Ri Jeremiy 9:16 - Quiché Bible

¹⁶ Quebenjabuj chquixo'l ri nimak tak tinimit ri mawi ri e are' mawi ri e qui tat xquetamaj ta qui wäch; quinban na chi quebokatax ruc' ch'ich' re ch'o'j pa k'abaj, c'ä man c'o ta jun cacanaj ta canok.”

Ri Jeremiy 9:16 Referans Kwoze

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Ri Ezequiel 5:2

Aretak cätani' ri ch'o'j ri cäban ruc' ri tinimit, chaporoj ri jun u roxil ri wi'aj pa u niq'uiajil ri tinimit; chac'ama' c'ut jun cuchilo, charamij chi c'ut ri jun chic u roxil ri wi'aj chrij ri tinimit, are chi c'u ri c'ä c'o na chajabuj pa ri quiakik'. Ri in quinbe na chquij ri winak ri e c'o pa ri tinimit, quinwuc'aj bic jun ch'ich' re ch'o'j pa nu k'ab.

U Camulixic ri Pixab 28:64

Ri Ajawaxel catujabuj na pa conojel ri nimak tak tinimit, pa ronojel ri uwächulew, chila' c'ut quebak'ijilaj wi na jule' tak diosib chic, ri xa e re che', e re abaj, ri mawi ri at, mawi ne ri e a mam xquetamaj ta qui wäch.

Aj Levitib 26:33

Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Ri Jeremiy 44:27

Quinchajin c'u na rech are quebentak bic ri c'axc'ol piwi' man c'u e utzilal taj. Conojel ri aj Juda ri e jekel pa Ejipt cachupisax na qui wäch conojel rumal ri ch'o'j, o ri wi'jal.

Ri Jeremiy 13:24

Rumal ri' ri ix quixinjabuj na jacha' ri pajo ri cacharchatex bic rumal ri quiakik' aj chaki'j uwo sak.

Santiago 1:1

In Santiag, u lok'om pataninel ri Dios xukuje' rech ri Ajaw Jesucrist, quinya' rutzil qui wäch ri cablajuj ramak' ri Israel ri qui jabum quib pa ronojel ri uwächulew.

Ri Zacariy 7:14

Rumal ri' xebenjabuj jacha' ta ne ri rumal jun salc'um chquixo'l conojel ri nimak tak tinimit ri man queta'm ta qui wäch, xcanaj c'u can ri culew chquij ri xq'uextaj pa jun chaki'j uwo sak ri man c'o ta jachin jun ri cacuin taj cäjeki' ta chila'. ¡Jun je'lalaj ulew, are c'u ri e are' xquijalwächij pa jun toloticalaj juyub ri man c'o ta chi cac'am che!”

Ri Ezequiel 20:23

Chupam ri chaki'j uwo sak xinban ri chi'nic ri kas cäban na, xincha' chquebenjabuj pa conojel ri nimak tak tinimit ri e c'o cho ri uwächulew,

Ri Ezequiel 14:17

We ta c'u quinc'am ulok ri ch'o'j puwi' we ulew ri' quinya' ta c'u ri takanic chquecämisax ri achijab xukuje' ri awaj,

Ri Ezequiel 12:15

Aretak c'u e jabutajinak chic wumal pa jujun tak ulew xukuje' pa tak nimak tak tinimit, caquich'ob na chi in ri' ri Ajawaxel.

Ri Ezequiel 11:17

Chabij chque xukuje': ‘Are' wa' ri cubij ri Ajawaxel: Ri in quinban na chque chi quebel ulok pa tak ri ulew, pa ri e nimak tak tinimit jawije' tak ri e nu jabum wi, quebenmulij c'u na quinya' chi c'u na ri rulew ri Israel chque.

