Ri Jeremiy 7:10 - Quiché Bible

¹⁰ chwi chi c'u wa' quixpe chupam we wachoch ri' ri tasom chwe, che u tac'abaxic iwib chnuwäch. Are c'u pa i c'u'x chi man c'o ta quic'ulmaj waral; are c'u pa i c'u'x chi quixcuinic quitakej qui banic ri jastak ri man quebencoch' taj.

Ri Jeremiy 7:10 Referans Kwoze

Ri Jeremiy 32:34

C'ä cawasim ne ri wachoch ri tasom chwe, e quicojom chila' ri e qui diosib ri e xawebal.

Ri Ezequiel 23:39

Kas pa ri k'ij aretak xequiya' ri cal che tabal tok'ob che u ya'ic qui k'ij tak ri e diosib, xepetic xeboc chupam ri tastalicalaj wachoch xquitz'iloj c'ut. ¡Are wa' ri qui banom, chupam ri kas wachoch!

Ri Ezequiel 23:37

We ixokib ri' e uxinak man e jic taj chwe e tz'ajtajinak ri qui k'ab che quic'. E uxinak man e jic taj quequik'ijilaj tak ri e diosib. Che c'u u ya'ic qui k'ij e qui kawisam tak ri kas e calc'ual pa ri k'ak', ri e nu c'ojol tak ri e walc'ualam cuc'.

Ri Jeremiy 34:15

Are c'u ri ix xiq'uex ri i chomanic, i banom c'ut ri cäkaj chnuwäch, aretak xebitzokopila' tak ri e i winakil jacha' lok'om tak pataninelab. Xiya' c'u i tzij che u banic jun c'ulwächinic ri banom chnuwäch, chupam ri wachoch ri tasom chwe.

Ri Jeremiy 7:30

Ri Ajawaxel cujiquiba' u bixic: “Ri winak aj Juda c'o ri u banom ri yacowinak woyowal xebequiya' ri xawebalalaj tak e qui diosib chupam ri wachoch ri banom che nu c'olbal, xcawasij c'ut.

Ri Jeremiy 7:14

Rumal ri', junam jas ri xinban che ri k'ijilabal aj Sil, je quenbana' che we rachoch Dios ri' ri are nu c'olbal, ri xinjach pa i k'ab xukuje' pa qui k'ab ri e i mam ri i jiquiban wi i c'u'x.

Ri Jeremiy 7:11

¿La are c'u pa i c'u'x chi we wachoch ri' ri are nu c'olbal are jun qui pec eläk'omab? In wilom ronojel wa'. In, ri Ajawaxel, quinjiquiba' u bixic.

Ri Xuan 18:28

Xquesaj c'u bic ri Jesus chuwäch ri Caipas, xquic'am bic pa ri nim ja re k'atbal tzij, sakarem c'u cubano. Ri e are' man xeboc ta chupam ri nim ja re k'atbal tzij rech man cäquitz'ilobisaj ta quib. Rech cuya' caquitij ri Oc'owem.

Ri Xuan 13:18

Man iwonojel taj quixinbij; in weta'm e jachin tak ri e nu cha'om. Cabantaj c'u wa' rech quebe tz'akat ri e tz'ibatalic: ‘Ri cutij rech ri nu caxlanwa, xuwalijisaj rib chwij.’

Ri Matey 23:13

¡C'ax iwech, ajtijab re ri pixab xukuje' pariseyib! ¡Xa' quieb i wäch! Quitz'apij chquiwäch ri winak ri u chi' ri rajawibal ri Dios. Ri ix c'ut man quixoc taj, mawi quiya' chi queboc ri winak ri cäcaj queboquic.

Ri Ezequiel 23:29

We winak ri' man catcaj taj, cäquiban na coyowal chawe, caquiban na quech che ri a ch'äcom ruc' ri a chac kas c'u catquich'anaba' canok; casani' canok ri a cuerp, ri xajach che macunic jacha ri cäquiban ri quech ri e nim ch'utin. Ri u tzokopixic awib xukuje' ri a macunic jacha ri que ri nim ch'utin

Ri Ezequiel 20:39

Tinimit aj Israel, are wa' cubij ri Ajawaxel: ¡Jix jebik'ijilaj tak ri e diosib…! C'ächumatam c'u na quixniman na chwe, man qui xk'olij ta chi c'u na ri tastalicalaj nu bi' man quebiban ta chic we sipanic ri' man quebik'ijilaj ta chi c'ut ri e diosib.

