Ri Jeremiy 8:7 - Quiché Bible

⁷ Ri siguenya ri cabin cho ri caj reta'm c'u ne jampa' rajawaxic catzelejic. Ri palomax ri xipicar xukuje' ri chiochi queta'm jampa' rajawaxic quebe pa jun c'olbal chic. Are c'u ri at, nu tinimit, man e a weta'm taj ri e nu pixab.

Ri Jeremiy 8:7 Referans Kwoze

Ri Isaiy 1:3

Ri wacax reta'm u wäch ri rajaw, xukuje' ri bur ri cäya' wi ri recha' rumal ri rajaw; are c'u ri Israel ri kas nu tinimit, man cuch'ob ta mawi c'o retamanic.”

Ri Isaiy 5:12

Xuwi k'ojom re arp, re nimalaj arp, re tum xukuje' re su' cätatajic, c'o sibalaj u wa'l uva pa ri i nimak'ij man quixoc ta c'u il che ri cuban ri Ajawaxel, mawi quicoj ri u chac pa ajilabal.

Bixonic Tak 2:12

E pak'inak chic ri cotz'i'j pa ri juyub, opaninak ri k'ijol re bixonic, cätataj chic ri cok'ebal tak tucumux.

Ri Isaiy 27:11

Ri e u k'ab jun che' quek'ajic aretak quechaki'jaric quepe c'u ri ixokib quequimol bic quequicoj pa k'ak'. Jun tinimit wa' ri man c'o ta u chomanic. Rumal ri' ri Dios ri xq'uiyisanic, man cutok'obisaj ta u wäch mawi quel ta u c'u'x che.

Ri Zacariy 5:9

Xinca'y chi jumul, xebenwil quieb ixokib ri xquic'ut quib. E c'o qui xic', are c'u ri quiakik' e c'amowinak bic. Ri e qui xic e jacha' ta ne ri e qui xic' ri siguenya, cuc'am c'u bic ri caxa pajbal pa tak ri quiakik'.

Ri Jeremiy 4:22

“Ri nu tinimit moxirinak, man cuch'ob ta nu wäch,” cacha' ri Ajawaxel. “E alc'ualaxelab ri man c'o ta qui no'j, ri man quechoman taj. Coc'ow u wi' ri qui no'j che u banic ri etzelal, man queta'm ta c'u u banic ri utzil.”

Ri Jeremiy 5:6

Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Ri Habacuc 1:4

Man cäya' ta u k'ij ri pixab, man nim ta quil wi ri winak, ri lawalo cuban c'ax che ri utz, cajech'obisax c'ut ri suq'uilal.