Ri Jeremiy 7:26 - Quiché Bible

²⁶ Are c'u ri ix man xixniman ta chwe mawi xiya' ta i xiquin chwe, xane' sibalaj xitacarisaj na iwib chquiwäch ri e i mam.

Ri Jeremiy 7:26 Referans Kwoze

Ri Jeremiy 16:12

Are chi c'u ri ix xoc'ow chi na u wi' ri etzelal ri xebiban chquiwäch ri xequiban ri e i mam, chi jujunal c'ut are i takem ruc' taquil ri itzelalaj u chomanic ri ranima' man c'u e nimaninak ta chwe.

Ucab Tzijobelil 30:8

Are c'u ri camic, mixux tak tacatak e jacha' ri e i mam; chilica' ri i k'ab che ri Ajawaxel che u q'uexic ri c'ulwächinic ri i banom ruc' tisaj chupam ri u k'ijilabal, ri kas xa' jumul u tasom. Chipatanij ri Ajawaxel ri i Dios, cutanaba' c'u na ri oyowarem iwuc'.

Ri Matey 23:32

¡Chiq'uisa' ba' u banic ri xquichaplej ulok qui banic ri e i mam!

Ri Jeremiy 19:15

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Quebentak na ulok che we tinimit ri' xukuje' chque conojel ri c'ulja tak tinimit conojel ri c'äjisabal tak wächaj ri nu yo'm u bixic chque, quitacarisam c'u quib rech man quequinimaj taj ri nu tzij.’ ”

Ri Jeremiy 17:23

Man xquiya' ta c'u qui xiquin chwe mawi xinquinimaj, xane' xebux täc man xcaj ta c'ut xenimanic mawi xc'äj qui wäch.

Ri Jeremiy 7:24

Man c'u xeniman ta chwe mawi xquiya' ta qui xiquin chwe, xane' ruc' taquil xquiya' quib xec'am bic rumal ri itzel u chomanic ri canima'. Che u q'uexwäch ri xetzelej ta wuc', are xquiya' can ri quij chnuwäch.

Romanos 2:5

Co c'u ri awanima', man caq'uex ta ri a c'u'x. Rumal ri', aretak cäpe ri royowal ri Dios paquiwi' ri winak, xukuje' cäpe na chawij at. Jewa' cäban na chawe aretak cäk'alajisax ri suc'alaj u k'atoj tzij ri Dios.

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

Ri Matey 21:38

Ri ajchaquib c'ut, aretak xquil ri kas u c'ojol ri cajaw, xquibij: ‘Are wa' ri quechben na ri ulew; tisaj, chkacämisaj. Jeri' cujcanaj can ri uj puwi' ri rechbal.’

Ri Daniel 9:6

Man xkaya' ta ka xiquin chque tak ri e k'axal tzij la ri e pataninel tak ech la, ri xequich'abej ri kajawinelab pa ri bi' la, c'amal tak be, xukuje' ri e ka mam, xukuje' ronojel ri tinimit Israel.

Ri Jeremiy 44:16

“Man catkatatabej taj che ri cabij chke pa ri u bi' ri Ajawaxel.

Ri Jeremiy 34:14

chi chuwukutak junab chequitzokopij apachique aj hebrey ri u c'ayim rib cuc' ri e u patanim chic wakib junab. E are' tak c'ut ri e i mam man xquiya' ta qui xiquin chwe mawi xeniman ta chwe.

Ri Jeremiy 29:19

Rumal rech chi man xquiya' ta qui xiquin chque tak ri pixbenic ri xinban chque cumal ri e pataninelab wech ri e k'axal tak tzij, ri xibentak ulok quieb oxib mul chiwe, man c'u xiwaj taj xebitatabej. In, ri Ajawaxel, quinjiquiba' u bixic.

