Ri Jeremiy 7:23 - Quiché Bible

²³ Are c'u ri takanic ri xinya' chque are wa' chi che niman chwe; we c'u je cäquiban wa' quincanaj ri' che qui Dios are c'u ri e are' quecanaj ri' che nu tinimit. Xinbij c'u chque chi je chiquibana' jacha' ri takanic ri xinya' chque, rech utz caquitaklebej.

Ri Jeremiy 7:23 Referans Kwoze

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

U Camulixic ri Pixab 5:33

Chitakej ri be ri u c'utum ri Ajawaxel ri i Dios chiwäch, rech utz quixelic, quixc'asi' c'u na q'ui junab cho ri ulew ri cuya' na chiwe che iwechbal.”

Ri Jeremiy 42:6

We cäkaj chkawäch o man cäkaj taj ri cutzelej u bixic, cäkanimaj na ri Ajawaxel ri ka Dios, ri ka tz'onon chawe chi chatch'aw pakawi' ruc', rech utz cujelok.”

Hebreos 5:9

Tz'akatirinak chi c'ut, xux junalic colol quech conojel ri queniman che.

U Camulixic ri Pixab 6:3

Aj israelib, chixoc ba che qui nimaxic we pixab ri'. Utz c'u quixel na, quixux na jun tinimit re e q'uia winak pa we ulew ri' ri cätixin wi leche xukuje' juyubal räx cab jacha' ri ja', jas ri u bim ri Ajawaxel ri qui Dios ri e i mam.

U Camulixic ri Pixab 30:20

chilok'ok'ej ba ri Ajawaxel ri i Dios, chixniman che, chixux jic chuwäch, pa u k'ab c'ut c'o wi ri c'aslemal xukuje' are cäyo'w chiwe chi quixc'asi'c q'ui junab pa ri ulew aretak xuban ri chi'nic ri kas cäban na chi cuya' che ri Abraham, ri Isaac xukuje' ri Jacob, ri e i mam.”

U Camulixic ri Pixab 13:4

Chiterenej ri Ajawaxel ri i Dios, xuwi ri are' nim chiwila' wi, chixoc che quinimaxic tak ri e u takomal, chinimaj ri cubij, chiya' c'u k'ijilanic che, chijunaj c'u iwib ruc'.

Ri Jeremiy 11:4

Are ri c'ulwächinic ri xinban cuc' ri e qui mam aretak xebenwesaj ulok pa Ejipt, ulew ri je ta ne jun jorno re porobal ch'ich' chque. Xinbij chque: chixniman chwe, chibana' ronojel ri quixintak wi are c'u ri ix quixux c'u na nu tinimit are c'u ri in quinux na i Dios.

U Camulixic ri Pixab 5:29

¡C'o ta banom wi chi je ta quechoman wa' amak'el, nim ta quinquil wi, queniman ta che ri nu takomal conojel tak ri k'ij, rech ri e are' xukuje' ri e calc'ual cäc'oji' jun utzalaj qui c'aslemal!

2 Corintios 10:5

xukuje' ronojel banoj nimal ri cucoj u chuk'ab chi ma ta quetamax u wäch ri Dios. Ronojel chomanic aj winak cäkaya' xe' rakan u k'ab ri Crist, rech caniman che are'.

U Camulixic ri Pixab 30:2

we c'u quixtzelej ruc' ri Ajawaxel, quixniman che ruc' ronojel iwanima' xukuje' ruc' ronojel ri i c'aslibal ri ix xukuje' tak ri e iwalc'ual, quiban c'ut jas ri takanic ri nu yo'm chiwe camic,

Ri Jeremiy 11:7

Aretak xebenwesaj ulok pa Ejipt ri e i mam, xinban u bixic chque chi xuwi ta ne che niman chwe, kas c'u ojer ulok c'ä camic nu takem ulok u bixic chque.

U Camulixic ri Pixab 30:8

Ri ix quixtzelej chi na ruc' ri Ajawaxel, quixniman c'u na che, quebiban c'u na conojel ri e u takomal ri quixintak che qui banic camic.

Romanos 16:26

K'alajisam chi c'u camic rumal ri qui tz'ibam can ri k'axal tak u tzij ri Dios, jas ri u takanic ri junalic Dios, ri quetamam conojel ri nimak tak tinimit rech quecojon che ri u tzij xukuje' cäquinimaj.

U Camulixic ri Pixab 4:10

“Pa ri k'ij aretak ri ix xixc'oji' chuwäch ri Ajawaxel ri i Dios chuxe' ri juyub Horeb, ri Ajawaxel xubij chwe: ‘Chebamulij conojel ri winak rech cäquitatabej ri nu tzij, cäquetamaj c'u u ya'ic nu k'ij conojel ri k'ij rech ri qui c'aslemal, chequitijoj c'ut ri calc'ual chi je chquibana'.’

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

U Camulixic ri Pixab 11:27

Tewichibal, we quixoc che qui nimaxic ri u takomal ri Ajawaxel ri i Dios ri ix nu takom che camic.

U Camulixic ri Pixab 5:16

Nim chawila' wi ri a tat xukuje' ri a nan, jacha' ri at u takom wi ri Ajawaxel ri a Dios, rech naj catc'asi' na xukuje' utz c'u catel na pa ri ulew ri cuya' na ri Ajawaxel ri a Dios chawe.

