Ri Jeremiy 8:2 - Quiché Bible

² xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Jeremiy 8:2 Referans Kwoze

Ucab Ajawinelab 23:5

Xeresaj ri e cojol tabal tok'ob pa ri qui chac ri e cojom can cumal tak ri ajawinelab re Juda che qui poroxic c'oc' tak k'ol pa tak ri k'ijilabal ri quek'ijilax wi ri diosib ri e c'o pa tak ri tinimit pa Juda xukuje' tak ri e c'o chrij ri Jerusalen, xukuje' ri e cojol tabal tok'ob ri quequiporoj coc' tak k'ol chuwäch ri Baal, chuwäch ri k'ij, chuwäch ri ic', chquiwäch ri nimak tak ch'imil xukuje' chquiwäch ri alaj tak ch'imil ri e c'o cho ri caj.

Hechos 7:42

Ri Dios xebuya' canok, xebujach che qui k'ijilaxic ri k'ij, ri ic', ri ch'imil. Jas ri tz'ibatal pa ri qui wuj ri e k'axal tzij: ‘Aj israelib, ¿la xebicämisaj lo awaj che tabal tok'ob chnuwäch, a xebiya' lo sipanic chnuwäch pa ri cawinak (40) junab aretak ix c'o pa tak ri chaki'j uwo sak?

Ri Jeremiy 9:22

Ri cäminak tak achijab xeliq'ue' canok jacha' ri qui mes tak ri awaj pa tak ri juyub, jacha' ri u jolom trico ri cutzak can ri banal k'atoj ri man c'o ta c'u jun cäsic'owic.” Ri Ajawaxel cajiquiban u bixic.

U Camulixic ri Pixab 4:19

Xukuje' aretak quixca'y cho ri caj, quiwil c'u ri k'ij, ri ic', xukuje' conojel tak ri ch'imil ri e c'o chicaj, mixtzak c'u chupam ri takchibal macaj, che qui k'ijilaxic. Are c'u ri Ajawaxel ri i Dios xebuq'uiyisaj tak ri ch'imil chque conojel ri tinimit cho ri uwächulew.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

Ri Ezequiel 8:16

Xinuc'am c'u bic chuwäch ri rachoch ri Ajawaxel chuchi' ri roquibal ri k'ijilabal, chquixo'l ri rakan ja ruc' ri porobal, juwinak job (25) achijab are qui yo'm can ri quij chuwäch ri k'ijilabal; qui mejom quib chuwäch ri quelwi ulok ri k'ij, qui yo'm ri qui palaj cho ri ulew, caquik'ijilaj ri k'ij.

Ri Jeremiy 36:30

Rumal c'u ri', in, ri Ajawaxel, quinbij chawe, Joasim, ajawinel re Juda, chi ri at man c'o ta awija'lil cäcanaj pa ri u tem re ajawibal ri David. At aretak catcämic man catmuk taj catcanaj chuwäch ri u k'ak'al ri k'ij xukuje' chuwäch ri u tewal ri chak'ab,

Ri Jeremiy 22:19

Cämuk na jacha' jun bur: cäjururex bic queq'uiak canok chrij ri Jerusalen.”

Ri Jeremiy 19:13

Ri ja tak re Jerusalen, ri e rachoch tak ri ajawinel re Juda xukuje' ri qui wi' tak ri ja ri quequichi'j wi c'oc' k'ol chque conojel tak ri ch'imil ri quequijamij wi tak sipanic re u wa'l uva chque tak ri qui diosib ri winak, quechomax na chi e tz'il quejunamataj ruc' ri Topet.’ ”

Ri Jeremiy 16:4

Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Salmib 83:10

ri xsachisax qui wäch pa Endor; ¡ri xebux qui mes awaj!

Ucab Ajawinelab 21:3

xuban qui banic tak ri k'ijilabal ri quek'ijilax wi ri diosib ri xebuc'äjij can ri Ezequiy, ri u tat; xebuyac tak porobal che ri Baal xukuje' xuban jun u wächbal ri Asera, jacha' ri xuban ri Acab, ajawinel pa Israel; xak c'u u wi' chic xk'ijilanic xukuje' xebuya' tak k'ijilanic chque tak ri ch'imil ri e c'o cho ri caj,

Ri Soponiy 1:17

Je wa' cächa' ri Ajawaxel: “Quebencoj na ri winak pa aninakil. Quebin c'u na e jacha' ta ne moyab, rumal rech chi xemacun chnuwäch. Ri qui quiq'uel cajamix na jacha' ta ne puc'uc' ulew, ri qui ti'jal camulubax na jacha' ta ne qui mes awaj.”

Ri Tzijonel 6:3

Jun achi pune' ta ne quebuc'ojolaj jun sient u c'ojol cac'asi' ta c'u q'ui junab, we man cutij bic, we man cucoj bic ri utz, we c'u ne man cämuk ta bic, in quinjiquiba' u bixic chi jun ac'al ri maja' copan u k'ij ri xa tzakom, are utz na re wa' chuwäch we achi ri'.

