Ri Joel 3:1 - Quiché Bible

¹ Cächa' ri Ajawaxel: “Aretak chopan we jok'otaj ri' quinban na chi cäq'uextaj ri u taklebem ri Juda xukuje' ri Jerusalen.

Ri Joel 3:1 Referans Kwoze

Ri Jeremiy 30:3

rumal rech chi cäpe na ri k'ij chi quinq'uex na ri cuc'ulmaj ri nu tinimit Israel xukuje' ri Juda. In, ri Ajawaxel, quinjiquiba' u bixic. In quinban na chque chi quetzelej chupam ri ulew ri xinya' chque ri e qui mam jacha' che quechbal.”

Ri Ezequiel 39:25

Rumal ri' in, ri Ajawaxel, quinbij: Camic quel na nu c'u'x che ronojel ri tinimit Israel, ri e rija'lil ri Jacob. Quenbana' chi cuq'uex ri cutaklebej, che u cojic chuk'ab chi chyok u k'ij ri tastalicalaj nu bi'.

Ri Amos 9:14

Quebentzelej c'u na ulok ri nu tinimit Israel pa ri culew. Quequiban chi c'u na qui yaquic ri tinimit tak ri e etzeletajinak, quejeki' c'u na tak chquipam; quequitic tak c'u na uva, cacuq'uiaj c'u na u wa'l uva, quequitic tak c'u na ichaj, quequitij tak c'u na tak ri qui wächinic.

Ri Jeremiy 29:14

Je, in quinya' c'u na c'olbal chiwe chi quiniriko, quinban c'u na chi quinq'uex ri qui taklebej: quixinwesaj na chquixo'l ri nimak tak tinimit xukuje' pa tak ri c'olbal jawije' tak ri xixinjabuj wi, quixinmulij c'u na quinban c'u na chi quixtzelej chupam we c'olbal ri' ri xixinwesaj wi bic. In, ri Ajawaxel, quinjiquiba' u bixic.’

Salmib 85:1

Ajawaxel, lal sibalaj lal uxinak utz ruc' we ulew la ri'. Tzalim la ri u utzilal che ri Jacob;

U Camulixic ri Pixab 30:3

are' c'u ri Ajawaxel ri i Dios cuq'uex na ri i taklebem quel c'u na u c'u'x chiwe; quixumulij chi na ulok chquipam tak ri ulew ri ix urokim wi bic.

Ri Jeremiy 30:18

Cächa ri Ajawaxel: “Quinq'uex na ri cutaklebej ri u nim tinimit ri Jacob, quintok'obisaj na u wäch ri rulew; ri tinimit tak queyac na paquiwi' tak ri qui tac'alibal e aretak c'ut ri rachoch ri ajawinel kas pa tak ri qui c'olbal.

Ri Jeremiy 16:15

xane' caquibij na: ‘Rumal ri u c'aslemal ri Ajawaxel ri xebesan ulok ri aj israelib chupam ri ulew ri c'o pa ri iquiak'ab xukuje' chquipam ri niq'uiaj tak ulew chic ri e u jabum tak wi'’. In quinban na chi quixtzelej chupam ri iwulew, chupam ri ulew ri xinya' chque ri e i mam.

Salmib 14:7

C'o ta banom wi puwi' ri juyub Sion quel ta wi ulok ri to'l rech ri Israel. Aretak ri Ajawaxel cuq'uex ri c'axalaj u c'aslemal ri u tinimit, quequicot na ri e ralc'ual ri Jacob, xukuje' ronojel ri tinimit Israel.

Ri Ezequiel 16:53

Ri in quintzelej chi na ri utzilal che ri Sodom rachil ri Samar, xukuje' chque ri alaj tak qui tinimit; xukuje' c'u chawe at quinya' chi na ri a pok'colitajic,

Ri Joel 2:29

Xukuje' paquiwi' tak ri pataninelab chi achijab chi ixokib quinjamij na ri wuxlabal pa tak ri k'ij ri';

Ri Daniel 12:1

“ ‘Pa we jok'otaj ri' cätac'atob na ri Miquel, ri tako'n aj caj to'banel ri sibalaj nim u banic ri to'banel ri cuto' na ri a tinimit. Cux na jun jok'otaj re c'axc'ol, jun jok'otaj ri man c'o ta chi jun ri junam ta ruc' tzä aretak e c'olinak ulok ri nimak tak tinimit. Aretak chupam we jok'otaj ri' quecolotaj na conojel ri winak ri e re ri a tinimit ri tz'ibatal ri qui bi' chupam ri wuj.

Ajilanic 11:29

Are c'u ri Moises xutzelej u bixic che: “¿La catachixoman chwe? ¡C'o ta banom wi chi ri Ajawaxel cuya' ta ri ruxlabal che ronojel ri u tinimit, conojel ta c'ut e k'axal tak u tzij ri Dios!”

Ajilanic 12:6

ri Ajawaxel xubij chque: “Chitatabej wa' ri quinbij chiwe: Aretak c'o jun k'axal tzij chixo'l wumal in, in quink'alajisaj wib chuwäch pa tak c'utwächinic xukuje' quinch'abej pa tak ichic';

E C'ambal tak Tzij 1:23

Chebitatabej ri e nu pixbenic quixinnojisaj c'u na ruc' no'jinic; quebenya' c'u na quetamaxic tak ri e nu chomanic chiwe.

Ri Isaiy 44:3

quenbana' c'u na chi cäbin ja' pa ri chaki'j uwo sak, binel tak ja' pa ri chaki'j ulew. Ri in quinya' na c'ac' qui c'aslemal ri e awija'lil, quintak na ri nu tewichibal paquiwi'.