Ri Jeremiy 6:12 - Quiché Bible

¹² Ri e cachoch, ri e culew xukuje' ri e quixokil quek'ax na pa qui k'ab jule' chic. Quenwalijisaj c'u na ri nu k'ab che u c'äjisaxic qui wäch ri e jekel chupam we ulew ri'. In, ri Ajawaxel, quinjiquiba' u bixic.

Ri Jeremiy 6:12 Referans Kwoze

Ri Jeremiy 8:10

Rumal ri', quebenjacha' ri quixokil chque jujun achijab chic, ri culew pa qui k'ab jule' tak ajchak'e chic. Conojel c'ut chi nimak chi ch'utik. Xuwi caquichomaj u rikic ri ch'äcoj ri xa quet'orixic; k'axal tzij xukuje' e cojol tabal tok'ob, conojel quequiban t'orinic.

Ri Isaiy 5:25

Rumal ri' ri Ajawaxel xpe royowal che ri u tinimit, xuyac ri u k'ab che u c'äjisaxic u wäch. Ri juyub xebirbobic, ri cäminakib xejiljoxin canok jacha' mes pa tak ri be. Man oc'owinak ta c'u ri royowal ri Ajawaxel ri are' c'ä u takem u cojic xib.

Ri Soponiy 1:13

Rumal ri' ri e u k'inomal quec'otix na bic xukuje' tak rachoch queyojix na. Quequiyac tak na cächoch, man c'u quejeki' ta na tak chquipam; quequitic tak na uva, man caquitij ta c'u na ri u wa'l uva ri quel chque.”

Juyuwem 5:11

Pa Sion xukuje' chquipam tak ri tinimit re Juda, ixokib xukuje' alitomab e nakom.

Juyuwem 5:3

Uj canajinak minorib, man c'o ta ka tat; ri e ka nan e canajinak e jacha' ta ne malca'nib.

Juyuwem 3:3

jumul camul pa apachique jok'otaj, cutak ulok ri c'ax panuwi'.

Juyuwem 2:8

Ri Ajawaxel xuya' u tzij chi quet'akix ri e u tapia ri je'licalaj Sion. Xusuc'uba' ri chomanic che ri yojyobisanic xutz'akatisaj c'u u banic man xuxlan taj. Tapia tak xukuje' nimak tak tapia xebuya' pa bis, xak c'ätel xewilijic.

Ri Jeremiy 38:22

Conojel ri ixokib ri quecanaj chupam ri rachoch ri ajawinel re Juda quebesax na ulok quejach c'u na pa qui k'ab ri e qui nimal tak rajch'ojab ri ajawinel re Babilon, kas e are' c'ut caquibij na: ‘Ri sibalaj e utzalaj tak rachil ri ajawinel xecuin che u subic xquich'äc c'ut; xquiya' c'olbal chi xebik'taj ri rakan chupam ri xok'ol xquiya' c'u can ri uwo quij chuwäch.’ ”

Ri Isaiy 10:4

We man quixmach'irisaxic quixyut c'u na bic, quixcäm na junam cuc' ri xa' quecämisaxic. ¿Jachin che quitz'onoj wi na chi quixuto'? ¿Jawi je quebiya' wi can tak ri e i k'inomal? Man c'u oc'owinak taj ri royowal ri Ajawaxel, Ri are c'ä u takem na u cojic xib.

Ri Isaiy 9:21

Ri Manases cusach u wäch ri Eprain, ri Eprain cusach u wäch ri Manases, qui cabichal quebe chrij ri Juda. Man c'u tanalinak taj ri royowal ri Ajawaxel, ri are' c'ä u takem na u cojic xib.

Ri Isaiy 9:17

Rumal ri' ri Ajawaxel man xutok'obisaj ta qui wäch ri alabom, mawi xel u c'u'x chque ri minorib xukuje' ri malca'nib. Rumal rech chi ronojel ri tinimit man nimanel taj xukuje' banal etzelal, conojel cäquibij conalaj tak tzij. C'ä maja' c'u ne coc'ow ri royowal ri Ajawaxel ri are' c'ä u takem na u cojic xib.

Ri Isaiy 9:12

Pa elebal k'ij ri aj Siriy, pa u kajebal k'ij ri aj pilisteyib. Xak juba' xquiban che u bik'ic ri Israel. Man oc'owinak ta c'u ne ri royowal ri Ajawaxel ri are' c'ä cätajin cucoj xib.

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Jeremiy 15:6

At xinaxutuj canok, are xaya' can ri awij chnuwäch. In, ri Ajawaxel quinjiquiba' u bixic. Rumal ri' in, in k'itajinak che ri coch'onic, quinwalijisaj na ri nu k'ab che u c'äjisaxic a wäch, quinsachisaj c'u na a wäch.

Ri Jeremiy 21:5

Kas in c'ut quinch'ojin na iwuc' ix che i ch'äquic ruc' nimalaj u cojic ri cuinem xukuje' ruc' nicowelalaj oyowal xukuje' nimalaj k'ak'al.

Ri Jeremiy 38:23

Ri Jeremiy xutakej u bixic che ri ajawinel: “Conojel ri ixokib xukuje' tak ri e c'ojol la quejach na pa qui k'ab ri aj caldeyib, man c'u cato'taj ta na la canok, cäkaj na la pa qui k'ab, cäjach na la pa u k'ab ri ajawinel re Babilon, cut'ik c'u na k'ak' che ri tinimit.”

Ri Ezequiel 35:3

Chabij che: ‘Are' wa' cubij ri Ajawaxel: Ri in quink'alajisaj wib chi nu banom nu c'ulel chawe, juyub re Seir, quenc'äjisaj c'u a wäch tolonic catinya' canok xukuje' pa etzeletajic.

Ri Miquey 2:4

Pa ri k'ij ri' quebixox tak na bix chiwe re juyuwem. Cäbix c'u na chiwe: ‘Q'uisnak tzij pakawi'; ri ka tinimit, ri rech ri Ajawaxel, u q'uexom rajaw ri man c'o ta c'u jachin ta cak'atinic; ri e kulew e qui jachom tak chquiwäch ri e ch'äcal tak kech.’ ”

Ri Soponiy 1:4

“Quinyuk na ri nu k'ab che u banic c'ax che ri tinimit Juda xukuje' chque ri e jekejoj pa Jerusalen. Quinchupisaj na chupam we c'olbal ri' ronojel ri u nataxic ri dios Baal, xukuje' tak ne ri qui bi' tak ri e u cojol tabal tok'ob.

Juyuwem 5:2

Ronojel ri kech oquinak pa qui k'ab ri winak ri man e ka winakil taj; camic ri kachoch e quech chic ri winak ri man keta'm ta qui wäch.

Ri Ezequiel 7:24

Ri in quinban na chi quepe winak ri e banal tak etzelal quequimajij na tak ri ja ri e c'o pa ri tinimit. Quinq'uis na tzij puwi' ri nimal ri quec'amow ri e c'o qui cuinem; quinban na chi ri tastalicalaj tak qui c'olbal ri quek'ijilan wi quexk'olitajisax na.