Ri Jonas 1:2 - Quiché Bible

² Chacowij, jät pa ri Ninibe, tinimit ri nim u k'ij, chabij c'u che chi quinsach na u wäch, ulinak c'u u tzijol ri quetzelal wuc'.

Ri Jonas 1:2 Referans Kwoze

Chapletajic 10:11

Che we ulew ri' xel wi ri Asur, ri xebuyac tak ri tinimit aj Ninibe, ri Rehobot-Ir, ri Cal,

Ri Nahum 1:1

Wuj ri cuya' u bixic ri cubij ri Nahum aj Elcos xuc'am rumal c'utwächinic. Are tzijol wa' ri xuya' u bixic che ri Ninibe.

Ri Jonas 4:11

Are c'u nim na u banic chi rajawaxic quel na nu c'u'x che, ri Ninibe, ri tinimit ri nim u k'ij ri e c'o wi jun sient juwinak mil (120,000) ac'alab ri man c'o ta qui mac, xukuje' jumulaj awaj.”

Ri Jonas 3:2

“Chacowij jät pa Ninibe, tinimit ri nim u k'ij, chaya' u bixic chila' ri quinbij chawe.”

Ri Isaiy 58:1

Ri Ajawaxel xubij chwe: “Co charaka' a chi' maxe'j awib, co charaka' a chi' jacha' jun trompet chayaja' ri nu tinimit qui mac ri e u chak'maquil, ri u tinimit ri Jacob qui mac ri e u mac.

Apocalipsis 18:5

Ri e u mac e opaninak c'ä cho ri caj. Ri retzelal xnataj che ri Dios.

Ucab Ajawinelab 19:36

Are' c'u ri Senaquerib ajawinel re Asiriy, xebuc'am bic ri jastak rech xtzelej c'u pa Ninibe.

Ri Miquey 3:8

Are c'u ri chwe in, ri ruxlabal ri Ajawaxel qui nu nojisaj che chuk'ab, suq'uilal xukuje' cuinem, rech quinq'uiak chi qui palaj ri aj israelib ri man qui nimanic taj xukuje' ri qui mac.

Ri Ezequiel 2:7

Ri at, chebaya' qui bixic tak ri nu tzij chque, we caquiya' qui xiquin chawe o man caquiya' taj sibalaj c'u man e nimanelab taj.

Ri Esdras 9:6

je c'u xinbij wa': “Nu Dios, nu Dios, quinna' wib chi elinak nu q'uixbal, man quinch'ob ta c'ut jas ta ri quinban na quintzijon ta uc' la. Ri etzelal ri e ka banom e oc'owinak qui wi', ri e ka macunic tak e opaninak c'ä chicaj.

Santiago 5:4

Chiwilampe', ri puak, ri man tz'akat taj ri i yo'm chque ri ajchaquib ri xeyicow qui wäch ri e iwulew. We puak ri' cätajin quixuc'okoj; are' c'u ri Ajawaxel ri c'o ronojel u cuinem u tom ri qui tzujunic we ajchaquib ri'.

Ri Matey 10:18

Quixc'am na bic chquiwäch k'atal tak tzij xukuje' ajawinelab rumal wech in, jeri' quik'alajisaj na chquiwäch jas ri iwilom, xukuje' quik'alajisaj na chquiwäch ri man aj judeyib taj.

Ri Matey 12:41

Ri achijab aj Ninibe quec'oji' na pa ri k'atoj tzij junam cuc' ri winak ri e c'o cho ri uwächulew camic. Ri aj Ninibe quequic'okoj na; rumal rech chi ri e are xquiq'uex qui c'u'x rumal ri u tzij ri Jonas. Chiwilampe', c'o jun waral ri nim na u banic chuwäch ri Jonas.

Ri Isaiy 37:37

Ri Senaquerib, ri ajawinel aj Asiriy, xebuc'am bic ri rajch'ojab ri man xecäm taj, xtzelej pa Ninibe.

Ri Jeremiy 20:9

We quinbij: “Man quinchoman ta chic che ri Ajawaxel, mawi jumul quintzijoj chic ri u bi',” are c'u ri tzij la pa ri wanima' cäq'uextaj pa jun k'ak' ri cäjarisanic, ri copan c'ä cho tak ri nu bakil. Quintzucuj u k'atixic man c'u quinticar taj.

Ri Osey 7:2

Man coc ta pa qui jolom chi ri in man quesach ta pa nu jolom conojel ri quetzelal. Camic e lak'aputal c'u cumal conojel tak ri e qui banoj, ri e c'o amak'el chquiwäch ri nu bak'wäch.”

Ri Jonas 3:3

Ri Jonas xutakej ri u be, xbe pa Ninibe jacha' ri xbix che rumal ri Ajawaxel. Ri Ninibe are jun tinimit ri nim u k'ij; ri cajwataj oxib k'ij che u binibexic. Ri Jonas xoc pa ri tinimit, xbin c'u ronojel ri jun k'ij co xurak u chi' xubij: “¡pa cawinak k'ij we tinimit Ninibe cäsach na u wäch!”

Ucab Tzijobelil 28:9

C'o jun k'axal u tzij ri Ajawaxel chi', Obed u bi', ri xel ulok che qui c'ulaxic ri ajch'ojab ri cätajin queboc pa Samar, xubij c'u chque: “Ri Ajawaxel, ri qui Dios ri e i mam ix, xoyowar ruc' ri Juda, rumal ri' u jachom pa i k'ab ix. Are c'u ri ix man xel ta jubik' i c'u'x che qui cämisaxic opaninak c'u wa' c'ä cho ri caj.

Ri Nahum 3:19

¡Man c'o ta cunabal che ri a socotajic; ri a ch'a'c man cunatajel taj! Conojel ri caquita' u tzijol ri a quiäkasakil quequipak'apa tak ri qui k'ab rumal quicotemal, ¿jachin ta lo ri ma ta xurik c'ax rumal ri awetzelal ri man c'o ta u q'uisic?”