Ri Jeremiy 9:4 - Quiché Bible

⁴ Man cuya' taj cäkacu'ba' ta ne ka c'u'x chrij ri utzalaj kachil, mawi ne chrij ri achalal cuya' cäcubax ta cuxaj, ri e achalal cäquisubula' tak quib chquixo'l, e are' tak c'ut ri cachalal quib quequimolola' tak tzij chquij,

Ri Jeremiy 9:4 Referans Kwoze

Ri Jeremiy 6:28

Conojel e are', Ajawaxel, sibalaj man ch'abexic ta cäcaj; e winak e tzelel tak tzij e jech'obinak; xa' e k'an ch'ich' xukuje' e räx ch'ich'.

Ri Matey 10:21

Ri achalaxel quebujach na ri rachalal pa cämic, ri tataxelab quebujach na ri ralc'ual. Ri alc'ualaxelab cäquiwalijisaj na quib chquij ri qui tat qui nan, quequicämisaj c'u na.

Aj Levitib 19:16

Mawalijisaj tzijtal chquixo'l ri awinakil. Matuxic jun che u cämisaxic ri awajil a tz'akat. In ri' ri Ajawaxel.

Ri Jeremiy 12:6

Xukuje' c'u ne tak ri e awachalal, ri kas e awachalal, man kas e jic taj chawij, caquirak qui chi' chrij a wi'. Majiquiba' a c'u'x chquij, pune' ta ne catquitzijobej cuc' utzalaj tak tzij.”

E C'ambal tak Tzij 25:18

Wi't, ch'ich' re ch'o'j, ch'ab ri tz'imaj u wi', ¡are jewa' ri cuya' jalum k'alajisanic chrij ri rachil ri junam u wäch ruc'!

E C'ambal tak Tzij 10:18

Quech ri banal tak tzij ri man u k'alajisaxic taj ri oyowaric, xukuje' quech man c'o ta qui no'j ri qui jabuxic tzijtal.

Salmib 15:3

ri man c'o ta jun rajil u tz'akat cuyok'o, ri man cuban ta c'ax che ri rachil, mawi cäretzelaj u wäch ri u c'ulja;

Chapletajic 32:28

Ri achi xubij che: “Man cäbix ta chic Jacob chawe. Israel catuchix chic, a tijom c'u a chuk'ab ruc' ri Dios xukuje' cuc' ri winak, xatch'äcan c'ut.”

1 Tesalonicenses 4:6

C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.

Ri Lucax 21:16

Quixjach c'u na cumal ri i tat i nan, ri iwachalal, ri iwalaxic xukuje' ri iwachil. Quequicämisaj na jujun chiwe.

Ri Matey 10:17

Chichajij iwib chquiwäch ri winak; quixquijach c'u na pa qui k'ab ri k'atal tak tzij, quixquich'ay na pa tak ri ja ri cäquitijoj wi quib ri aj judeyib che ri pixab.

Ri Ezequiel 22:9

Rumal rech ri qui banoj tak tzij jujun chque ri e a winakil e are' ri e ajchak'maquib chi e c'o ri quecämic; e are' juch'ob quebe pa tak ri nimak'ij ri queboc'owisax paquiwi' tak ri juyub che u ya'ic qui k'ij tak ri diosib, quequiban c'u xojibalalaj tak jastak.

E C'ambal tak Tzij 6:19

ri subunelalaj k'alajisanel xukuje' banal tzij, xukuje' ri cuyac ch'o'j chquixo'l achalaxic.

E C'ambal tak Tzij 6:16

E c'o wakib jastak, c'ä e wukub c'u ne ri quetzelax qui wäch rumal ri Ajawaxel:

Salmib 101:5

Quintz'apij na u pa qui chi' ri xak chic'uyal queyok'on chque ri qui c'ulja: ¡man utz ta quinwil wi ri cuban nimal, ri cunimarisaj rib!

Ri Isaiy 59:13

Uj uxinak man ch'abexic ta cäkaj xukuje' man uj ta jic chuwäch ri Ajawaxel, man xkaj taj xkaterenej ri ka Dios, e ka tzijom tokinic xukuje' ri e jachanic ri quieb qui wäch, e ka banom ka chomanic che qui subic niq'uiaj chic.

Ri Jeremiy 9:8

Ri e cak' e ch'ab ri cäminsanelab; quequibila' tak subunic. Utz qui ya'ic rutzil tak qui wäch ri cachil caquibano, kas c'u ne tzij cätajin quequicoj c'amibal chque.

Ri Malaquiy 2:10

¿La ma ta xa' jun ka Tat, ri are' ri Dios ri konojel uj u winakirisam? ¿Jas ta c'u che, cakasubula' tak kib, xeboc'ow c'ut puwi' ri c'ulwächinic ri xuban ri Dios cuc' ri e ka mam?

E C'ambal tak Tzij 4:16

man c'u quec'oji' ta pa jamaril we man caquiban ri lawaloyil; caquitzak ri qui waram we man caquibano chi c'o jachin cäkaj pa qui k'ab.

E C'ambal tak Tzij 4:17

¡Ri qui wa xukuje' ri cuq'uia' are ri u banic ri etzelal xukuje' ri tokinic!

Ri Isaiy 9:16

Ri e c'amal tak be qui quijalach'um we tinimit ri', e are' tak c'ut ri caquitzucuj jun c'amal qui be xesachic.