Ri Jeremiy 6:6 - Quiché Bible

⁶ Ri Ajawaxel ri c'o ronojel u cuinem yowinak we takanic ri': “¡Chebikasaj tak che' chi woco' jun pakalibal che u banic ch'o'j ruc' ri Jerusalen! Ri tinimit c'okotajinak che u c'äjisaxic u wäch, rumal rech chi nojinak che u banic c'ax.

Ri Jeremiy 6:6 Referans Kwoze

Ri Jeremiy 32:24

Are c'u ri aj caldeyib e qui banom ak'anibal che u banic c'ax che ri tinimit, ri ch'o'j, ri wi'jal ri cämisanel yabil caquiban na chi ri tinimit cäkaj pa qui k'ab ri e banal tak c'ax. Ajawaxel, quil la chi cätajin cätz'akat ri xya' la u bixic.

Ri Lucax 19:43

Quepe c'u na k'ij pawi', aretak ri e a c'ulel cäquiyac na jun k'atibal chawij, cäquisutij na awij, catquilatz'obisaj na pa ronojel c'olbal.

Ri Isaiy 37:33

Are wa' ri cuc'ulmaj na ri ajawinel re Asiriy cächa ri Ajawaxel: ‘Man coc ta na pa Jerusalen, mawi jun ch'ab cuq'uiak na chrij ri Jerusalen, man cäch'ojin ta na ruc' quetequic ch'ich' mawi cuyac na jun ch'ojibal chrij ri tinimit.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Ri Jeremiy 32:31

Are c'u we tinimit ri' kas pa ri k'ij aretak xchaplex u yaquic c'ä pa ri k'ij ri', man c'o ta jas ri u banom xane' xak xuwi ri u yaquic ri woyowal xukuje' ri nu c'anal. Rumal ri' quenbana' che chi quel chnuwäch,

Ri Jeremiy 33:4

In, ri Ajawaxel, ri u Dios ri Israel, c'o jun tzijol wuc' chque ri caquic'ulmaj na ri ja ri e c'o pa Jerusalen xukuje' chque tak ri cachoch tak ri ajawinelab re Juda ri quebewilixok. Ri elem bic che u banic ch'o'j che qui cojic tak ch'ich' re ch'o'j chque ri aj caldeyib ri quequiyac tak ak'anibal che u banic c'ax che ri tinimit, xuwi cajwataj che qui nojisaxic chque cäminakib. In, pa ri xibibalalaj woyowal, quinban na chque chi quecämic, man quebenca'yej ta chi c'u we tinimit ri' qui mac quech ri jumulaj etzelal ri e qui banom.

Ri Ezequiel 4:2

Chebacojo' ajch'ojab chrij, ch'ojibal ri cajwataj che u ch'äquic ri tinimit, chacojo' jun nim tapia chrij, xukuje' jun ak'anibal, rech je quelic jacha' jun tinimit ri sutim rij.

Ri Ezequiel 5:5

In, ri Ajawaxel quinbij: C'o we Jerusalen chi'. In xincojow chquixo'l tak ri tinimit xukuje' ri nimak tak tinimit.

Ri Daniel 11:15

Ri ajawinel ri c'o pa elebal k'ij cäpe na cuban na jun ak'anibal chrij jun tinimit ri sutim pa tapia, cuch'äc c'u na. Mawi ri cowilaj tak ajch'ojab ri e c'o pa u mox elebal k'ij quecuinic quequik'atij ri ajch'ojab ri e c'ulel.

Ri Soponiy 3:1

¡Tok'ob u wäch ri Jerusalen, ri tinimit ri man ch'abexic ta cäraj, tz'ajtajinak xukuje' pak'alenel!

Ri Jeremiy 5:9

¿La ma ta c'u lo chinc'äjisaj qui wäch cumal tak we jastak ri'? ¿La ma ta quinya' na ri takal che ri tinimit ri je cuban wa'?

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Jeremiy 20:8

Amak'el aretak quinch'awic are quinya' u bixic tokinic xukuje' sachoj wächaj; amak'el cäquitze'j nu wäch xukuje' cäquetz'bej c'u nu wäch rumal rech chi quinya' u bixic ri tzij la.

Ri Jeremiy 39:1

Pa ri ulajuj ic' re ri ubelej junab ri rajawinic ri Sedequiy pa Juda, ri Nabucodonosor, ajawinel re Babilon, xpe che u ch'äquic ri Jerusalen e rachil conojel ri e rajch'ojab xquisutij c'ut rij.