Ri Jeremiy 6:21 - Quiché Bible

²¹ Rumal ri', ri Ajawaxel cubij: “Quenbana' chi cuchak'ij rib we tinimit ri' cätzak c'ut. Tataxelab xukuje' c'ojolaxelab, c'ulja tak xukuje' ri e utz tak cuc', xukuje' ri e are' quecäm na'.”

Ri Jeremiy 6:21 Referans Kwoze

Ri Isaiy 8:14

Ri are' cux na jacha' jun c'amibal chiwe, cux na jun abaj ri caquichak'ij wi na quib, ri quetzak wi na ri quieb ajawibal aj israelib; cux na jacha' jun c'amibal ri quetzak wi na ri aj Jerusalen.

Ri Ezequiel 3:20

Xukuje' we ne je cac'ulmataj wa' chi jun suc'alaj winak cutanaba' u takexic ri suc'alaj u c'aslemal cutakej ta c'u u banic ri etzelal, quinban c'u che chi xak quieb cubij puwi' chi catzakic; we c'u man caya' u bixic che, cäcäm na. In man quinwajilaj ta ri utzil chrij ri u banom can nabe, cäcäm c'u na u mac rech ri u mac, quinta' c'u na chawe jasche xcämic.

Ri Jeremiy 13:16

Chiya' u k'ij ri Ajawaxel, c'ä majok chuc'ama' ulok are' ri k'ekumalil quipak'ila' c'u iwib ix cuc' xibibalalaj tak juyub; c'ämajok chuq'uexa' are' pa räxcanacojil pa tzatzalaj k'ekumalil, ri chäj ri i weyem.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

Romanos 11:9

Xukuje' xubij ri David: “Aretak cäquiban tak wa'im pa mexa, chux tzakibal xukuje' chapbal, rech cäquichak'ij ri cakan, tojbal q'uexel chque.

Romanos 9:33

Jas ri tz'ibatalic: “Chiwilampe', quinya' na pa Sion jun abaj ri cäquichak'ij wi na quib ri winak, jun nimalaj abaj re tzakibal ri cucu'ba' c'u u c'u'x chrij man quel ta u q'uixbal.”

Ri Ezequiel 5:10

Rumal ri' chixo'l ix quewalij na tataxelab ri quequitij na ri e calc'ual xukuje' alc'ualaxelab ri quequitij tak na ri e qui tat. Quenbana' na ri u c'äjisaxic a wäch, are c'u ri quec'asi' canok quebenjabuj na pa ri quiejeb quiakik'.

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.

Ri Jeremiy 18:21

¡Are c'u ri camic, bana' la chi checäm tak ri e qui c'ojol rumal wi'jal o pa u chi' ch'ich' re ch'o'j; che canaj malca'nib ri quixokil ma ta c'u e c'o chi cal! ¡Are c'u ri cämisanel yabil checämisan tak ri cachijab e are' c'ut ri e qui c'ojolab checäm pa ri ch'o'j!

Ucab Tzijobelil 36:17

Ri Ajawaxel xuban c'ut chi xwalij ulok ri cajawinel ri aj caldeyib chquij, xebuk'ok'ej c'ut ri e u c'ojolab chi ch'ich' re ch'o'j kas chupam ri rachoch Dios man xel ta c'u u c'u'x chque ri c'ojolab mawi chque ri k'apojib, chque ri ri'jab mawi chque ri man utz ta cakan qui k'ab. Conojel xebujach ri Ajawaxel pa u k'ab.

Aj Levitib 26:37

Cäquipuq'uila' tak na quib, je ta ne ri quebanimaj chquiwäch ajch'ojab, pune' man c'o jun quebokatanic; ¡man c'u quixcuin taj quito' ta iwib pa qui k'ab ri e i c'ulel!

Ri Jeremiy 8:12

¡Cheq'uix ta ba' che qui banic ri jastak ri man quebencoch' taj! Man c'u je taj, man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, cäquichak'ij na quib quekaj c'u na jacha' ri jule' chic. In ri Ajawaxel, quinjiquiba' u bixic.’ ”

Ri Jeremiy 13:14

Quebenpaxij c'u na e jacha' k'ebal, ri jun cupak'ij na rib ruc' ri jun chic, tataxelab xukuje' c'ojolaxelab xak quejunamatajic. Man quel ta c'u na nu c'u'x chque; quinsachisaj na qui wäch man ruc' ta elebal c'uxaj xukuje' man ruc' ta tok'obisam wächaj. In, ri Ajawaxel, quinjiquiba' u bixic.’ ”

Ri Jeremiy 18:23

Are c'u ri lal, Ajawaxel, e eta'm la conojel tak ri chomanic ri e qui banom che nu cämisaxic. ¡Mäsach la qui mac che ri quetzelal mawi mäsach ri qui mac pa jolom la! ¡Chbana' la chi quekaj pa k'ab la, chäc'äjisaj la qui wäch ruc' oyowal!

Ri Isaiy 8:15

E q'ui cäquichak'ij na quib, quetzak na, xukuje' quecäm na e q'ui quekaj na pa ri c'amibal quechaptaj c'u chupam.”