che ri pixab cuc' ri pariseyib.

Hechos 27:23

Chak'ab c'ut xpe jun tako'n aj caj. Ri takom ulok rumal ri Dios, ri in ajchak'e, ri quinpatanij. Ri tako'n aj caj xtaq'ui' wuc'.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Ri Osey 3:5

Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Job 1:9

Xutzelej c'u u bixic ri tzujunel: “Ri are' man xak ta lok' cätajin catupatanij ruc' jun tz'akatalaj jiquil.

Ri Nehemiy 2:4

“¿Jas ri catinto' wi?” xcha' ri ajawinel. Xintz'onoj c'ut ri u to'banic ri Dios ri c'o pa ri caj,

Ri Esdras 5:11

Ri e are' xquitzelej u bixic chke chi are caquik'ijilaj ri Dios ri aj chak'e ri caj xukuje' ri uwächulew, cätajin c'u caquiban u banic u yaquic ri Rachoch Dios, ri sibalaj ojer utzalaj u yaquic xban can rumal jun ajawinel ri sibalaj nim u banic pa Israel.

Chapletajic 39:14

xurak u chi', xebusiq'uij ri quepatanin pa ri ja, xubij c'u chque: “Chiwilampe', ri wachajil xucoj ulok jun aj hebrey waral ri xa cäretz'bej ka wäch. Xoc pa ri nu warbal, are ta xraj xk'oyi' ta wuc', co c'ut xinrak nu chi';

Elem 1:15

xch'aw c'u ne ri ajawinel re Ejipt ruc' ri Sipr xukuje' ri Pu ri iyomab ri queilow ri ixokib aj hebreyib, xubij c'u chque:

Elem 2:13

Xel chi c'u bic ri Moises chucab k'ij, xeril chic quieb achijab aj hebreyib ri quech'ojinic, xuc'ot u chi' ri cätajin cuch'ay ri jun chic: “¿Jasche cach'ay ri kas a winakil?”

Chapletajic 1:10

Ri Dios xucoj “ulew” che u bi' ri chaki'j ri xc'utunic, are c'u ri ja' ri xumulij rib xucoj “plo” che u bi'. Aretak xril ri Dios chi utz xelic,

Chapletajic 24:7

Ri Ajawaxel ri ajchak'e ri caj, ri xinesan ulok cho rachoch ri nu tat pa ri qui culew ri wachalaxic, ri xukuje' xubij chi cuya' we ulew ri' chque ri e wija'lil, cutak na ulok ri u tako'n aj caj rech cänabej bic chawäch, cäc'am c'u ulok jun rixokil ri nu c'ojol.