Ri Jeremiy 8:12 - Quiché Bible

¹² ¡Cheq'uix ta ba' che qui banic ri jastak ri man quebencoch' taj! Man c'u je taj, man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, cäquichak'ij na quib quekaj c'u na jacha' ri jule' chic. In ri Ajawaxel, quinjiquiba' u bixic.’ ”

Ri Jeremiy 8:12 Referans Kwoze

Ri Jeremiy 3:3

Rumal ri' e k'ilk'obinak tak ri jäb pa ri k'aläj xukuje' pa ri nabe tak ic'. Junam catpe ruc' jun ixok quech nim ch'utin; ¡chc'ol ba' a q'uixbal!

Ri Jeremiy 6:15

¡Cheq'uix ta ba' che qui banic ri jastak ri man queben coch' taj! Man je ta c'u ri' man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, caquichak'ij na quib quetzak c'u na e jacha' ri e jule' chic. In, ri Ajawaxel, quinbij.”

Ri Isaiy 3:9

Chisakil quemacunic, man cäquic'u' ta ri cäquibano e junam ruc' ri Sodom, cäquiya' u bixic chque conojel ri winak. Tok'ob qui wäch, e are' quesuc'uman ri c'äjisabal qui wäch.

Salmib 52:7

“Chiwilampe' ri man cutzucuj ta u to'ic rib ruc' ri Dios; ri cucu'ba' u c'u'x chrij ri nimak tak u k'inomal ri cutakej u banic ri etzelal.”

Ri Soponiy 3:5

C'o c'ut ri Ajawaxel chupam ri tinimit; ri are' are cuban ri utz, man are ta ri lawaloyil. Ronojel ak'abibal cujekeba' u banic ri u suq'uilal. Are c'u ri itzel winak, mawi ne reta'm jas ri' ri q'uixbal.

Salmib 52:1

¿Jasche caban nimal chupam ri awetzelal at ri c'o a chuk'ab? ¡Ri u lok'ok'ebal c'u'x ri Dios xak jewi'!

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.

Filipenses 3:19

Cäpe c'u na jun k'ij aretak cäsach na qui wäch ri winak ri'. Ri are' qui dios ri itzel tak u rayinic ri qui ti'jal, cäquinimarisaj qui k'ij chrij q'uixbalalaj tak jastak. Cäquichomaj xuwi ri jastak aj uwächulew.

Ri Osey 5:9

In quinya' u bixic chquixo'l tak ri ramak' ri Israel ri sibalaj jic quec'ulmataj na: Ri Eprain cäyojyobisax pa ri k'ij re c'äjisabal wächaj.

Ri Isaiy 24:2

Je cäban na che ri cojol tabal tok'ob jas ri cäban chque ri winak re ri tinimit, jas ri cäban che ri ajaw je cäban che ri pataninel lok'om achi, jas ri cäban che ri ajawinel ixok je cäban che ri pataninel lok'om ali, jas ri cäban che ri lok'omanel je cäban che ri ajc'ay, jas ri cäban che ri ya'l c'asaj je cäban che ri c'o u c'as, jas ri caban che ri ya'l jalomal je cäban che ri kajanel.

Ri Jeremiy 6:21

Rumal ri', ri Ajawaxel cubij: “Quenbana' chi cuchak'ij rib we tinimit ri' cätzak c'ut. Tataxelab xukuje' c'ojolaxelab, c'ulja tak xukuje' ri e utz tak cuc', xukuje' ri e are' quecäm na'.”

Ri Jeremiy 10:15

e banoj ri man c'o ta qui patan, e yabal tak tze', casachisax c'u na qui wäch rumal ri Ajawaxel pa ri k'atan tzij.

Ri Jeremiy 44:10

C'ä camic ri ix man i q'uexom taj ri i c'aslemal, mawi i xe'n iwib, mawi e i tz'akatisam taj ri tijonic xukuje' tak ri pixab ri xebenya' chiwe xukuje' chque ri e i mam.

Ri Ezequiel 23:18

Xujach c'u rib che u banic ri quech nim ch'utin pa qui k'ab ch'utik xukuje' nimak, xuc'ut ri u cuerp ch'analic, c'ä xinna' na ri muluw c'u'x che jacha' ri xinna' can che ri ratz.

Chapletajic 19:34

Chucab k'ij chic, ri nabeal xubij che ri u chak': “Chatampe', in chak'ab iwir xinwar ruc' ri ka tat, kaya' chi ba' u wa'l uva che ri ka tat rech catwar chi at ruc'; rech uj quieb cäc'oji' u c'ojol kuc'.”

Ri Jeremiy 14:15

Are c'u ri in, ri Ajawaxel, quinbij chi we e k'axal tak tzij ri' ri caquiban quib chi quech'aw pa ri nu bi' ri man e nu takom taj, ri caquibij c'ut chi man c'o ta ch'o'j quebanok mawi wi'jal chupam we ulew ri': we k'axal tak tzij ri' quebecäm na rumal ri ch'o'j xukuje' ri wi'jal.

Ri Jeremiy 23:12

Rumal ri' ri qui be cux na k'ekumalil xukuje' cajililic: in quinban na chi quech'iquimixic chetzak c'ut. Aretak chebenban ajilanic cuc', quinc'am na ulok ri quiäkasakil paquiwi'. In, ri Ajawaxel, quinjiquiba' u bixic.