Ri Joel 3:2 - Quiché Bible

² Quebenmulij na conojel tak ri nimak tak tinimit, queben c'am na bic chupam ri beya' re Josapat chila' c'ut quink'at wi na tzij paquiwi' che ri xquiban che ri nu tinimit Israel. Xequijabuj c'u ri aj israelib pa ronojel ri uwächulew, xquijach c'ut ri wulew chquiwäch.

Ri Joel 3:2 Referans Kwoze

Ri Soponiy 3:8

Rumal ri', chiweyej ix ri k'ij aretak chinwalij che u bixic ri c'ax ri qui c'ulmaj na. In, ri Ajawaxel, quinjiquiba' u bixic: Xchomataj wumal qui mulixic ri nimak tak tinimit xukuje' tak ri ajawibal rech quinkasaj ri nicowelalaj woyowal paquiwi'. ¡Ronojel ri uwächulew cäsachisataj na u wäch rumal ri u k'ak'al ri nu c'anal!

Ri Isaiy 66:16

Je, ri Ajawaxel cuban na k'atan tzij ruc' k'ak', ruc' ch'ich' re ch'o'j cuban na ri k'atoj tzij puwi' ronojel ri uwächulew, cuban c'u na chi e q'ui ri quecämic.”

Apocalipsis 16:16

Xequimulij c'u ri ajawinelab pa ri c'olbal Armajedon, are' ri u bi' pa ri ch'abal hebrey.

Ri Joel 3:12

Chiquicolomaj tak quib ri nimak tak tinimit chebopan c'ut chupam ri beya' re Josapat, chila' c'u cuk'at wi na tzij ri Ajawaxel paquiwi' ri c'ulja ri nimak tak tinimit.

Ri Ezequiel 39:11

“Pa ri k'ijol ri' quinya' na jun c'olbal che ri Gog pa Israel, chupam ri qui beya' ri binelab, chuwäch ri plo, rech cämuk chila'. We c'olbal ri' cuk'atij na ri oc'owibal, chila' c'u cämuk wi na ri Gog xukuje' conojel ri rajch'ojab, ri bi'aj c'ut ri cäcoj na che, ri qui beya' ri rajch'ojab ri Gog.

Ri Ezequiel 35:10

At xabij: Ri ulew re Israel, cuc' ri quieb rajawibal, cux na wech: in quinux na rajaw, pune' ta c'u ne jekel ri Ajawaxel chila'.

Ri Jeremiy 25:31

Ri tininem copan pa ronojel ri uwächulew, rumal rech chi ri Ajawaxel cujekeba' u c'äjisaxic qui wäch ri nimak tak tinimit, quebusiq'uij conojel ri e cämel rech cuk'at tzij paquiwi', quebuc'okoj c'ut ri e banal tak etzelal che cämical. Ri Ajawaxel cujiquiba' u bixic.’ ”

Apocalipsis 20:8

Quel c'u na ulok che qui subic ri nimak tak tinimit ri e c'o cho ronojel ri uwächulew ri Gog xukuje' ri Magog, quebumulij na che ri ch'o'j. Ri qui q'uiyal ri rajch'ojab, je jas ri sanyeb ri c'o chuchi' ri plo.

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

Apocalipsis 16:6

U mac rech chi we winak ri' xquituruwisaj ri qui quiq'uel ri tastalic tak winak aj Dios, xukuje' ri quech ri e k'axal tzij, yo'm c'u la quic' chque pa u q'uiaxic. ¡Takal c'u chque!”

Ri Amos 1:11

Jewa' cubij ri Ajawaxel: “Ri e aj Edom e q'ui tak ri etzelal ri e qui banom ri man quebenya' ta canok chi ma ta chinc'äjisaj qui wäch; e c'o c'u ne ch'ich' re ch'o'j pa qui k'ab man ruc' ta c'u tok'obisam wächaj, xquitakej u banic c'ax chque tak ri aj israelib ri e cachalal. Xquitzokopij ronojel ri coyowal, ri qui c'ax na'ic c'ut man xjamartaj.

Ri Ezequiel 36:5

Are wa' cubij ri Ajawaxel: Ri e nu tzij quenicow che oyowal e benak che u banic c'ax chque ri e jule' tak tinimit chic, kas c'u che u banic c'ax che ronojel ri Edom, rumal rech chi ruc' nimalaj quicotemal xequechbej ri wulew, ruc' c'u nimalaj etzelen wächaj xequijoc tak ri u wäch tak ri rulewal.’

Ri Ezequiel 25:8

“In, ri Ajawaxel, quinbij: Ri Moab xukuje' ri Seir caquibij chi ri Juda xak junam cuc' conojel ri nimak tak tinimit.

Ri Jeremiy 49:1

Tzijol ri cuya' ri Ajawaxel che ri cuc'ulmaj na ri Amon: “¿Jawije' tak e c'o wi ri e ralc'ual ri Israel? ¿Jawije' tak e c'o wi ri e rechbenelab? ¿Jasche ri dios Milcom are' ajchak'e ri Gad camic? ¿Jasche e are' ri aj amonib e jekel chquipam ri qui tinimit tak?

Ri Jeremiy 12:14

Jewa' cubij ri Ajawaxel chque ri e itzel tak tinimit, ri e u c'ulja ri Israel, ri quisachisam u wäch ri ulew ri xuya' are' jacha' che echbal che ri u tinimit Israel: “In quebenbok na chupam tak ri culew, quinwesaj c'u na ri Juda pa quiniq'uiajil wa'.

Ucab Tzijobelil 20:26

Chucaj k'ij xquimulij quib pa ri beya' re Berac, chila' c'u xetewichi'n wi che ri Ajawaxel. Rumal ri' xquicoj Berac che u bi' we c'olbal ri', c'ä c'o c'ut we bi'aj ri chrij camic.

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Ri Jeremiy 50:17

“Ri Israel xak junam ruc' jun chij ri sachinak, ri okatatal cumal coj. Nabe xtijow rumal ri ajawinel re Asiriy; are' chiwi chi c'u wa' ri Nabucodonosor, ajawinel re Babilon, xebuwak' tak ri u bakil.

Ri Ezequiel 34:6

Xquituquij quib pa conojel tak juyub xepaki' paquiwi' tak ri ch'ucuch'ak tak juyub, xquijabula' tak quib pa ronojel ri uwächulew, man c'o ta c'u jachin xoc ta il chque, ri xbe ta che qui tzucuxic.

Ri Ezequiel 36:1

“Are c'u ri at, winak, chebach'abej pa ri nu bi' ri e u juyub ri Israel, chabij c'u chque chi chquitatabej ri nu tzij.

Ri Joel 3:14

E c'o e q'uia winak chupam ri beya' re ri k'atan tzij, rumal rech chi nakaj chic c'o wi ri u k'ij ri Ajawaxel.

Ri Miquey 4:12

E are tak c'ut we nimak tak tinimit ri' man e queta'm taj ri e u chomanic ri Dios; man queta'm taj chi quebumulij na pa tak yätaj jacha' ri caban che ri trico pa ri yak'abal.