Ri Jeremiy 7:11 - Quiché Bible

¹¹ ¿La are c'u pa i c'u'x chi we wachoch ri' ri are nu c'olbal are jun qui pec eläk'omab? In wilom ronojel wa'. In, ri Ajawaxel, quinjiquiba' u bixic.

Ri Jeremiy 7:11 Referans Kwoze

Ri Isaiy 56:7

ri in quebenc'am na ulok chupam ri tastalicalaj nu juyub, quinban na chque chi cäquirik utzil pa ri wachoch re ch'awem wuc'. In quebenc'amowaj na puwi' ri nu porobal ri e qui tabal tak tok'ob ri quechajisaxic xukuje' niq'uiaj tabal tak tok'ob chic, cäk'alajisax c'u na ri wachoch chi ja re ch'awem ruc' Dios chque conojel tak ri tinimit.

Ri Matey 21:13

Xubij chque: “Tz'ibatal c'ut: ‘Ri wachoch u binam ja re ch'awem ruc' Dios’. Ri ix c'ut qui jul eläk'omab i banom che.”

Marcos 11:17

Xebutijoj, xubij chque: “¿La ma ta tz'ibatalic: ‘Ri wachoch cäbix na ja re ch'awem ruc' Dios che cumal conojel ri nimak tak tinimit?’ Ri ix c'ut i banom qui c'olbal eläk'omab che.”

Ucab Tzijobelil 6:33

chatatabej la ulok kas chicaj, kas pa ri c'olbal ri lal jekel wi, chya' c'u la che ronojel ri cutz'onoj che la, rech quetamax wäch la cumal conojel ri winak ri e c'o cho ri uwächulew chiquiya' c'u k'ij la jas ri cuban ri tinimit la Israel, chuch'obo' c'ut chi cänatax ri bi' la chupam we achoch la ri' ri nu yacom che la.

Ri Xuan 2:16

Xubij chque ri ajc'ay tak palomax: “Chiwesaj bic wa' waral. Miban c'u ja re c'ayibal che ri rachoch ri nu Tat.”

Ri Jeremiy 23:24

¿Jachin ta lo ri cäcuinic cuc'u' ta rib chquiwäch ri nu bak'wäch? Ruc' ri nu wächbalil quinnojisaj ri caj xukuje' ri ulew. In ri Ajawaxel quinjiquiba' u bixic.

Hebreos 4:13

Man c'o ta jun jasach banom ta cho ri uwächulew c'u'm ta chuwäch ri Dios. Conojel ri jastak e ch'anach'oj xukuje' e k'alaj chuwäch ri u bak'wäch ri Jun ri cäkabij wi na jas ri ka banom.

Ri Jeremiy 29:23

U mac rech chi xquiban etzelal pa Israel: xekaj pa tak mac cuc' tak ri quixokil ri cajil quitz'akat, xequibij c'u jastak pa ri nu bi' ri xa' e banoj tak tzij ri man xebentak ta che qui bixic. In, ri Ajawaxel, quinjiquiba' u bixic.’ ”

Ri Jeremiy 2:34

Tz'ajtajinak ronojel ri awatz'iak cumal ri qui quiq'uel ri mebayib ri man c'o ta qui mac, quech winak ri man xebarik taj ri cätajin ta caquiban jun il.

Ri Jeremiy 7:10

chwi chi c'u wa' quixpe chupam we wachoch ri' ri tasom chwe, che u tac'abaxic iwib chnuwäch. Are c'u pa i c'u'x chi man c'o ta quic'ulmaj waral; are c'u pa i c'u'x chi quixcuinic quitakej qui banic ri jastak ri man quebencoch' taj.

Ri Ezequiel 35:13

Xajak ri a chi' xinatzuru, xtzokopitaj ri awak' che nu yok'ic. In xinto.

Ri Isaiy 1:12

Ri ix quixelc'ol chnuwäch, ¿jachin c'u xbin chiwe chi quixpe che u tac'alexic ri uwo wachoch?

Ri Daniel 9:18

Choc la il, nu Dios, xukuje' chätataben la; utz u ca'yexic bana' la ri ketzeletajic xukuje' ri tinimit la ri cänatax wi ri bi' la. Man quekaban ta ri ka bochi'nic che la rumal rech chi ka jiquiban ka c'u'x chrij ri u suq'uilal ri ka c'aslemal, xane' chrij ri nimalaj elebal c'u'x la.