Ri Jeremiy 29:17

‘In, ri Ajawaxel ri c'o ronojel u cuinem, quinbij: Quentaka' ulok ch'o'j, wi'jal xukuje' cämisanel yabil. Quenbana' chi je quecanajic e jacha' we k'ayinak tak higo ri', rumal c'u rech chi sibalaj man e utz taj man cuya' taj quetijic.

Ri Jeremiy 25:27

Xubij c'ut ri Ajawaxel chwe: “Chabij chque in, ri Ajawaxel ri c'o ronojel u cuinem, ri u Dios ri Israel, quixintako chi chixuq'uianok c'ä chixk'abar na chixxaw c'ut chixtzak c'u cho ri ulew rech man quixwalij ta chic u mac rech ri ch'o'j ri quintak na piwi'.

Ri Jeremiy 24:10

Quintak na ri ch'o'j paquiwi', ri wi'jal xukuje' ri cämisanel yabil, c'ä man c'o ta jun cäcanaj ta na canok chque chupam ri ulew ri xinya' chque e are' xukuje' chque ri e qui mam.”

Salmib 106:27

cuban c'u na chi quebecäm na ri e quija'lil, quebujabuj c'u na chquixo'l ri nimak tak tinimit ri e k'ijilal tak diosib.

Ri Nehemiy 1:8

Chnataj che la chi xya' la u bixic chke chi we ri uj cujmacunic, cujjabuj na la ri' puwi' ronojel ri uwächulew;

U Camulixic ri Pixab 32:26

In xinchomaj qui jabuxic, quinsach c'u u wäch ri natabal quech cho ri uwächulew,

U Camulixic ri Pixab 28:36

Ri Ajawaxel cuban na chi ri at xukuje' ri awajawinel quixc'am na bic pa jun nim tinimit chic ri man aweta'm ta, mawi xquetamaj ri e a mam. Chila' quebapatanij na qui diosib winak e re che', e re abaj,

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.

U Camulixic ri Pixab 4:27

Ri Ajawaxel quixujabuj na pa conojel ri nimak tak tinimit, xa c'u ix quieb oxib quixto'taj na chquipam ri nimak tak tinimit.

Ri Jeremiy 8:19

Ri qui rakoj tak chi'aj ri nu tinimit cätataj pa ronojel ri ulew: “¿La man c'o ta chic ri Ajawaxel pa Sion? ¿La man c'o ta chic ri rajawinel chi'?” Ri Ajawaxel cutzelej u bixic: “¿Jasche xiban c'ax chwe xebik'ijilaj tak diosib, diosib ri man c'o ta qui patan xukuje' man etamatal ta qui wäch?”

Ri Tzijonel 12:5

ri pakalem cuya' na xe'n ib, xak c'u quieb cubij chic pa ri be. Ri almendr cuchaplej cotz'ijanic, ri sac' cux jun eka'n ri alcapar man c'o ta chic u patan. Cäbe c'ut ri winak chupam ri u jekelibal ri junalic, pa ri be quetataj chic ri cacok'ej ri qui cäminak.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Ri Ezequiel 27:2

“At, winak, chabixoj we bix ri' ri rech cämical

Ri Amos 5:16

Je cubij wa' ri Ajawaxel, ri Dios ri c'o ronojel ri u cuinem: “Cho conojel tak ri c'ayibal queban wi ok'ej, pa conojel ri e u xo'l tak ja e c'o rakoj tak chi'aj re k'oxomal. Quebequisiq'uij tak na ri e aj juyub che u banic bisonic, xukuje' ri e nawinelab tak aj ok'ej ri are qui chac tak ri u banic juyuwem.

Ri Miquey 2:4

Pa ri k'ij ri' quebixox tak na bix chiwe re juyuwem. Cäbix c'u na chiwe: ‘Q'uisnak tzij pakawi'; ri ka tinimit, ri rech ri Ajawaxel, u q'uexom rajaw ri man c'o ta c'u jachin ta cak'atinic; ri e kulew e qui jachom tak chquiwäch ri e ch'äcal tak kech.’ ”