Ri Jeremiy 7:25 - Quiché Bible

²⁵ Kas aretak xebel ulok ri e i mam pa Ejipt c'ä camic, in e nu takom ulok chiwe, jun chrij jun chic, conojel ri e pataninelab tak wech ri e k'axal nu tzij.

Ri Jeremiy 7:25 Referans Kwoze

Ri Jeremiy 25:4

Xebutak c'u ulok ri Ajawaxel iwuc' conojel ri e pataninelab tak rech ri e k'axal u tzij, man xebitatabej ta c'ut mawi xebiya' ri i xiquin che qui tatabexic.

Ucab Tzijobelil 36:15

Ri Ajawaxel, ri qui Dios ri e qui mam, amak'el xutak u bixic chque cumal tak ri e u tako'n jas ri rajawaxic u banic cumal, rumal rech chi quel u c'u'x che ri u tinimit xukuje' che ri u c'olbal ri u jekelibal.

Ri Ezequiel 2:3

xutakej u bixic chwe: “At, winak, catintak bic cuc' ri aj israelib, jun tinimit ri man nimanel taj ri e c'ulelaninak chwe. Ri e are', xukuje' ri e qui mam quiwalijisam quib chwij c'ä je c'u ne c'ä pa ri k'ij camic.

Ri Jeremiy 7:13

Pune' c'u jumul xukuje' camul nu yo'm u bixic ri i c'aslemal chiwe, ri ix man i wajwam ta nu nimaxic, mawi c'u ne c'o jas i tzelem u bixic chwe. In, ri Ajawaxel, quinjiquiba' u bixic.

Ri Nehemiy 9:26

Man c'u xeniman taj, xquiwalijisaj quib chij la, xquetzelaj u wäch ri pixab la, xequicämisaj tak c'ut ri e k'axal tak tzij la, ri xequitzujuj tak chisak xquibij c'u chque chi chetzelej uc' la, xequiban c'u nimak tak macaj chwäch la.

Ri Nehemiy 9:30

Q'ui junab c'ut xecoch' la, xepixbej c'u la rumal ri uxlabal la, xukuje' cumal tak ri e k'axal tak tzij la; man c'u xeboc ta il, rumal ri' xejach la pa xquicowirisaj c'u quib qui k'ab tak ri nimak tak tinimit ri e c'o cho ri uwächulew.

Ri Esdras 9:7

Kas ojer ulok xukuje' c'u c'ä camic, uj jekelinak pa ri nimalaj macaj. Qui mac c'u quech tak ri ketzelal, ri uj, jacha' xukuje' tak ri e kajawinelab xukuje' tak ri e cojol tabal tok'ob uj jachom pa qui k'ab tak ri ajawinelab que jule' tak tinimit chic. Uj socom, uj jabum, uj tolobam etzelam c'u ka wäch, je c'u ka c'ulmam wa' camic.

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

Ri Lucax 11:49

Rumal ri', ri Dios pa ri u no'j, xubij: ‘Quebentak na bic k'axal tak tzij xukuje' e takom. Jujun chque quequicämisaj na, jujun quecokataj na.’

Ucab Tzijobelil 24:19

Ri Ajawaxel xebutak c'u ne ulok k'axal tak tzij chque rech caquibano chi quetzelej ruc'. Man xquiya' ta c'u qui xiquin ri winak chque ri qui pixbenic tak ri k'axal tak tzij.

Ri Isaiy 5:4

¿La c'o ta c'u lo ri rajawaxic xinban ta na che ri nu ticbal uva? ¿La c'o ta c'u lo jun jasach ri ma ta xinban che? In weye'm chi xuya' ta qui'laj tak uva, ¿jas c'u che c'aylaj tak uva xuya'?

Ri Jeremiy 11:7

Aretak xebenwesaj ulok pa Ejipt ri e i mam, xinban u bixic chque chi xuwi ta ne che niman chwe, kas c'u ojer ulok c'ä camic nu takem ulok u bixic chque.

Ri Jeremiy 25:3

“Kas pa ri junab oxlajuj ri rajawinic ri Josiy, u c'ojol ri Amon, pa Juda, c'ä camic, ri u bixic, juwinak oxib junab wa', ri Ajawaxel xinuch'abej, are c'u ri in ix nuch'abem jumul xukuje' camul; are c'u ri ix man i yo'm ta i xiquin chwe.

Ri Jeremiy 29:19

Rumal rech chi man xquiya' ta qui xiquin chque tak ri pixbenic ri xinban chque cumal ri e pataninelab wech ri e k'axal tak tzij, ri xibentak ulok quieb oxib mul chiwe, man c'u xiwaj taj xebitatabej. In, ri Ajawaxel, quinjiquiba' u bixic.

Ri Jeremiy 35:14

Ri e rija'lil ri Jonadab, u c'ojol ri Recab, qui tz'akatisam u banic ri takanic ri xuya' chque chi macuq'uiaj u wa'l uva, xukuje' c'u c'ä pa ri k'ij camic man cäcuq'uiaj taj rumal rech chi qui nimam ri u takanic ri e qui mam. In xukuje' e nu yo'm tak takanic chiwe ri man e ajilatal taj, man c'u in i nimam taj.

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 44:4

Q'uimul c'ut xebentak ri pataninel tak wech ri e k'axal tak tzij rech quequibij chiwe chi man quebiban taj we jastak ri' ri man cuyatajel taj ri e itzel quebenwilo.

Ri Osey 12:10

In xebentzijobej ri e k'axal tak nu tzij xeben q'uiyirisaj ri e cajilabal ri e qui c'utwächinic, cumal tak wa' xebenbij c'ambal tak no'j.

Ri Amos 2:11

Man cuya' ta c'ut quiwesaj iwib chupam, aj israelib chi chixo'l ix jujun chiwe xebenban che e k'axal nu tzij jujun chi c'ut aj nazareyib.” Ri Ajawaxel cujiquiba' u bixic.

Ri Malaquiy 3:7

“Ri ix e i tasom iwib chquij tak ri e nu takanic, jacha' ri u tasic tak quib ri e i mam, man c'u xiwaj taj qui nimaxic. In, ri Ajawaxel ri c'o ronojel u cuinem, quinbij chiwe: ¡Chixtzelej wuc', xukuje' ri in quintzelej iwuc'! Are c'u ri ix je quibij wa': ‘¿Jas ta c'u che cujtzelej na uc' la?’

Ri Osey 11:7

Ri nu tinimit u takem u najtajisaxic rib chnuwäch; caquirak qui chi' chicaj, man c'o ta c'u jachin ta cäyo'w ta ri to'banic chque.