Ri Jeremiy 6:11 - Quiché Bible

¹¹ In nojinak che ri oyowal la, Ajawaxel; man quincuin ta chi che u k'atixic.” Ri Ajawaxel xubij chwe: “Chajamij paquiwi' ri alabom pa ri be, paquiwi' tak ri jutak mutzaj c'ojolab. Queyut na bic ri achajilaxelab junam cuc' tak quixokil xukuje' ri nimak tak winak ri q'ui chic qui junab.

Ri Jeremiy 6:11 Referans Kwoze

Ri Jeremiy 20:9

We quinbij: “Man quinchoman ta chic che ri Ajawaxel, mawi jumul quintzijoj chic ri u bi',” are c'u ri tzij la pa ri wanima' cäq'uextaj pa jun k'ak' ri cäjarisanic, ri copan c'ä cho tak ri nu bakil. Quintzucuj u k'atixic man c'u quinticar taj.

Ri Jeremiy 9:21

“Ri cämical xoc chupam tak ri kachoch, xopan chupam tak ri cachoch ri ajawinelab; quebucämisala' tak ri ac'alab xo'l tak ri ja ri e ka c'ojolab chquipam tak ri c'ayibal.

Ri Miquey 3:8

Are c'u ri chwe in, ri ruxlabal ri Ajawaxel qui nu nojisaj che chuk'ab, suq'uilal xukuje' cuinem, rech quinq'uiak chi qui palaj ri aj israelib ri man qui nimanic taj xukuje' ri qui mac.

Apocalipsis 16:1

Xinta' jun cowilaj ch'abal ri xel ulok pa ri k'ijilabal, ri xubij chque ri wukub tako'nib aj caj: “Jix, chik'ija' puwi' ri uwächulew ri wukub lak re ri royowal ri Dios.”

Hechos 18:5

Aretak ri Silas ruc' ri Timotey xebel bic pa Masedon, xekaj bic pa Corint. Ri Pawl xujach rib che u tzijoxic chque ri aj judeyib chi ri Jesus are' ri Crist.

Hechos 17:16

Aretak ri Pawl e reyem ri Silas xukuje' ri Timotey pa Atens, sibalaj xoyowaric aretak xrilo chi sibalaj e q'uia diosib ri e c'o pa ri tinimit.

Hechos 4:20

Man cujcuin ta c'ut chi ma ta cäkatzijoj ri kilom ri ka tom.”

Ri Lucax 17:34

Quinbij chiwe chi pa ri ak'ab ri' e c'o quieb pa jun ch'at. Ri jun cäc'am na bic, ri jun chic cäya' canok.

Ri Ezequiel 3:14

Ri u cuinem ri Dios xinuwalijisaj, xinresaj c'u chila', ri in xinbe ruc' bis xukuje' in c'äyirinak, co c'u in u chapom bic ri u k'ab ri Ajawaxel.

Ri Jeremiy 18:21

¡Are c'u ri camic, bana' la chi checäm tak ri e qui c'ojol rumal wi'jal o pa u chi' ch'ich' re ch'o'j; che canaj malca'nib ri quixokil ma ta c'u e c'o chi cal! ¡Are c'u ri cämisanel yabil checämisan tak ri cachijab e are' c'ut ri e qui c'ojolab checäm pa ri ch'o'j!

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Isaiy 40:30

Ri alabom quecosic xukuje' quetukaric, xukuje' ne ri sibalaj e co na quetzakic,

Ri Jeremiy 15:6

At xinaxutuj canok, are xaya' can ri awij chnuwäch. In, ri Ajawaxel quinjiquiba' u bixic. Rumal ri' in, in k'itajinak che ri coch'onic, quinwalijisaj na ri nu k'ab che u c'äjisaxic a wäch, quinsachisaj c'u na a wäch.

Ri Jeremiy 15:17

In nu k'ilom wib che u rikic wib cuc' ri xuwi caquichomaj u quicotisaxic quib; aretak xban ech la chwe nu c'amom bic jun c'aslemal pa nu tuquiel wi, xinanojisaj c'u la ruc' ri oyowal la.

Juyuwem 1:15

Ri Ajawaxel naj xebuq'uiak wi chwe conojel tak ri e c'o qui chuk'ab ri caquito' nu wi'. Xuq'uiak juk'at ajch'ojab panuwi', che u q'uisic tzij paquiwi' ri cowilaj tak wachijab. ¡Ri Ajawaxel u xak'alem ri k'apojalaj Juda jacha' ri cäban che qui xak'alexic tak ri uva che resaxic ri u wa'l!

Juyuwem 2:21

E liq'uiloj ri c'ojolab xukuje' ri nimak tak winak xo'l tak ri ja re ri tinimit; xecämisax rumal ch'ich' re ch'o'j. Chupam ri k'ij re ri oyowal la, xsocon la che cämical ¡Xcämisan la man ruc' ta tok'obisam wächaj!

Ri Ezequiel 3:3

Xubij c'u chwe: “Chabik'a' bic we tz'ibatalic ri' ri quinya' chawe, chanojisaj ri a pam che.” Ri in xintijo xinna' c'ut chi sibalaj qui' jacha' ri juyubal räx cab.

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Jeremiy 5:9

¿La ma ta c'u lo chinc'äjisaj qui wäch cumal tak we jastak ri'? ¿La ma ta quinya' na ri takal che ri tinimit ri je cuban wa'?

Ri Jeremiy 9:20

Ixokib, chitatabej ri u tzij ri Ajawaxel, kas chitatabej ri cubij chiwe. Chebitijoj tak ri e iwal ixokib che u banic ok'ej xukuje' ri e canima' quib cuc' je juyuwem wa' chiquiba' na':