Ri Jeremiy 7:22 - Quiché Bible

²² Aretak c'u xebenwesaj ulok ri e i mam pa Ejipt, man c'o ta jas xinbij chque mawi xinya' takanic chi quecoj tabal tok'ob ri quechajirisaxic mawi tabal tak tok'ob.

Ri Jeremiy 7:22 Referans Kwoze

Ri Osey 6:6

Ri quinwaj chiwe chi quinilok'ok'ej, man are ta quinwaj chi quebiya' tabal tak tok'ob chnuwäch; chi qui ch'ob nu wäch chi in jacha' Dios chque, man are ta c'ut chi quichi'j ta tabal tak tok'ob chnuwäch ri quechajirisaxic.

Nabe Samuel 15:22

Xubij c'u ri Samuel: “Are c'u sibalaj cäkaj na chuwäch ri Ajawaxel chi cänimaxic, che u q'uexwäch ri qui chi'xic tabal tak tok'ob xukuje' tak tabal tok'ob ri quechajirisaxic; are nim na u banic ri u nimaxic xukuje' ri u ya'ic xiquinaj che ri cubij che u q'uexwäch ri qui chi'xic tabal tak tok'ob xukuje' ri qui xepoyil tak ri chij.

Ri Matey 9:13

Jix chiwetamaj ri quel cubij we tz'ibatalic ri': ‘Ri quinwaj are' chi quel i c'u'x, ma are ta ri qui chi'xic tabal tak tok'ob.’ Man in petinak taj che qui siq'uixic ri e suc', xane' ri ajmaquib, rech cäquiq'uex qui c'u'x.”

Salmib 40:6

Man caquicot ta la cuc' ri tabal tak tok'ob aj awaj aj c'äj, mawi e tz'onon ta la tabal tak tok'ob ri quechajirisaxic, mawi tak sipanic che resaxic ri macaj. E tek'om c'u la ri e nu xiquin.

Marcos 12:33

Kastzij ri bim la, chi we jun culok'ok'ej ri Dios ruc' ronojel ri ranima', ruc' ronojel ri retamanic, xukuje' ruc' ronojel ri u chuk'ab, xukuje' culok'ok'ej ri rajil u tz'akat je jas jun culok'ok'ej rib, are nim na qui k'ij chquiwäch conojel ri sipanic ri queporox che tabal tok'ob puwi ri porobal.”

U Camulixic ri Pixab 17:3

quebuk'ijilaj jule' tak diosib chic, cäxuqui' c'u chquiwäch, we chuwäch ri k'ij, ri ic', o ri ch'imil tak, jun jasach ri man takaninak ta wi ri Ajawaxel.

Ri Jeremiy 32:30

Kas pa ri chaplebal, ri tinimit Israel xukuje' ri tinimit Juda qui banom ulok amak'el ri man cäkaj ta chnuwäch; ri aj israelib man qui tanabam ta u yaquic woyowal cumal tak ri diosib ri kas e are' xebanow chque. In, ri Ajawaxel Dios, quinjiquiba' u bixic.