Ri Jeremiy 6:8 - Quiché Bible

⁸ Chc'äj a wäch, Jerusalen, we c'u man cäc'äj a wäch, in oyowarinak quintas na wib chawij, quinban na chawe chi catux jun chaki'j uwo sak, man c'o ta a winakil quebenya' ta canok.”

Ri Jeremiy 6:8 Referans Kwoze

Ri Osey 9:12

We c'u ne queticar che qui q'uiyisaxic tak calc'ual, in quebentokij na chque man c'o ta c'u jun quinya' ta can chque. ¡Tok'ob qui wäch we winak ri' aretak man in c'o ta chic cuc'!

Ri Ezequiel 23:18

Xujach c'u rib che u banic ri quech nim ch'utin pa qui k'ab ch'utik xukuje' nimak, xuc'ut ri u cuerp ch'analic, c'ä xinna' na ri muluw c'u'x che jacha' ri xinna' can che ri ratz.

Ri Jeremiy 17:23

Man xquiya' ta c'u qui xiquin chwe mawi xinquinimaj, xane' xebux täc man xcaj ta c'ut xenimanic mawi xc'äj qui wäch.

Ri Soponiy 3:7

Xinchomaj: ‘Jeri' ri Jerusalen cuxe'j na rib chnuwäch cuc'amowaj c'u na chi quinjic'o; jeri' man cäsach ta na u wäch ri u c'olbal rumal rech chi xinc'äjisaj u wäch.’ E are tak c'ut ri e are are xcanej qui banic ronojel qui wäch tak etzelal.

Ri Jeremiy 32:33

Quiyo'm can ri quij chnuwäch, man are ta c'ut ri qui palaj. Man c'o ta c'u ne jok'otaj ri nu tanabam ta qui pixbexic, man e nimaninak ta chwe mawi cajawam quic'amowaj ta ri pixbenic.

Salmib 50:17

We man cäkaj chawäch chi catinjic'o mawi nim quebawil wi tak ri e nu tzij.

Ri Jeremiy 31:19

In xintas wib chij la, nu q'uexom c'u nu c'u'x; nu ch'obom ri nu mac quint'ocot'a c'ut ri wa'; quinna' wib chi elinak nu q'uixbal xukuje' in mach'irisam qui mac quech tak ri mac pa ri walc'alal.’

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Ri Jeremiy 7:34

Quebenwetzelaj na qui wäch tak ri bix re nimak'ij xukuje' re jajatem ri queban chquipam tak ri tinimit re Juda xukuje' xo'l tak ri ja pa Jerusalen, xukuje' tak ri bix quech c'ulanem; ronojel ri ulew cäq'uextaj na pa jun chaki'j uwo sak.”

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Ri Jeremiy 2:15

¿Jas c'u che caquiban c'ax che e jacha' ta ne e coj, cuc' cowilaj tak wunem? Quiyojim can ri ulew; ri u tinimit tak xeporoxic man c'o ta c'u jun xto'taj ta can chupam.

E C'ambal tak Tzij 4:13

Co chachapa' awib che ri tijonic matzokopij c'ut; chabana' jas ri cubij, c'aslemal c'u wa' chawe.

Salmib 94:12

Oh Ajawaxel, utz rech ri winak ri capixbej la, xukuje' queya' la ri tijonic la che

Salmib 2:10

Ajawinelab xukuje' k'atal tak tzij re ri uwächulew, chich'obo' wa', ¡Chitijoj iwib che we tijonic ri'!

U Camulixic ri Pixab 32:29

We ta c'o qui no'j, cäquich'ob ta ri'; cäquetamaj ta ri' jas quebel na.

Aj Levitib 26:34

Ri ulew cäquicot na, cuxlan na canok conojel tak ri k'ij ri camali canok, aretak ri ix ix c'o pa ri culew ri e i c'ulel; c'äte ri' ri ulew cuxlan na canok, cäquicot c'u na pa ri ruxlanem.

Ri Jeremiy 7:28

Chabij chque: ‘Are nim tinimit wa ri man caniman ta che ri u Dios mawi c'u ne caraj chic cäpixbexic. Ri kastzij mawi jumul quel chi ulok pa u chi'.’ ”

E C'ambal tak Tzij 19:20

Chaya' a xiquin che ri no'j ri cäya' chawe chac'amowaj c'ut ri pixbenic we je caban wa' catux na ajno'j.

Ri Osey 2:5

Ri qui nan xux quech ri nim ch'utin; xutzak ri u nimarisaxic u k'ij, aretak je xubij wa: ‘quinbe na che quitzucuxic tak ri wach ch'aben, ri queyo'w nu wa wuq'uia', ri rismal nu chij xukuje' ri nu sakloloj atz'iak lino, ri waseit xukuje' tak ri wuq'uia'.’