Ri Jeremiy 6:10 - Quiché Bible

¹⁰ Ri in xintzelej u bixic: “¿Jachin ta ri quintatabenic, we queben tzijobej quinya' c'ut we tzijol ri chque? E tz'apital ri qui xiquin, Ajawaxel, man c'u quecuin taj quetatabenic; xa' caquitze'j u wäch ri tzij la, man cäkaj ta chquiwäch.

Ri Jeremiy 6:10 Referans Kwoze

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

Ri Xuan 7:7

Ri e aj uwächulew man quecuin taj cäquetzelaj i wäch ix. Cäquetzelaj c'u nu wäch in, rumal rech chi quink'alajisaj jas ri qui banic, chi cäquiban etzelal.

Ri Jeremiy 7:26

Are c'u ri ix man xixniman ta chwe mawi xiya' ta i xiquin chwe, xane' sibalaj xitacarisaj na iwib chquiwäch ri e i mam.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

Ri Isaiy 53:1

¿Jachin quecojowok ri ka tom? ¿Jachin chuwäch u c'utum wi ri Ajawaxel ri u cuinem?

Elem 6:12

Ri Moises xubij che ri Ajawaxel: “Mawi ne ri aj israelib cäquinimaj ri quinbij chque, ¿la are ta c'u lo quinunimaj ri ajawinel, xak c'u quinmemetic?”

2 Timoteo 4:3

Cäpe c'u na k'ij aretak ri winak man cäquich'ij ta na ri suc'alaj tijonic. Xane' quequitzucuj na q'ui cajtij ri cäquic'ut chquiwäch jas ri cäcaj cäquito, jas ri u beya'l ri xa' qui rayibal.

Colosenses 1:28

Are Crist wa' ri cäkatzijoj uj. Quekapixbej conojel winak chquila' quib, quekatijoj rech kas cäquich'obo, jeri' chquijujunal quebux tz'akat pa ri Crist.

Romanos 7:22

Cäquicot ri wanima' rumal ri u pixab ri Dios.

Hechos 7:60

Xxuquic, xurak u chi' ruc' chuk'ab: “¡Ajawaxel majilaj la we mac ri' chquij!” Xbitaj c'u wa' rumal, xcämic.

Ri Xuan 9:40

Jujun chque ri pariseyib ri e c'o ruc', aretak xquita' wa', xquibij che: “¿La uj ta c'u moyab xukuje'?”

Ri Lucax 20:19

Ri ajtijab re ri pixab xukuje' ri e qui nimakil ri e cojol tabal tok'ob xquitzucuj u chapic ri Jesus pa ri jok'otaj ri'. Xquixe'j c'u quib chquiwäch ri winak. Queta'm c'ut chi ri Jesus xubij we c'ambal no'j ri' chquij ri e are'.

Ri Lucax 11:45

Jun chque ri ajtijab re ri pixab xubij che ri Jesus: “Ajtij, aretak cabij wa', xukuje' ri uj cujayok'o.”

Ri Matey 3:7

Aretak xril ri Xuan chi e q'ui chque ri pariseyib xukuje' ri saduseyib xepetic rech cäban ri qui bautism. Aretak ri Xuan xerilo xubij chque: “¡Quija'l tak cumätz! ¿Jachin xbin chiwe chi chixanimaj chuwäch ri c'äjisabal wächaj ri cäpe na?

Ri Amos 7:10

Ri Amasiy, cojol tabal tok'ob pa Betel, xutak u bixic che ri Jeroboam, rajawinel ri Israel: “Ri Amos cäbin chquixo'l tak ri winak re Israel, cuban walijisam ib chrij ri ajawinel. Ri tinimit man cuch'ij ta chic chi cutakej tzijonem.

Ri Ezequiel 33:9

We c'u ri at, caya' u bixic che ri banal etzelal chi chuq'uexa' ri u c'aslemal are c'u ri are' man cuban taj, ri are' cäcäm na rumal ri u mac, are c'u ri at cacoltaj ri a c'aslemal.”

Ri Ezequiel 33:3

Aretak c'u cäril ri yuxlenel chi quenakajin ri e rajch'ojab ri c'ulel che ri ulew, cärok'isaj ri trompet cuya' u bixic chque ri winak.

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Salmib 119:174

Ajawaxel, ¡quinrayij chi quinto'tajisaj la! ¡In quinna' wib chi sibalaj utz wech rumal ri tijonic la!

Salmib 119:77

C'utu' ri ch'uch'ujil la chnuwäch, bana' c'u la chwe chi quinc'asi'c, quinna' c'u wib chi utz in c'olic rumal ri tijonic la.

Salmib 119:70

Ri e are' e tz'apital ri quetamanic, are c'u ri in quinquicot ruc' ri tijonic la.

Salmib 119:35

Chinc'ama' la bic chquipam tak ri qui be tak ri takomal la, chquipam c'ut c'o wi ri nimalaj utzil chwe.

Salmib 119:24

Ri in quinquicot cuc' tak ri e takanic la; e are' tak ri e ya'l nu no'j.

Salmib 119:16

Quinquicot na cuc' tak ri pixab la, man quesach ta ri tzij la pa nu jolom.

Salmib 40:8

Ri in cäkaj chnuwäch ri u banic ri rayibal la; ¡e nu c'olom ri tijonic la pa ri wanima'!

Salmib 1:2

xane' culok'ok'ej ri u pixab ri Ajawaxel are c'u cachoman che chi pa k'ij chi chak'ab.

U Camulixic ri Pixab 29:4

Are c'u ri camic ri Ajawaxel c'ä maja' cuya' chiwe chi quich'obo mawi u yo'm chiwe chi quiwetamaj ri quel cubij ronojel wa'.

Ri Jeremiy 5:21

‘Chatatabej wa', conalaj tinimit xukuje' täc, ri e c'o u bak'wäch man cäca'y ta c'ut, ri e c'o u xiquin man cätan ta c'ut.

Ri Jeremiy 9:26

Ri Ejipt, Juda, Edom, Amon xukuje' ri Moab, xukuje' conojel ri e jekel chupam ri chaki'j uwo sak caquisocaj c'u ne tak ri qui wi' xe' tak qui xiquin. Conojel c'ut we tinimit ri', xukuje' c'u ne ronojel ri tinimit Israel man cojon ta quetal re kopinic pa ri canima', xane' kas e k'ijilal tak diosib ruc' ronojel canima'.”

Ri Isaiy 42:20

E rilom q'ui jastak man coc ta c'u il chque cacuinic catanic, man c'o ta c'u jas cuto.

Ri Jeremiy 7:13

Pune' c'u jumul xukuje' camul nu yo'm u bixic ri i c'aslemal chiwe, ri ix man i wajwam ta nu nimaxic, mawi c'u ne c'o jas i tzelem u bixic chwe. In, ri Ajawaxel, quinjiquiba' u bixic.

Ri Jeremiy 35:13

“In, ri Ajawaxel ri c'o ronojel u cuinem xukuje' u Dios ri Israel, catintako chi catbec jabij c'u chque ri winak ri e c'o pa Juda xukuje' ri e c'o pa Jerusalen: ‘Chiwesaj i no'j chebinimaj c'ut ri e nu takanic. In, ri Ajawaxel Dios, quinbij.

Ri Ezequiel 3:7

Are' c'u ri tinimit Israel, man cunimaj ta na ri cabij che, rumal rech chi man caraj taj caniman chwe. Ronojel ri tinimit Israel co ri u jolom, co ri ranima'.