Elem 16:32

Xubij c'u ri Moises chque: “Are wa' ri takanic ri u yo'm ri Ajawaxel. ‘Chinojisaj jun pajbal re quieb tzima (2 litro) che jaswa', chic'olo' che u c'utic chquiwäch ri e u wi' tak i mam, rech caquetamaj u wäch ri wa ri xintzukbej iwe pa ri chaki'j uwo sak aretak xixinwesaj ulok pa Ejipt.’ ”

Nabe Samuel 15:22

Xubij c'u ri Samuel: “Are c'u sibalaj cäkaj na chuwäch ri Ajawaxel chi cänimaxic, che u q'uexwäch ri qui chi'xic tabal tak tok'ob xukuje' tak tabal tok'ob ri quechajirisaxic; are nim na u banic ri u nimaxic xukuje' ri u ya'ic xiquinaj che ri cubij che u q'uexwäch ri qui chi'xic tabal tak tok'ob xukuje' ri qui xepoyil tak ri chij.

Salmib 40:6

Man caquicot ta la cuc' ri tabal tak tok'ob aj awaj aj c'äj, mawi e tz'onon ta la tabal tak tok'ob ri quechajirisaxic, mawi tak sipanic che resaxic ri macaj. E tek'om c'u la ri e nu xiquin.

Salmib 81:13

¡We ta xinutatabej ri nu tinimit! ¡we ta ri Israel xebutakej ta ri e nu be,

Ri Isaiy 3:10

Utz re ri suc'alaj winak, utz c'u quel na, cäquicot na ruc' ri u wächinic ri u chac.

Ri Jeremiy 13:11

Je jas ri cuban jun, co cuxim ri pas xe' u pam, je xinban wa' che ronojel ri tinimit Israel xukuje' ronojel ri tinimit ri Juda sibalaj xeben nuc' chwe, rech xebux ta nu tinimit xquiya' ta c'u u tzijol ri nu bi', xebux ta c'u nimarisabal nu k'ij xukuje' nu juluwem. Man c'u xeniman ta chwe. In, ri Ajawaxel Dios, quinjiquiba' u bixic.”

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Jeremiy 24:7

Quinya' quetamanic rech caquich'obo chi in ri' ri Ajawaxel, e are' c'ut ri nu tinimit in c'ut ri in qui Dios, rumal rech chi ruc' ronojel canima' quetzelej na wuc'.

Ri Jeremiy 38:20

Ri Jeremiy xutzelej u bixic che: “Man cäkaj ta na la pa qui k'ab wa'. Bana' la jun tok'ob nimaj la, ri cubij ri Ajawaxel, ri nu yo'm u bixic che la, utz c'u quel na la cäto'tajisaj c'u ri c'aslemal la.

Ri Soponiy 3:2

Man xutatabej taj ri u ch'abal ri Ajawaxel man xujiquiba' ta u c'u'x chrij, man xutzucuj taj ri u Dios.

Ri Zacariy 6:15

Quepe na winak ri naj quepe wi, rech quebeltob che u banic ri rachoch ri Ajawaxel; c'äte c'u ri quich'ob na ix chi are' ri Ajawaxel ri c'o ronojel u cuinem are' ri xintakow ulok. Wa' quec'ulmatajok aretak ri ix chitatabej ri u ch'awebal ri Ajawaxel ri i Dios chixniman c'u che.

Ri Zacariy 7:7

¿La xa' ma ta e are' junam tak tzij wa' ri xuya' u bixic ri Ajawaxel cumal ri ojer tak e k'axal tzij, aretak ri Jerusalen c'o pa jamaril nojinak c'u chque winak, xukuje' tak c'u e qui banom ri tinimit tak ri e c'o tak che u c'ulja xukuje' tak ri rulewal ri Negueb xukuje' ri lianic?

U Camulixic ri Pixab 4:40

Chixoc ba che qui nimaxic ri u pixab, xukuje' tak ri e u takomal ri quinya' chiwe pa we k'ij ri', utz c'u quixel na xukuje' tak ri e iwija'lil, q'ui junab c'ut quixc'asi' na pa ri ulew ri cuya' na ri Ajawaxel ri i Dios chiwe kas xa jumul.”

U Camulixic ri Pixab 13:5

Are c'u we k'axal tzij ri', o ri quec'utun jastak chuwäch, cac'okox na che cämical u mac rech chi xucoj i c'u'x che u tasic iwib chrij ri Ajawaxel ri i Dios ri xixutor chupam ri pataninic ri xixc'oji' wi pa Ejipt, xukuje' rumal rech chi xucoj u chuk'ab chiwe chi qui yacan ri be ri ix u takom ri Ajawaxel ri i Dios chi qui takej. Je quiban wa' che u sachic u wäch ri etzelal ri cac'oji' chixo'l.

Ri Job 36:11

We caquinimaj ri cubij chque queboc c'u che u patanixic, utz quebel na. Caquirik na utzil pa ronojel ri qui c'aslemal ri petinak chquiwäch.

Salmib 119:3

ri man c'o ta jun etzelal caquibano, ri quitakem ri u be ri Ajawaxel.

Ri Jeremiy 22:21

In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.