Ri Jeremiy 8:13 - Quiché Bible

¹³ Ri Ajawaxel cujiquiba' u bixic: “Quenk'ata' ri nu tinimit jacha' ta ne trico. Mawi jun uva cäcanaj ta can puwi' ri u che'al, mawi jun higo cäcanaj ta can puwi' ri u che'al higo. Xuwi quecanaj can chaki'j tak u xak.”

Ri Jeremiy 8:13 Referans Kwoze

Ri Matey 21:19

Xril jun u che'al higo chuchi' ri be. Xbe ruc'. Man c'o ta c'u xurik che ri che', xane' xak xuwi u xak. Xubij c'u che: “Mawi jumul chbe k'ij sak cäc'oji' na a wächinic.” Chanim xchaki'jar ri u che'al higo.

Ri Joel 1:7

U sachisam qui wäch tak ri e ticbal tak ka uva, u q'uisom tzij paquiwi' tak ri e u che'al tak ka higo, kas utz u ch'ololexic u banom c'ä xesakar na can tak ri e u k'ab.

Ri Jeremiy 17:8

Cux c'u na jacha' juwi' che' ri tiquil chuchi' jun nima', ri quebuyuk tak ri e u ra'b chuchi' ri ja' man c'u cuna' ta rib aretak quepe tak ri k'ak'al, amak'el xak cätojtak wi ri e u xak. Pa ri u k'ijol ri sak'ij man cuna' taj, mawi jumul cutanaba' ta u ya'ic u wäch.

Santiago 1:11

Aretak c'u quel ulok ri k'ij ruc' ri u k'ak'al, cuchaki'jarisaj ri k'ayes, ri u cotz'ijal cätzakic, cäsach u wäch ri je'lalaj u ca'yebal. Jewa' xukuje' ri k'inom coc'ow na pa tak ri cubano.

Ri Hajey 2:17

In ruc' banbal c'ax xukuje' sakbach xinsachisaj qui wäch ri qui wächinic tak ri qui tijoj tak chuk'ab, are c'u ri ix man xixtzelej ta wuc'. In, ri Ajawaxel, quinjiquiba' u bixic.

Ri Hajey 1:11

In ri xinc'amow ulok ri sak'ij paquiwi' tak ri ulew xukuje' paquiwi' tak ri juyub, puwi' ri trico, paquiwi' tak ri juwi' tak uva xukuje' paquiwi' tak ri juwi' tak aseitun, paquiwi' tak ri qui wächinic ri ulew, paquiwi' ri achijab xukuje' paquiwi' ri awaj, xukuje' paquiwi' conojel tak ri chac.”

Ri Habacuc 3:17

C'äte c'u ri' quinnoj na che quicotemal rumal ri Ajawaxel ri nu Colonel. Quink'ijilan na che pune' man quecotz'ijan tak ri e qui che'al tak higo mawi chiquiya' ta qui wächinic tak ri juwi' tak uva xukuje' tak ri e qui che'al tak ri aseitun; pune' man e c'o ta chi wächinic pa tak ri juyub; pune' casach qui wäch ri jumulaj tak chij ma ta c'u ne e c'o chic wacax pa tak ri e qui cäbal.

Ri Jeremiy 5:17

Quequitij na ri e u wäch tak ri e awulew, xukuje' ri a wa, quebequitij c'u ne na ri e a c'ojol xukuje' tak ri e a mia'l. Quebequitij tak na ri e a chij, ri e a wacax, ri e a uva xukuje' tak ri e a higo. Cuc' tak ri e qui ch'ojibal quequisachisaj na qui wäch ri tinimit tak ri e c'o nimak tak tapia chquij ri a cuban wi a c'u'x.”

Ri Isaiy 5:10

Cawinak lajuj c'am ulew ri ticom uva chuwäch, xa jun alaj bo'j u wa'l uva cuyao'. Lajuj coxtar ija' xa' jun coxtar trico cuya'.”

Aj Levitib 26:20

Xak c'u lok' quiq'uis ri i chuk'ab, man cäwächin ta chi c'u ri iwulew, xukuje' ri che' ri e tiquitoj man cäquiya' ta chi ri qui wäch.

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Jeremiy 14:12

Pune' ta sibalaj cuq'uisa' rib che man cuya' taj caban wa'im, man quebentatabej taj ri e u tz'ononic; xa' ta ne e joropa' tabal tok'ob ri quechajirisaxic xukuje' tabal tak tok'ob quech c'äj ri quequic'am ta ulok chwe, man utz ta quebenwil na. Quinsachisaj na u wäch rumal ch'o'j, wi'jal xukuje' yabilal.

Ri Osey 2:12

Quinsachisaj na qui wäch ri uva ri e u ticom xukuje' ri e u che'al tak u higo, ri xebubij: ‘E are tak tojbal wech wa' ri xequiya' tak ri wachijab chwe.’ Quinban na chque chi quebux patzapak tak che' quetijowisax c'u na cumal juyubal tak awaj.

Ri Jeremiy 14:15

Are c'u ri in, ri Ajawaxel, quinbij chi we e k'axal tak tzij ri' ri caquiban quib chi quech'aw pa ri nu bi' ri man e nu takom taj, ri caquibij c'ut chi man c'o ta ch'o'j quebanok mawi wi'jal chupam we ulew ri': we k'axal tak tzij ri' quebecäm na rumal ri ch'o'j xukuje' ri wi'jal.

Ri Ezequiel 22:31

Rumal ri' nu kasan ri nu c'äjisabal wächaj paquiwi', nu sachisam c'u qui wäch ruc' ri u k'ak'al ri woyowal, rech caquicoj quib chuxe' ri qui banoj. In, ri Ajawaxel, quinjiquiba' u bixic.’ ”

Ri Malaquiy 3:11

Man quenya' ta c'u c'olbal chi cäsach qui wäch tak ri e i tico'n cumal tak ri ul xukuje' ri ticbal tak uva.