Ri Jeremiy 26:5

mawi chiquiya' qui xiquin chque tak ri e qui pixbenic tak ri e pataninelab wech ri e k'axal tak nu tzij, ri quieb oxib mul e nu takom ulok chiwe ri mawi c'u ne ix nimaninak ta chque,

Ri Jeremiy 25:7

Are c'u ri camic cubij ri Ajawaxel: ‘Man i yo'm ta c'u i xiquin che ri nu bim chiwe; quiyac woyowal rumal ri quik'ijilaxic diosib ri xak ix ix banowinak, che c'ut ri kas iwetzelal.’

Ri Jeremiy 25:3

“Kas pa ri junab oxlajuj ri rajawinic ri Josiy, u c'ojol ri Amon, pa Juda, c'ä camic, ri u bixic, juwinak oxib junab wa', ri Ajawaxel xinuch'abej, are c'u ri in ix nuch'abem jumul xukuje' camul; are c'u ri ix man i yo'm ta i xiquin chwe.

Ri Jeremiy 11:8

Man xeboc ta il che ri xinbij chque mawi xeniman chwe, xane' xquiya' quib xec'am bic rumal ri tacalaj u chomanic ri canima'. Man xcajtaj xquitz'akatisaj ta ronojel ri takanic ri nu yo'm chque, xinban c'ut chi xepe ri c'äjisabal wächaj ri e yo'm qui bixic chupam ri c'ulwächinic.’ ”

Ri Jeremiy 6:17

Ri Ajawaxel xebucoj yuxlenelab, xubij c'u che ri tinimit: “Chixoc c'u il che u tatabexic ri cäbix chiwe.” Xubij c'u ri tinimit: “Man cujoc ta il che u tatabexic.”

Ri Isaiy 48:4

Weta'm c'ut chi sibalaj at tac, chi sibalaj at co jacha' ri ch'ich', man catk'usk'ub ta jacha' ri kan ch'ich',

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

Ri Nehemiy 9:29

Xcoj chuk'ab la che u bixic chque chi chequitz'akatisaj chi jumul qui banic tak ri pixab la; e are c'ut ri e are' xquicojo chi man c'o ta cajwataj chque man xeboc ta c'u il che qui nimaxic tak ri e takomal la; man nim ta c'u xequil wi ri e tz'ibam tak wi ri e pixab la, ri quequiya' c'aslemal chque ri quebanowic; man xetan ta tzij e c'osc'obinak, man xeboc ta c'u il.

Ucab Tzijobelil 33:10

Ri Ajawaxel xutzijobej ri Manases xukuje' ri u tinimit, man c'u xquiya' ta qui xiquin che ri xubij chque.

Ucab Ajawinelab 17:14

Man c'u xquinimaj taj ri xbix chque, xane' sibalaj e taquib e jacha' ri e qui mam, ri man xquicu'ba' ta qui c'u'x chrij ri Ajawaxel ri qui Dios;

Ri Isaiy 5:4

¿La c'o ta c'u lo ri rajawaxic xinban ta na che ri nu ticbal uva? ¿La c'o ta c'u lo jun jasach ri ma ta xinban che? In weye'm chi xuya' ta qui'laj tak uva, ¿jas c'u che c'aylaj tak uva xuya'?

Ri Jeremiy 5:3

Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Ri Jeremiy 6:10

Ri in xintzelej u bixic: “¿Jachin ta ri quintatabenic, we queben tzijobej quinya' c'ut we tzijol ri chque? E tz'apital ri qui xiquin, Ajawaxel, man c'u quecuin taj quetatabenic; xa' caquitze'j u wäch ri tzij la, man cäkaj ta chquiwäch.

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 35:17

Rumal ri' in, ri Ajawaxel ri c'o ronojel u cuinem xukuje' u Dios ri Israel, quinbij: Quenbana' chi quekaj puwi' ri Juda xukuje' paquiwi' ri winak ri e c'o pa Jerusalen conojel ri c'axc'ol ri nu yo'm u bixic chi cäpe paquiwi'. Ix nu tzijobem c'ut, are c'u ri ix man xiwaj taj xitatabej taj ri xinbij chiwe; ix nu siq'uim, are c'u ri ix man c'o ta jas i tzelem ta u bixic chwe.’ ”

Ri Ezequiel 20:30

Chabij che ri tinimit Israel: ‘Are wa' cubij ri Ajawaxel: ¿Jasche quiwaj ix qui tz'iloj iwib je jas ri xquiban ri ojer tak i man? ¿Jasche man jic taj quixbin chnuwäch quebik'ijilaj c'ut ri e diosib ri e xojibal?

