Ri Jeremiy 9:11 - Quiché Bible

¹¹ Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Ri Jeremiy 9:11 Referans Kwoze

Ri Isaiy 25:2

Banom la chi ri e tinimit tak uxinak jutak mulaj abaj, ri tinimit tak ri c'o nimak tak tapia chquij e wulijinak xeyojij la ri nimak tak cachoch ri e c'ulel, mawi jumul queyac chi na.

Ri Jeremiy 51:37

cäjalwächitaj c'u na pa jumulaj etzeletajic, pa qui jekelibal ch'ich'alaj tak chicop, pa jun c'olbal ri man cuya' ta chic c'o ta jachin cajeki' chupam cuya' c'u na xe'n ib chque conojel xukuje' xibibal ib.

Ri Jeremiy 10:22

¡Chixtatabenok! ¡Cul jun tzijol! Re jun ulew ri c'o pa ri iquiak'ab petinak jun nimalaj tininem ri quebujalwächij tak ri tinimit tak ri e re Juda pa jun chaki'j uwo sak ri xuwi xex tak awaj quec'oji' na chupam.”

Ri Isaiy 34:13

Chupam tak ri cachoch ri ajawinelab queq'uiy na tak q'uix xukuje' la, xukuje' quiäkwok' queq'uiy na pa tak ri cachoch ri ch'ojinelab Cux na jun c'olbal ri quejeki' wi na ri juyubal tak awaj, chila' c'ut quebopan wi na ri abestrus.

Ri Isaiy 13:22

Ri juyubal tak awaj quebawun na pa tak ri cachoch ri ajch'ojab, ri utiw quec'oji' na pa ri je'lalaj tak cachoch ajawinelab. Cänakajin chic ri u k'ijol ri Babilon man q'ui ta chi k'ij cäcanaj che.”

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Juyuwem 3:47

xibin tak ib, c'amibal tak, yojinic xukuje' etzeletajic, ¡are wa' ri uj kajbeninak!

Juyuwem 2:2

Ri Ajawaxel man xutac'aba' ta can mawi jun chque ri e rachoch ri Jacob; chupam jok'otaj royowal u yojim ri e to'bal rib ri je'lalaj Juda; e u t'akim pa ulew, e u mach'irisam, ri ajawibal xukuje' tak ri e u k'atal tak tzij.

Ri Jeremiy 34:22

Quebentakchi'j chi che tzelej ulok che u banic c'ax che we tinimit ri' chech'ojin c'u ruc', chumajij c'ut chut'ika c'u k'ak' che. Quenbana' c'ut chi ri niq'uiaj tak tinimit chic re Juda che tolobaxok man c'o ta jun winak chcanaj ta chquipam. In, ri Ajawaxel, quinjiquiba' u bixic.”

Ri Jeremiy 26:18

“Pa tak ri u k'ijol ri Ezequiy, ajawinel re Juda, ri Miquey aj Moreset xutzijobej ronojel ri tinimit Juda pa ri u bi' ri Ajawaxel, je xubij wa' che: ‘Ri Ajawaxel ri c'o ronojel u cuinem je cubij wa': Ri Sion caq'uextaj pa jun ulew c'upum, Ri Jerusalen cux na jumulaj etzeletajic, ri u wi' ri juyub ri c'o wi ri rachoch Dios cänoj na che patzapak tak k'ayes.’

Ri Jeremiy 25:11

Ronojel we ulew ri' cäyojyobisax na canok xukuje' cäq'uextaj na pa etzeletajic. We nimak tak tinimit ri' oxc'al lajuj junab (70) quec'oji' na chuxe' ri u takanic ri ajawinel re Babilon.

Salmib 79:1

¡Nu Dios, ri quequik'ijilaj tak diosib qui majim ri jastak ech la! ¡Cawasim ri tastalicalaj achoch la quiyojyobisam c'ut ri Jerusalen!

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”

Ri Miquey 1:6

Rumal ri' cubij ri Ajawaxel: “Quinban na che ri Samar jumulaj etzeletajic, jun tek'etic ulew ri quetic wi tak uva. Quebenjabuj na ri abaj ri e cojom che u yaquic ri tinimit pa ri beya' quebenya' c'u na ri e u tac'alibal chisak.

Ri Jeremiy 26:9

¿Jas ri cabano cachajij anima' che u bixic pa ri u bi' ri Ajawaxel chi we rachoch Dios ri' je cäcanajic jacha' ri ja re ri Sil, xukuje' chi we tinimit casachisax na u wäch man c'o ta chi c'u winak quecanaj ta chi can chupam?” Conojel c'u ri winak xquiq'uiak quib chupam ri rachoch Dios, chrij ri Jeremiy.

Ri Jeremiy 25:18

Xinya' che ri Jerusalen rech caruq'uiaj xukuje' chque ri tinimit tak re Juda, junam cuc' tak ri cajawinelab xukuje' ri c'amal tak be, che u sachisaxic qui wäch xukuje' che qui yojixic canok, ri cuya' xibriquil xukuje' xe'n ib, che u ya'ic c'utbal re c'okonic ri c'ä e takeninak camic.

