Ri Jeremiy 9:21 - Quiché Bible

²¹ “Ri cämical xoc chupam tak ri kachoch, xopan chupam tak ri cachoch ri ajawinelab; quebucämisala' tak ri ac'alab xo'l tak ri ja ri e ka c'ojolab chquipam tak ri c'ayibal.

Ri Jeremiy 9:21 Referans Kwoze

Ri Jeremiy 6:11

In nojinak che ri oyowal la, Ajawaxel; man quincuin ta chi che u k'atixic.” Ri Ajawaxel xubij chwe: “Chajamij paquiwi' ri alabom pa ri be, paquiwi' tak ri jutak mutzaj c'ojolab. Queyut na bic ri achajilaxelab junam cuc' tak quixokil xukuje' ri nimak tak winak ri q'ui chic qui junab.

Ri Jeremiy 15:7

Xebenjabuj ri a winak jacha' ri caban che ri pajo, xebenwesaj chquipam tak ri tinimit re ri ulew; man e c'o ta ralc'ual ri nu tinimit xebenya' canok, xinsachisaj u wäch rumal rech chi man xraj taj xuya' ta can ri itzel u c'aslemal.

Ucab Tzijobelil 36:17

Ri Ajawaxel xuban c'ut chi xwalij ulok ri cajawinel ri aj caldeyib chquij, xebuk'ok'ej c'ut ri e u c'ojolab chi ch'ich' re ch'o'j kas chupam ri rachoch Dios man xel ta c'u u c'u'x chque ri c'ojolab mawi chque ri k'apojib, chque ri ri'jab mawi chque ri man utz ta cakan qui k'ab. Conojel xebujach ri Ajawaxel pa u k'ab.

Ri Isaiy 40:30

Ri alabom quecosic xukuje' quetukaric, xukuje' ne ri sibalaj e co na quetzakic,

Ri Jeremiy 6:21

Rumal ri', ri Ajawaxel cubij: “Quenbana' chi cuchak'ij rib we tinimit ri' cätzak c'ut. Tataxelab xukuje' c'ojolaxelab, c'ulja tak xukuje' ri e utz tak cuc', xukuje' ri e are' quecäm na'.”

Ri Jeremiy 18:21

¡Are c'u ri camic, bana' la chi checäm tak ri e qui c'ojol rumal wi'jal o pa u chi' ch'ich' re ch'o'j; che canaj malca'nib ri quixokil ma ta c'u e c'o chi cal! ¡Are c'u ri cämisanel yabil checämisan tak ri cachijab e are' c'ut ri e qui c'ojolab checäm pa ri ch'o'j!

Ri Jeremiy 44:7

Je ba' ri', in, ri Ajawaxel ri c'o ronojel u cuinem, ri u Dios ri Israel, quinbij: ¿Jasche qui c'am ulok kas piwi' ix we nimalaj etzelal ri'? ¿Jasche quibano chi quecäm conojel ri winak re Juda, achijab, ixokib xukuje' ac'alab, xukuje' ri c'äte xebalaxic, jeri' chi ma ta c'o jachin cäcanajic?

Ri Jeremiy 50:30

Rumal rech wa' ri e qui c'ojolab quecäm na xo'l tak ri ja conojel c'ut ri cajch'ojab quecäm na pa tak ri k'ij ri'. In, ri Ajawaxel, quinjiquiba' u bixic.”

Ri Joel 2:9

Quequiq'uiaka' quib chupam ri tinimit, quexiq'uinilob paquiwi' tak ri nimak tak tapia, quepaki' paquiwi' tak ri ja e jacha' ta ne tak eläk'omab quequitzayabala' tak quib chque tak ri wenta'n.

Ri Amos 6:9

We c'u ne quecanaj lajuj achijab pa jun ja, ri lajuj quecäm na.

Ri Jeremiy 7:33

ri qui cuerp tak ri cäminakib quebajwataj na che qui wa ri c'uch xukuje' chque tak ri juyubal tak awaj, man c'o ta c'u jachin ta queyonic.

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Amos 5:2

Ri je'lic xukuje' ch'ajch'ojalaj Israel tzäkinak; xtzakic rech man cawalij ta chic jumul. Xliq'ue can puwi' ri kas rulew, man c'o ta c'u jachin ta cäwalijisanic.

Ri Soponiy 1:17

Je wa' cächa' ri Ajawaxel: “Quebencoj na ri winak pa aninakil. Quebin c'u na e jacha' ta ne moyab, rumal rech chi xemacun chnuwäch. Ri qui quiq'uel cajamix na jacha' ta ne puc'uc' ulew, ri qui ti'jal camulubax na jacha' ta ne qui mes awaj.”