Ri Zacariy 7:11

Are c'u ri tinimit xuk'il rib man xraj taj xnimanic. Conojel are xquiya' ri quij xquiban quib chi man queta'm taj.

Ri Malaquiy 3:7

“Ri ix e i tasom iwib chquij tak ri e nu takanic, jacha' ri u tasic tak quib ri e i mam, man c'u xiwaj taj qui nimaxic. In, ri Ajawaxel ri c'o ronojel u cuinem, quinbij chiwe: ¡Chixtzelej wuc', xukuje' ri in quintzelej iwuc'! Are c'u ri ix je quibij wa': ‘¿Jas ta c'u che cujtzelej na uc' la?’

U Camulixic ri Pixab 8:20

Je, jacha' ri cubana' na ri Ajawaxel che u sachic qui wäch ri nimak tak tinimit ri e c'o pa ri ulew ri quixopan wi, jewa' xukuje' ri u sachisaxic i wäch ix, rech chi man ix nimaninak ta che ri Ajawaxel ri i Dios.”

Nabe Ajawinelab 14:9

ri at sibalaj at itzel na chquiwäch ri xec'oji' can nabe chawäch; at, che u yaquic woyowal, e a banom jule' tak diosib chic wächbal tak re räx ch'ich' ri e tzacom pa k'ak', awetzelam c'u nu wäch.

Nabe Ajawinelab 14:22

Ri e u banoj tak ri Roboam e itzel chuwäch ri Ajawaxel, are c'u c'o na ri oyowal ri xquiya' che chquiwäch conojel ri macaj ri xequiban ri e u mam,

Ucab Ajawinelab 17:15

man nim ta xequil tak wi ri e u pixab, xukuje' ri c'ulwächinic ri xuban cuc' ri e qui mam, xukuje' tak ri takanic ri e u yo'm tak chque. Xeteri c'u chquij tak diosib ri man c'o ta jubik' qui cuinem, ri cumal c'u wa' xequitzak ri qui cuinem, are c'u xquiban quech jas ri xquiban tak ri winak ri e c'o che qui c'ulja, ri u bim ri Ajawaxel chque chi man cäquiban taj.

Ucab Tzijobelil 33:23

Man c'u xumach'irisaj ta rib chuwäch ri Ajawaxel, jacha' ri xuban ri Manases ri u tat, xane' xebumulij q'ui macaj puwi'.

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Ri Jeremiy 9:13

Ri Ajawaxel cutzelej u bixic: “Ronojel wa' xc'ulmatajic rumal rech chi ri aj israelib xequixutuj canok ri pixbenic ri xebenya' chque; man xeniman ta chwe mawi xequiban ri xinbij chque.

Ri Jeremiy 22:21

In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Ezequiel 12:2

“At, winak, at jekel chuxo'l jun tinimit ri man ch'abexic ta cäraj. E c'o qui bak'wäch che ca'yenic man c'u queilon taj; xukuje' e c'o qui xiquin che tanic, man c'u quetan taj, e jun tinimit c'ut ri man e tal ta tzij.

Ri Ezequiel 12:3

Rumal ri' chasuc'umaj ri rajawaxic u c'amic bic che ri awelic bic pa jun tinimit chic, catz'inow ri k'ij xukuje' chquiwäch conojel, chatel bic pa ri a wachoch jät c'u pa jun c'olbal chic; craj ne caquich'ob quib chi e jun tinimit ri man e tal ta tzij.

Ri Osey 11:7

Ri nu tinimit u takem u najtajisaxic rib chnuwäch; caquirak qui chi' chicaj, man c'o ta c'u jachin ta cäyo'w ta ri to'banic chque.