Ri Joel 1:12 - Quiché Bible

¹² E chaki'jarinak tak ri uva ri e ticom sachinak qui wäch tak ri e qui che'al tak higo. Chaki'j xukuje' xecanaj can tak ri e qui che'al tak ri crabaj qui che'al tak tut qui che'al tak mansa'n xukuje' conojel tak ri che' ri e c'o pa tak ri ulew. ¡Rumal we c'ulmatajic ri' conojel ri winak quitzakom ri qui quicotemal!

Ri Joel 1:12 Referans Kwoze

Ri Isaiy 24:11

Ri winak quebok' pa tak ri be che u tzucuxic u wa'l uva ronojel ri quicotemal chupinak, man quinrik ta jun c'olbal ri quinc'oji' ta wi cho ri uwächulew.

Ri Isaiy 16:10

Ri quicotemal xukuje' ri wululem cäq'uis na qui tza'm pa tak ri juyub man c'o ta chi rakoj tak chi'aj re jajatem mawi bix quetataj chi xo'l tak ri uva ri e tiquitoj, mawi quepitz' chic uva che quesaxic ri qui wa'l. Cätani' na ri rakoj tak chi'aj.

Ri Joel 1:16

Chquiwäch ri ka bak'wäch xebesax ri ka wa kuq'uia', xq'uis c'ut ri quicotemal chupam ri rachoch ri ka Dios.

Ri Joel 1:10

Ri e ticonijibal e tolonic; ri ulew e c'o pa bis. Ri trico sachinak u wäch, ri ticbal tak uva e chaki'jarinak xukuje' tak ri qui che'al tak aseitun e yututurinak.

Bixonic Tak 2:3

“Ri quinlok'ok'ej uxinak, chquixo'l tak ri achijab, jacha' ri u che'al mansa'n chquixo'l tak ri che' ri e c'o pa ri c'ache'laj. ¡Man c'o ta c'o wi aretak xint'uyi' chuxe' ri u mujal! ¡Sibalaj qui' xinna' ri u wächinic!

Ri Hajey 2:19

Utz ba ri', kas ba' chiwila' ix chi kas camic cachapletaj bic man queq'uec'ob ta ri trico chupam ri c'uja. C'ä maja' c'u ne caquiya' qui wäch tak ri u che'al uva, mawi tak ri u che'al higo, mawi tak ri u che'al crabaj, mawi ri u che'al aseitun; kas cächaptaj c'u camic, in quixintewichi'j na.’ ”

Ri Jeremiy 48:33

Man quetataj ta chic ri rakoj tak chi'aj re jajatem chquipam tak ri ticbal cotz'i'j re Moab. Ri u wa'l uva q'uisnak pa tak ri c'olbal. Man c'o ta chi jachin quepitz'len tak ri uva, man e c'o ta chic bix re quicotemal.

Ri Jeremiy 48:3

Chupam ri Horonaim quebel ulok rakoj tak chi'aj: ‘¡Etzeletajic xukuje' nimalaj yojyobic!’

Ri Isaiy 9:3

Ajawaxel, c'amom la ulok jun nimalaj quicotemal; sibalaj nim ri quicotemal. Conojel quequicot chwäch la jacha' ri u k'ijol ri k'atoj, jacha' ri qui quicotemal ri cäquijach nimak tak k'inomal chquixo'l.

Bixonic Tak 4:13

ticbal cotz'i'j ri queq'uiy wi ulok e u che'al crabaj ri quequiya' je'licalaj tak qui wächinic; ticbal cotz'i'j ri e c'o wi cotz'i'j pok',

Salmib 92:12

Ri e utzalaj tak winak quecotz'ijan na e jacha' ri tut, queq'uiy na jacha' ri chacalte' pa ri Libano.

Salmib 4:7

Nim na ri quicotemal ri yo'm la chupam ri wanima' chquiwäch ri c'o q'uialaj qui trico xukuje' u wa'l qui uva ruc' tz'ebenic.

Ajilanic 13:23

Xebopan c'ä pa ri alaj nima' ri c'o pa Escol, xquik'up jun u k'ab juwi' uva ri e c'o tak uva che, e quieb c'u xec'amow ulok xquitzayiba' ulok chrij jun che'. Xukuje' xequich'up crabaj xukuje' higo.

Ri Isaiy 24:7

Ri u wa'l uva man kas ta cäriktaj ta chic, ri uva ri e tiquitoj cäquirik ul, ri quequicot nabe, sibalaj quebison chic.

Ri Jonas 4:7

Aretak c'u xsakar chucab k'ij, ri Dios xubano chi xpe jun xjut che u ramixic ri juwi' chimach'o, xchaki'jar c'ut.

Ri Malaquiy 3:11

Man quenya' ta c'u c'olbal chi cäsach qui wäch tak ri e i tico'n cumal tak ri ul xukuje' ri ticbal tak uva.