Ri Jeremiy 6:4 - Quiché Bible

⁴ Ri e qui c'ulel caquibij: “¡Chisuc'umaj iwib che u banic ch'o'j ruc'! ¡Tisaj, chujch'ojin ruc' pa tiq'uil k'ij! ¡Sibalaj c'u tok'ob ka wäch!, benak chic ri k'ij, ri nanoch' e yukyubinak.

Ri Jeremiy 6:4 Referans Kwoze

Ri Jeremiy 15:8

C'o na ri qui q'uiyal ri malca'nib ri xebenya' can chquixo'l chuwäch ri sanyeb re ri plo. Kas tiquil k'ij xinbano chi xkaj ri cämical paquiwi' ri nanaxelab ri e c'o tak cal c'ojolab; xak c'ätetal xinbano chi xkaj ri c'axc'ol xukuje' ri xibriquil paquiwi'.

Ri Soponiy 2:4

Ri tinimit re Gaz cajamajob canok, xukuje' ri Ascalon, catolobax canok; pa tiq'uil k'ij queq'uiak na bic ri e jekel pa Asdod, xukuje' ri aj Ecron quebok na bic c'ä chquixe'.

Ri Joel 3:9

Chiya' u bixic wa' chque ri nimak tak tinimit; ¡Chik'alajisaj ri tastalicalaj ch'o'j! ¡Chesiq'uix ri cowilaj tak achijab! ¡Chepetok chebequich'äca' ri e banal tak ch'o'j!

Ri Jeremiy 8:20

Xoc'ow ri k'alaj, xq'uis qui yaquic tak ri e qui wächinic tak ri ulew man c'o ta c'u to'tajem chke.

Ri Jeremiy 5:10

¡Queboc c'u na ri e qui c'ulel quequisachisaj c'u qui wäch ri e ticbal tak uva, pune' c'u ronojel caquisachisaj u wäch! ¡Chequijak'ij tak ri qui k'ab man c'u ticbal ta chic nu uva!

Bixonic Tak 2:17

Pa ri ropanem ri k'ij quebanimaj tak c'ut ri mumu'j, chattzelejok nu lok'; je chabana' jacha' jun masat aj lianic, jacha' jun alaj masat pa tak ri juyub ri quiquemalam wi tak quib ri q'uix.”

Ri Jeremiy 6:23

E cuc'am tak qui q'uiakbal ch'ab xukuje' tak qui tz'imaj ch'ich'; man quetok'obisan ta wächaj; ri qui rakoj tak chi'aj e junam ruc' ri u wululem ri plo, e quiejeninak c'u chquij quiej. E suc'umatal che u banic ch'o'j ruc' ri Sion.”

Ri Jeremiy 15:9

Ri nanaxelab ri e c'o q'ui cal cäpe canima', cäbe ri cuxlab; elinak qui q'uixbal e mach'ital c'ut, ri u sakil ri k'ij cux k'ekumalil chque. We e c'o jujun quec'asi' canok, quinban na chi quecämisax cumal tak ri e qui c'ulel. In, ri Ajawaxel, quinya' nu tzij.”

Ri Abdiy 1:1

Ri u k'axexic ri tzij ri xuc'am ri Abdiy che ri Ajawaxel rumal c'utwächinic. Ka tom jun tzijol ri u bim ri Ajawaxel; jun ya'l tzijol benak che u bixic chque ri nimak tak tinimit: “¡Chujbinok! ¡Jo' che ch'ojinic ruc' ri Edom!” Ri Dios ri Ajawaxel cubij che ri Edom:

Ri Job 7:2

Ruc' jun lok'om pataninel ri quel u c'u'x che u rikic ri mumu'j, ruc' ri jun ajchac ri cacäm che reyexic ri tojbal rech.

Ri Miquey 3:5

Ri nu tinimit e u takem tak ri be ri man e are taj qui mac quech tak ri e k'axal tak tzij ri quesubuwic, ri caquibij chque ri quetzukuwic chi c'o jamaril jachin tak c'ut ri man cäcaj taj quequitzuku caquibij chque chi cäpe ri ch'o'j paquiwi'. Ri Ajawaxel cubij chque tak we e k'axal tak tzij ri':