Ri Jeremiy 7:3 - Quiché Bible

³ rech ri Ajawaxel ri c'o ronojel u cuinem, ri u Dios ri Israel: ‘Chibana' utz che ri i c'aslemal xukuje' chque tak ri e i banoj, quinya' c'u na chiwe chiquitakej jekelem chupam we ulew ri'.

Ri Jeremiy 7:3 Referans Kwoze

Ri Jeremiy 26:13

Chiwutzirisaj ri i c'aslemal xukuje' tak ri e i banoj, chixniman che ri Ajawaxel ri i Dios ri are' man quebutak ta c'u na ulok tak ri c'axc'ol ri e nu yo'm u bixic chiwe.

Ri Jeremiy 18:11

Chabij, ba', chque ri winak aj Juda xukuje' chque ri winak ri e c'o pa Jerusalen chi ri in, ri Ajawaxel, quinbij chiwe: ‘Nu bin chi cäpe ri etzelal piwi'; cätajin quinchomaj u c'äjisaxic i wäch. Xopan ba' ri k'ij chiya' ba' canok ri itzel be; chiwutzirisaj ri i c'aslemal xukuje' tak ri e i banoj.’

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ucab Ajawinelab 17:13

Ri Ajawaxel u yo'm chic u bixic chque ri aj israelib cumal conojel ri e k'axal tak tzij xukuje' cumal ri queca'y pa che' pa abaj chi chequiq'uexa' tak ri itzel tak qui be che qui tz'akatisaj c'ut qui banic tak ri e u takomal xukuje' conojel tak ri pixab re ri tijonic ri e u yo'm chque ri e qui mam cumal ri e pataninel tak rech ri e k'axal u tzij.

Ri Jeremiy 4:1

Ri Ajawaxel cujiquiba' u bixic: “We cawaj cattzelejic, Israel, wuc' in rajawaxic cattzelej wi. We quebinajtajisaj ri e xawebal tak e diosib chawe man catas ta c'u awib chwij,

Ri Jeremiy 18:8

We c'u ne we nim tinimit ri' cutanaba' u banic ri etzelal, man quintak ta chi c'u ulok ri c'äjisabal wächaj ri nu suc'umam u takic che'.

Ri Esdras 10:11

Rumal ri', waral, chuwäch ri Ajawaxel Dios re ri e i mam, china' iwib chi ri ix aj chak' tak ajmaquib chitz'akatisaj ba' u banic ri u rayibal ri Ajawaxel. Chinajtajisaj iwib chquij tak ri winak ri e k'ijilal tak diosib xukuje' chquij tak ri ixokib ri man e i winakil taj.”

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Ri Jeremiy 17:25

We je qui ban wa', amak'el e c'o tak ajawinelab ri' ri quet'uyi na puwi' ri u tem re ajawibal ri David queboc'ow c'u pa tak ri oquibal re we tinimit ri' pa tak carwaj ri e wiktalic xukuje' chquij tak quiej, ri achilatal cumal ri e cach tak takanelab xukuje' tak winak re Juda xukuje' tak re Jerusalen. Ri Jerusalen amak'el quec'oji' na winak chupam.

Ri Jeremiy 35:16

Ri e rija'lil ri Jonadab, u c'ojol ri Recab, quitz'akatisam ri takanic ri u yo'm ri e qui mam chque; man je ta c'u u banom, ri tinimit man nimaninak ta chwe.