Ri Jeremiy 9:10 - Quiché Bible

¹⁰ Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.

Ri Jeremiy 9:10 Referans Kwoze

Ri Jeremiy 12:4

¿C'ä jampa' cutakej chaki'jaric ri ulew quechaki'jar c'ut ri' ri k'ayes ri c'o pa tak ri juyub? Ri awaj xukuje' tak ri chicop ri e c'o qui xic' cätajin quecämic u mac quech ri quetzelal ri e u winakil cho ri ulew, are c'u pa qui c'u'x chi man cäil ta la ri caquibano.

Ri Osey 4:3

Rumal ri', cabisbob na ri ulew; quetuktub c'ut ri e jekel chupam; junam cuc' tak ri juyubal tak awaj xukuje' tak ri chicop ri e c'o qui xic' quecäm, xukuje' tak ri cär ri e c'o chupam ri plo.

Ri Ezequiel 33:28

Quintoloba' na can ri ulew xukuje' quinya' can pa etzeletajic, quintuquij na ri chuk'ab ri caquiban wi nimal. Ri e u juyub tak ri Israel queben wonoba' canok; man c'o ta jun coc'ow chi chila'.

Ri Ezequiel 29:11

Mawi winak mawi awaj queboc'ow ta chila'. Pa cawinak junab man c'o ta jun winak cäjeki' ta chila',

Ri Ezequiel 14:15

We c'u queben tak bic juyubal tak awaj pa jun ulew, che qui cämisaxic ri winak ri e c'o chi', caquiban ta c'u che chi cux jun chaki'j uwo sak ri ma ta c'o jun cuchajij ta anima' coc'ow chi' rumal xe'n ib chquixo'l ri juyubal tak awaj,

Ri Jeremiy 12:10

E q'ui c'ämal tak be ri e c'ulel qui sachisam u wäch ri nu ticbal uva, qui xak'alem ri nu juyub. Xquiban jun tolotic chaki'j uwo sak che ri ulew ri sibalaj lok' na chnuwäch.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Juyuwem 1:16

We jastak ri' quinquiya' pa ok'ej. Ri e nu bak'wäch quenoj che qui wal tak wächaj, man c'o ta c'u jachin jun ri c'o ta wuc' ri cacu'bisan ta nu c'u'x, man c'o ta jachin jun ri cuya' ta c'ac' chajin anima'aj chwe. Chquixo'l tak ri etzeletajic xecanaj wi can tak ri e walc'ual, are c'u xch'äcan na ri c'ulel chkawäch uj.

Ri Jeremiy 23:10

Ri ulew nojinak chque tak winak ri xekaj pa mac ruc' jun winak chic, chque winak ri quexiq'uin che u banic ri etzelal ri quequicoj ri qui cuinem che qui banic tak ri man suq'uil taj. Rumal ri' ri Ajawaxel xuc'okoj ri ulew, xchaki'jar c'ut ri ulew, xec'at tak c'ut ri echa' chupam ri chaki'j uwo sak.

Ri Jeremiy 14:6

Ri juyubal tak bur, e tac'atoj tza'm tak ri wuk'uwak chaki'j tak juyub, ri e talonic cäquijic' quiakik' jas cäquiban ri xex tak awaj; xak c'u quecäsow chic rumal rech chi man c'o ta k'ayes che quecha'.”

Ri Jeremiy 8:18

Ri nu k'oxomal man c'o ta cunabal che, ri wanima' cächukchubic.

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ri Isaiy 49:19

Ri awulew yojyobinak, etzelam, lilobisam are c'u ri camic ri awulew cux na ch'utin chque tak ri e a winak. Ri xatquiyojij, naj chic e c'o wi.

Ri Isaiy 41:15

Quinban na chawe chi catux jun joc'ol trico, ri c'ac' xukuje' e c'o utzalaj tak u ware quebajoc' na ri juyub, caban na chi quebux puc'uc' ulew, caban na chi ri e u tza'm tak juyub quebux na pajo.

Ri Jeremiy 50:3

Rumal rech chi pa ri riquiak'ab elebal k'ij petinak jun nim tinimit chrij che u banic c'ax che ri cuq'uex na ri rulew pa jun chaki'j uwo sak. Man c'o ta jun, cajeki' ta chi na chila' mawi winak mawi awaj, conojel c'ut quebanimaj tak bic.”

Ri Ezequiel 27:2

“At, winak, chabixoj we bix ri' ri rech cämical

Ri Joel 1:13

Ix, cojol tabal tok'ob pataninelab rech ri porobal, chebicojo wakwoj tak atz'iak chixok' c'u rumal k'oxomal, rumal rech chi pa ri rachoch ri i Dios man e c'o ta chic c'äj mawi u wa'l uva che quiya'ic tak sipanic.

Ri Joel 1:19

¡Che la quinrak wi nu chi', Ajawaxel, ri k'ak' u porom ri k'ayes ri c'o pa ri chaki'j uwo sak xukuje' tak ri che' ri e c'o pa tak ri juyub!

Ri Amos 5:1

Chebiya' i xiquin chque tak ri e nu tzij, israelib; chitatabej ri juyuwem ri quenbixoj che i c'ulelaxic:

Ri Amos 5:16

Je cubij wa' ri Ajawaxel, ri Dios ri c'o ronojel ri u cuinem: “Cho conojel tak ri c'ayibal queban wi ok'ej, pa conojel ri e u xo'l tak ja e c'o rakoj tak chi'aj re k'oxomal. Quebequisiq'uij tak na ri e aj juyub che u banic bisonic, xukuje' ri e nawinelab tak aj ok'ej ri are qui chac tak ri u banic juyuwem.

Ri Miquey 2:4

Pa ri k'ij ri' quebixox tak na bix chiwe re juyuwem. Cäbix c'u na chiwe: ‘Q'uisnak tzij pakawi'; ri ka tinimit, ri rech ri Ajawaxel, u q'uexom rajaw ri man c'o ta c'u jachin ta cak'atinic; ri e kulew e qui jachom tak chquiwäch ri e ch'äcal tak kech.’ ”

Ri Jeremiy 2:15

¿Jas c'u che caquiban c'ax che e jacha' ta ne e coj, cuc' cowilaj tak wunem? Quiyojim can ri ulew; ri u tinimit tak xeporoxic man c'o ta c'u jun xto'taj ta can chupam.

Ri Jeremiy 12:11

Xquiban can chaki'j uwo sak che xukuje' xquitoloba' canok, quinwil c'ut in chi carok'ebej rib. Ronojel ri ulew uxinak chaki'j uwo sak, man c'o ta c'u jun coc ta il che.

Juyuwem 5:18

Ri juyub aj Sion jumulaj yojyobic; quebinicat tak ri yac paquiwi'.

Ri Ezequiel 6:6

Pa conojel tak ri c'olbal jawije' ri chixejekel wi na, ri tak tinimit casachisax na qui wäch xukuje' tak ri e qui porobal ri quequik'ijilaj wi tak ri diosib quecanaj na pa yojoyobic. Ri e tak qui porobal kas quetz'akat can qui yojyobisaxic, ri e diosib quemuchitajic; ri e qui porobal che u poroxic c'oc' k'ol, quet'akixic; ronojel ri i banom ix cächup na u wäch.

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.