Ri Joel 1:10 - Quiché Bible

¹⁰ Ri e ticonijibal e tolonic; ri ulew e c'o pa bis. Ri trico sachinak u wäch, ri ticbal tak uva e chaki'jarinak xukuje' tak ri qui che'al tak aseitun e yututurinak.

Ri Joel 1:10 Referans Kwoze

Ri Osey 4:3

Rumal ri', cabisbob na ri ulew; quetuktub c'ut ri e jekel chupam; junam cuc' tak ri juyubal tak awaj xukuje' tak ri chicop ri e c'o qui xic' quecäm, xukuje' tak ri cär ri e c'o chupam ri plo.

Ri Osey 9:2

Ri tinimit Israel man cac'oji' ta na u trico mawi u wa'l uva; ri c'ac' u wa'l uva man cubana' ta na che.

Ri Jeremiy 12:11

Xquiban can chaki'j uwo sak che xukuje' xquitoloba' canok, quinwil c'ut in chi carok'ebej rib. Ronojel ri ulew uxinak chaki'j uwo sak, man c'o ta c'u jun coc ta il che.

Ri Joel 1:5

¡Ix, k'abarelab, chixc'astajok! ¡Chichapa' ok'ej, ri ix u q'uial u wa'l uva, quesax c'u ne na ri u wa'l ri uva chiwe!

Ri Hajey 1:11

In ri xinc'amow ulok ri sak'ij paquiwi' tak ri ulew xukuje' paquiwi' tak ri juyub, puwi' ri trico, paquiwi' tak ri juwi' tak uva xukuje' paquiwi' tak ri juwi' tak aseitun, paquiwi' tak ri qui wächinic ri ulew, paquiwi' ri achijab xukuje' paquiwi' ri awaj, xukuje' paquiwi' conojel tak ri chac.”

Ri Joel 1:12

E chaki'jarinak tak ri uva ri e ticom sachinak qui wäch tak ri e qui che'al tak higo. Chaki'j xukuje' xecanaj can tak ri e qui che'al tak ri crabaj qui che'al tak tut qui che'al tak mansa'n xukuje' conojel tak ri che' ri e c'o pa tak ri ulew. ¡Rumal we c'ulmatajic ri' conojel ri winak quitzakom ri qui quicotemal!

Ri Jeremiy 48:33

Man quetataj ta chic ri rakoj tak chi'aj re jajatem chquipam tak ri ticbal cotz'i'j re Moab. Ri u wa'l uva q'uisnak pa tak ri c'olbal. Man c'o ta chi jachin quepitz'len tak ri uva, man e c'o ta chic bix re quicotemal.

Ri Jeremiy 12:4

¿C'ä jampa' cutakej chaki'jaric ri ulew quechaki'jar c'ut ri' ri k'ayes ri c'o pa tak ri juyub? Ri awaj xukuje' tak ri chicop ri e c'o qui xic' cätajin quecämic u mac quech ri quetzelal ri e u winakil cho ri ulew, are c'u pa qui c'u'x chi man cäil ta la ri caquibano.

Ri Isaiy 24:11

Ri winak quebok' pa tak ri be che u tzucuxic u wa'l uva ronojel ri quicotemal chupinak, man quinrik ta jun c'olbal ri quinc'oji' ta wi cho ri uwächulew.

Aj Levitib 26:20

Xak c'u lok' quiq'uis ri i chuk'ab, man cäwächin ta chi c'u ri iwulew, xukuje' ri che' ri e tiquitoj man cäquiya' ta chi ri qui wäch.

Chapletajic 4:12

Pune' cajosk'ij, ri ulew, man cuya' ta chic ri u wächinic chawe jas ri nabe. Xak catxulic catpaki' cho ri uwächulew mawi jubik' catcuinic catuxlanic.”

Ri Isaiy 15:6

Ri e u c'ua' ri Nimrim e chaki'jarinak, ri k'ayes yututurinak, xecäm tak ri che', man canajinak ta jun u xak che' räx.

Ri Isaiy 24:7

Ri u wa'l uva man kas ta cäriktaj ta chic, ri uva ri e tiquitoj cäquirik ul, ri quequicot nabe, sibalaj quebison chic.

Ri Joel 2:19

xubij c'ut: “Quintak na ulok trico, u wa'l uva xukuje' aseit, c'a quenoj na; man quinya' ta chi c'u c'olbal chi ri e k'ijilal tak diosib caquitze'j ta chi na i wäch.

Ri Habacuc 3:17

C'äte c'u ri' quinnoj na che quicotemal rumal ri Ajawaxel ri nu Colonel. Quink'ijilan na che pune' man quecotz'ijan tak ri e qui che'al tak higo mawi chiquiya' ta qui wächinic tak ri juwi' tak uva xukuje' tak ri e qui che'al tak ri aseitun; pune' man e c'o ta chi wächinic pa tak ri juyub; pune' casach qui wäch ri jumulaj tak chij ma ta c'u ne e c'o chic wacax pa tak ri e qui cäbal.

Ri Malaquiy 2:3

“Quenwesaj ri takanic pa i k'ab quenq'uiaka' ri qui mes ri awaj chi palaj ri quebic'am ulok che tabal tak tok'ob. ¡Junam c'ut xukuje' ruc' ri qui mes ri awaj, xukuje' ri ix quixmes na bic!