Ri Isaiy 48:2

ri cabij awib chi at aj tastalicalaj tinimit, cato' c'u awib ruc' ri u Dios ri Israel, ri u bi' are' Ajawaxel ri c'o ronojel u cuinem:

Ucab Tzijobelil 33:7

Xukuje' xutac'aba' ri dios (jun u cawäch ri Dios) ri xuban chupam ri rachoch ri Dios, ri u bim wi ri Dios che ri David xukuje' che ri Salomon ri u c'ojol: “We rachoch Dios ri' pa Jerusalen, ri nu cha'om chquixo'l tak ri amak' re Israel, are wa' ri cux na u jekelibal ri nu bi' amak'el.

Ucab Tzijobelil 33:4

xebuyac c'u tak porobal chupam ri rachoch ri Ajawaxel, ri u bim wi ri Ajawaxel chi are u jekelibal ri u bi' amak'el pa Jerusalen.

Ucab Ajawinelab 21:4

xukuje' xebuyac tak porobal chupam ri rachoch ri Ajawaxel, ri u bim wi ri Ajawaxel chi are' u jekelibal ri u bi' pa Jerusalen.

Ri Ezequiel 33:31

Je c'u ri' ri nu tinimit cäpetic cat'uyi' chawäch, jacha' nak'atal u banic rumal, che qui tatabexic tak ri a tzij. Man c'u caquiban taj jas ri caquibij. Caquitzelela' tak u bixoxic jacha' caban che qui bixoxic tak bix quech taquenic, benak c'u ri ranima' chrij ri puak.

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Ri Jeremiy 44:9

¿La e sachinak chic pa i jolom conojel tak ri etzelal ri xequiban ri e i mam, xukuje' ri xequiban tak ri ajawinelab re Juda xukuje' tak ri quixokil, xukuje' tak ri e i banom ix xukuje' tak ri e iwixokil ri xebiban pa ri rulewal ri Juda xukuje' chquipam ri e u xo'l tak ja pa Jerusalen?

Ri Ezequiel 33:25

Rumal ri', chabij chque: ‘Jewa' cubij ri Ajawaxel: Ri ix quitij ti'j ruc' quic', quebik'ijilaj ri e diosib, quebiban cämisanic, ¿Are c'u pa i c'u'x chi quixux tak ajchak'e ri ulew?

Ri Daniel 9:18

Choc la il, nu Dios, xukuje' chätataben la; utz u ca'yexic bana' la ri ketzeletajic xukuje' ri tinimit la ri cänatax wi ri bi' la. Man quekaban ta ri ka bochi'nic che la rumal rech chi ka jiquiban ka c'u'x chrij ri u suq'uilal ri ka c'aslemal, xane' chrij ri nimalaj elebal c'u'x la.

Ri Osey 6:9

Ri e cojol tabal tok'ob e juk'at eläk'omab e c'o che qui yuxlexic tak ri winak; quecämisanic quequiban nimak tak il pa ri be re Siquem.

Ri Amos 4:5

Chebiporoj wa ri man caya' ta ch'am cuc' che sipanic re maltioxinic, chebiya' qui tzijoxic ri e i sipanic pa iwech wi pa conojel c'olbal, are c'u ya' wa' ri cäkaj chiwäch ix.” Ri Ajawaxel cujiquiba' u bixic.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

Ri Malaquiy 3:15

Ri uj kilom chi ri quequiban tak nimal sibalaj utz qui taklebem, xukuje' chi ri e banal tak etzelal utz quebel ri jastak chquiwäch, caquic'ambejej c'ut ri Dios man c'u c'o ta jun etzelal cäpe paquiwi'.’ ”

Nabe Ajawinelab 9:3

xubij c'u che: “Nu c'amowam ri ch'awem ri a banom xukuje' ri bochi'nic ri a banom chwe nu tasom c'ut we ja ri' ri a yacom jacha' jun jekelibal che ri nu bi' amak'el. Amak'el c'ut quinchajij na man cäsach ta c'u pa nu jolom.

Ri Ezequiel 5:11

In, ri Ajawaxel, quinban ri chi'nic ri kas cäban na rumal ri nu c'aslemal: jacha' ri ix i wawasim ri tastalic wachoch cumal ri itzel tak i banoj ri man e ch'ijtajel taj, xukuje' ri in quenq'uisa' na tzij piwi' man ruc' ta elebal c'uxaj; man quintok'obisaj ta na i wäch.