Ri Jeremiy 8:10 - Quiché Bible

¹⁰ Rumal ri', quebenjacha' ri quixokil chque jujun achijab chic, ri culew pa qui k'ab jule' tak ajchak'e chic. Conojel c'ut chi nimak chi ch'utik. Xuwi caquichomaj u rikic ri ch'äcoj ri xa quet'orixic; k'axal tzij xukuje' e cojol tabal tok'ob, conojel quequiban t'orinic.

Ri Jeremiy 8:10 Referans Kwoze

Ri Ezequiel 33:31

Je c'u ri' ri nu tinimit cäpetic cat'uyi' chawäch, jacha' nak'atal u banic rumal, che qui tatabexic tak ri a tzij. Man c'u caquiban taj jas ri caquibij. Caquitzelela' tak u bixoxic jacha' caban che qui bixoxic tak bix quech taquenic, benak c'u ri ranima' chrij ri puak.

Ri Tit 1:11

Rajawaxic chi cätz'apix ri u pa qui chi'. Quequitijoj ri winak che jastak ri man ya'tal taj xa' rech cäquich'äc puak rumal. Quequituquij jujun tak ja winak.

Ri Soponiy 1:13

Rumal ri' ri e u k'inomal quec'otix na bic xukuje' tak rachoch queyojix na. Quequiyac tak na cächoch, man c'u quejeki' ta na tak chquipam; quequitic tak na uva, man caquitij ta c'u na ri u wa'l uva ri quel chque.”

Ri Amos 5:11

Quixak'alej c'ut ri meba', quitok'ej c'u tojbal che ri u trico, man quixcuin taj quixjeki' chquipam tak ri ja re abaj ri e i yacom, mawi qui wuq'uiaj tak na iwe ri u wa'l uva ri quebel chque ri ticbal tak uva ri e i ticom.

Ri Isaiy 28:7

E c'o chi c'u niq'uiaj ri quebak'ot rumal ri u wa'l uva quepajlobic quebak'otilobic rumal ri k'obisam u wa'l uva: e cojol tabal tok'ob xukuje' e k'axal tzij quebak'otilobic cumal ri k'obisam u wa'l uva; queconir rumal ri u wa'l uva, quebak'otilobic cumal tak ri k'obisam u wa'l uva, quebak'otilobic aretak quequil c'utwächinic e k'abarelab aretak caquik'at tzij.

Ri Tit 1:7

Rajawaxic chi ri solinel quech ri comon cojonelab: jicom ri u c'aslemal, rumal rech chi cächacun pa ri jastak re ri Dios. Rajawaxic man xuwi ta cuban jas ri cäkaj chuwäch, man coyowar taj chanim, man cäk'abar taj, man ch'ayanel taj, man curayij ta qui banic t'orinel tak ch'äcoj,

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ri Miquey 3:5

Ri nu tinimit e u takem tak ri be ri man e are taj qui mac quech tak ri e k'axal tak tzij ri quesubuwic, ri caquibij chque ri quetzukuwic chi c'o jamaril jachin tak c'ut ri man cäcaj taj quequitzuku caquibij chque chi cäpe ri ch'o'j paquiwi'. Ri Ajawaxel cubij chque tak we e k'axal tak tzij ri':

Juyuwem 4:13

¡Ronojel u mac rech ri qui mac ri e k'axal tzij ri e c'o cuc', qui mac ri quetzelal tak ri e cojol tabal tok'ob, ri xquitix quic' kas chupam ri nimalaj tinimit ri man c'o ta u mac!

Ri Jeremiy 32:32

rumal ronojel ri c'axc'obenic ri qui banom chwe cumal tak ri itzel ri e qui banom ri tinimit aj Israel xukuje' ri tinimit aj Juda, xak junam qui banom tak ri e cajawinelab, ri e c'ämal tak qui be, ri e qui cojol tabal tok'ob, ri e k'axal tzij ri e c'o cuc' xukuje' conojel tak ri winak ri e c'o pa Juda xukuje' ri e c'o pa Jerusalen.

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Job 31:10

ri wixokil chux lok'om qui pataninel jule' chic apachique tak winak che k'oyol ruc'.

Ri Isaiy 57:17

U mac rech ri u mac ri Israel xinoyowar na jun k'ijol, xinc'äjisaj u wäch xintas wib chrij ri are' c'ut man xniman taj are xuban ri u chomanic pa rech wi.

Ri Jeremiy 14:18

Quinbe pa ri juyub, quebenwil ri cäminakib ri xecäm rumal ri ch'o'j; quinoc chupam ri tinimit, quebenwil ri winak cätajin quecäm rumal wi'jal. Xukuje' ne ri e k'axal tzij xukuje' tak ri cojol tabal tok'ob quebe pa jun ulew ri man etamatal taj.’ ”

Ri Jeremiy 17:11

Ri man ruc' ta suq'uilal cak'inomaric xak junam ruc' ri sakco'r ri cujupulej qui sakmol jule' chic. Quetiltit rakan u k'ab cuya' can ri u k'inomal, chuq'uisbalil xa' c'u jun con chic.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Ri Jeremiy 38:22

Conojel ri ixokib ri quecanaj chupam ri rachoch ri ajawinel re Juda quebesax na ulok quejach c'u na pa qui k'ab ri e qui nimal tak rajch'ojab ri ajawinel re Babilon, kas e are' c'ut caquibij na: ‘Ri sibalaj e utzalaj tak rachil ri ajawinel xecuin che u subic xquich'äc c'ut; xquiya' c'olbal chi xebik'taj ri rakan chupam ri xok'ol xquiya' c'u can ri uwo quij chuwäch.’ ”

Ri Jeremiy 42:1

Conojel ri e qui nimakil ri ajch'ojab, are' c'u jun ri Joanan, u c'ojol ri Carey, xukuje' ri Azariy, u c'ojol ri Osaiy, xukuje' conojel ri winak, chi ch'utik chi nimak,

Ri Miquey 2:4

Pa ri k'ij ri' quebixox tak na bix chiwe re juyuwem. Cäbix c'u na chiwe: ‘Q'uisnak tzij pakawi'; ri ka tinimit, ri rech ri Ajawaxel, u q'uexom rajaw ri man c'o ta c'u jachin ta cak'atinic; ri e kulew e qui jachom tak chquiwäch ri e ch'äcal tak kech.’ ”

Ri Habacuc 1:6

Quebentakchi'j ri aj caldeyib chi chewalij che u banic ch'o'j e winak wa' abaj canima', ri xak e suc'umatal che u binibexic ronojel ri uwächulew che qui tokixic tak ulew ri man e quech taj.

Ri Jeremiy 14:14

Are c'u ri Ajawaxel xutzelej u bixic chwe: We je caquibij wa' ri e k'axal tzij pa ri nu bi', xa' cätajin caquiban banoj tzij. In man e nu takom ta bic, mawi nu yo'm ta jun takanic chque mawi ta ne e nu tzijobem. Xa' e u cawäch tak k'alajisanic, subunelalaj tak c'utwächinic, xak pa qui jolom e q'uiyinak wi. E are tak wa' ri quequiya' quibixic we e k'axal tak tzij ri'.