Ucab Ajawinelab 21:5

Xebuyac chi niq'uiaj porobal chquiwäch ri quieb uwo ja ri e c'o chuwäch ri rachoch ri Ajawaxel, chila' c'u quek'ijilax wi conojel tak ri ch'imil ri e c'o cho ri caj.

Ucab Ajawinelab 17:16

Xequitzak can conojel tak ri e u takomal ri Ajawaxel ri qui Dios, xequiban quieb alaj ama'ib tak wacax re k'an ch'ich' ruc' k'ak' xukuje' jun u wächbal ri Asera, che c'u u tz'akat xequik'ijilaj conojel ri ch'imil ri e c'o cho ri caj xukuje' ri Baal.

U Camulixic ri Pixab 17:3

quebuk'ijilaj jule' tak diosib chic, cäxuqui' c'u chquiwäch, we chuwäch ri k'ij, ri ic', o ri ch'imil tak, jun jasach ri man takaninak ta wi ri Ajawaxel.

Salmib 53:5

Pune' man c'o ta jas cäxex ta wi ib, ri e are' quebirbob na rumal xibriquil, quebujabuj c'u na ri Dios ri u bakil ri c'ulel. Cätze'x c'u na qui wäch rumal chi man quec'ulax ta rumal ri Dios.

Ri Jeremiy 14:16

Are c'u ri tinimit ri quequibij we jastak ri' chque, xukuje' quecäm na rumal ri ch'o'j xukuje' ri wi'jal, e cachil tak ri quixokil, ri e qui c'ojol xukuje' tak ri e qui mia'l. Ri cäminakib querokilax na xo'l tak ri ja pa Jerusalen, man c'o ta c'u jachin quemukuwic. Jewa' quinban na chque che u tojic ri quetzelal.

Ri Jeremiy 16:11

At chatzelej u bixic chque: ‘Ri Ajawaxel cujiquiba' u bixic: Wa' cäc'ulmatajic rumal rech chi ri e i mam xinquitzak canok xebe che qui terenexic diosib, che qui ya'ic tak k'ijilanic chque xukuje' che u ya'ic tak qui k'ij; are c'u ri in xinquitzak canok man xequitz'akatisaj ta c'u qui banic tak ri pixbenic ri xebenya' chque.

Ri Jeremiy 31:40

Ronojel ri beya' ri quemuk wi cäminakib xukuje' ri caq'uiak wi ri chaj, xukuje' conojel tak ri ulew ri e c'o puwi' ri nima' Sedron c'ä copan na pa ri cotoquic ri c'o wi ri Coquibal ri Quiej, ri cäca'y pa ri elebal k'ij, quebentas na chwe, ronojel c'u wa' mawi jubik' cat'akix ta na mawi cäyojix ta na.”

Ri Ezequiel 6:5

Quebenrokij na ri cäminak tak aj israelib chquiwäch tak ri qui diosib, quebenjabuj c'u na tak ri qui bakil chquij tak ri qui porobal.

Ri Ezequiel 29:5

Catinq'uiak na chupam ri chaki'j uwo sak, junam cuc' conojel ri car ri e c'o chupam ri a nima'; catekaj na chupam jun chaki'j uwo sak, man c'o ta c'u jachin cattelenic che a mukic. Quinban na chi catquit'ubij ri juyubal tak awaj xukuje' tak ri c'uch ri querapap chicaj.

Salmib 83:11

Bana' la chque ri achijab ri nimak qui k'ij jas ri xban la che ri Oreb xukuje' ri Zeeb; bana' la chque conojel ri c'amal tak qui be jas ri xban la che ri Zeb xukuje' ri Zalmun,

Ri Jeremiy 9:20

Ixokib, chitatabej ri u tzij ri Ajawaxel, kas chitatabej ri cubij chiwe. Chebitijoj tak ri e iwal ixokib che u banic ok'ej xukuje' ri e canima' quib cuc' je juyuwem wa' chiquiba' na':

Ri Jeremiy 9:21

“Ri cämical xoc chupam tak ri kachoch, xopan chupam tak ri cachoch ri ajawinelab; quebucämisala' tak ri ac'alab xo'l tak ri ja ri e ka c'ojolab chquipam tak ri c'ayibal.

Ri Jeremiy 16:6

Chi nimak chi ch'utik quecäm na chupam we ulew ri'; man c'o ta jun quemukuwic, mawi quebok'enic, mawi cuc'ut ta rib chi c'axc'obinak ta chque cusoc ta ri u cuerp o cutolorisaj taj ri u jolom.

Ri Jeremiy 25:33

Ri cuban ri Ajawaxel chi quecäm pa ri k'ij ri', queliq'uibax na canok cho ronojel ri uwächulew. Man c'o ta jun cok'em na qui wäch, man c'o ta jun queyacow na ri cäminakib che qui mukic; queliq'uibax can cho ri ulew jacha' ri mesaj.

Ri Ezequiel 39:5

Quixliq'ue can cho tak ri sak. In, ri Ajawaxel, in ch'awinak. In nu yo'm ri nu tzij.