Ri Isaiy 44:26

Quinban c'ut chi ri cäquibij ri e pataninelab tak wech je cäbantajic, xukuje' chi utz quebel wi ri qui chomanic ri e nu tako'nib. In quink'alajisaj chi ri Jerusalen cänoj chi na chque winak, chi conojel ri tinimit tak re Juda queyac chi na jumul. In quinbano chi quebel na chupam ri yojyobic ri e c'o wi.

Ri Nehemiy 4:2

Jewa' xubij chquiwäch ri e rachil xukuje' chquiwäch ri ajch'ojab aj Samar: “We aj judeyib ri' ri cämic caquiban rumal wi'jal, ¿la caquichomaj chi c'o qui banic? ¿La are ta c'u lo pa qui c'u'x chi queyok ta chque chi quequichi'j ta chi jumul tabal tak tok'ob? ¿O chi quecuin ta che u q'uisic ri qui chac pa jun k'ij? ¿O chque ta ri jujun tak mulaj ch'akatak tak abaj ri xekawic quequesaj ta wi c'ac' tak abaj?”

Apocalipsis 18:2

Xurak u chi' ruc' cowilaj ch'abal, xubij: “Xtzakic, xtzak ri nimalaj Babilon. Xban che chi itzel tak uxlabal e jekel chila'. Xban che chi are c'olbal re ronojel tz'ilalaj uxlabal, re ronojel tz'ilalaj chicop ri c'o u xic ri quetzelax u wäch.

Aj Levitib 26:32

Quintolorisaj na u wäch ri ulew, cäpe c'u na canima' ri e i c'ulel ri quebel jekel chupam.

Salmib 44:19

Uj yo'm c'u ne la canok chquixo'l ri juyubal tak tzi'; ¡Uj ch'ukum la chupam jun xibibalalaj k'ekumalil!

Ri Jeremiy 1:15

In, ri Ajawaxel, quinjiquiba' u bixic chiwe chi quebensiq'uij ulok conojel ri ajawibal aj iquiak'ab. Quepe tak na ri ajawinelab quebelquicojo' tak na ri qui tem re ajawibal kas chuchi' ri oquibal pa Jerusalen, chquiwäch conojel tak ri nimak tak tapia ri e sutininak rij xukuje' chquiwäch conojel tak ri tinimit re Juda.

Ri Jeremiy 4:27

Ri Ajawaxel cubij: “Ronojel ri ulew cätolobax na, man c'u quinsachisaj ta na u wäch chnimalaj ronojel.

Ri Jeremiy 44:2

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Ix xebiwil conojel ri nimak tak c'axc'ol ri e nu kasan puwi' ri Jerusalen xukuje' ri niq'uiaj tak tinimit chic aj Juda. Camic e yojyobinak man c'o ta jachin c'o ta chquipam

Ri Jeremiy 49:33

Ri Azor cäcanaj can amak'el jun chaki'j uwo sak qui jekelibal xexalaj tak awaj. Man c'o ta chi jachin jun cajeki' ta chi na chila' mawi ta ne xa' ta re quieb oxib k'ij.”

Ri Jeremiy 50:3

Rumal rech chi pa ri riquiak'ab elebal k'ij petinak jun nim tinimit chrij che u banic c'ax che ri cuq'uex na ri rulew pa jun chaki'j uwo sak. Man c'o ta jun, cajeki' ta chi na chila' mawi winak mawi awaj, conojel c'ut quebanimaj tak bic.”

Juyuwem 1:4

¡Sibalaj e bisobal tak ri be ri quebe pa Sion! ¡Man c'o ta jachin ta jun ri cäpe ta pa tak ri nimak'ij! Ri e oquibal tak pa ri tinimit e tolonic, ri e cojol tabal tok'ob quebok'ic, ri c'ojolab quech'ibatajic ri Jerusalen c'o pa tak c'ayil.

U Camulixic ri Pixab 29:23

cäquil c'u na chi ronojel ri ulew xa asubre chic, xa atz'am chic xukuje' c'atinak ulew. Man c'o ta chi jas cuya' cätic pa we ulew ri'. Man cuya' ta chic u wächinic mawi k'ayes cäq'uiy chi chuwäch, jas ri xc'ulmatajic aretak xeporox tak ri tinimit re Sodom, re Gomor, ri Adma xukuje' ri Zeboim, ri xsachisax qui wäch rumal ri Ajawaxel pa ri u k'ak'al ri royowal.

Salmib 107:43

Jachin ri c'o u no'j, chucojo' retal wa' chuch'obo' c'u ri lok'ok'ebal u c'u'x ri Ajawaxel.

Ri Jeremiy 8:22

¿La ma ta lo c'o jun cunabal pa Galaad? ¿La ma ta lo c'o jachin jun chi' cacunanic? ¿Jasche man cacunataj taj ri nu tinimit?

Ri Jeremiy 16:10

Aretak chaya' u bixic we tzijol ri' che ri tinimit, caquic'ot na a chi': ‘¿Jasche u takom ulok ri Ajawaxel pakawi' we c'axc'ol ri' ri sibalaj nim? ¿Jas ri etzelal ri ka banom? ¿Jas ri macaj ri ka banom chuwäch ri Ajawaxel ri ka Dios?’