Ri Jeremiy 51:2 - Quiché Bible

² Quinban na chi ri e qui c'ulel je chiquibana' che ri Babilon jacha' ri caban che trico ri cäq'uiak pa ri quiakik'; quinban c'u na chi man c'o ta qui winakil quecanaj ta can chupam ri culew. Aretak chopan ri k'ij re nimalaj c'axc'ol, pa ronojel c'olbal quebel wi na ulok winak chrij che u banic ch'o'j ruc'.

Ri Jeremiy 51:2 Referans Kwoze

Ri Matey 3:12

C'o ri u jopibal pa u k'ab, ri trico xukuje' cutas che ri pajo. Cuc'ol c'u na ri u trico pa ri u c'uja, cuporoj c'u na ri pajo pa ri k'ak' ri mawi jubik' cächupic.”

Ri Jeremiy 15:7

Xebenjabuj ri a winak jacha' ri caban che ri pajo, xebenwesaj chquipam tak ri tinimit re ri ulew; man e c'o ta ralc'ual ri nu tinimit xebenya' canok, xinsachisaj u wäch rumal rech chi man xraj taj xuya' ta can ri itzel u c'aslemal.

Ri Isaiy 41:16

Quebajopij na, quec'am c'u na bic rumal ri quiakik' quejabux na rumal ri quiakik' jäb. Catquicot c'u na ruc' ri Ajawaxel, canimarisaj na u k'ij ri Tastalicalaj u Dios ri Israel.

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Ri Jeremiy 50:32

Nim tinimit walijisal rib, capak'ij c'u na awib cattzak c'u na, man c'o ta chi c'u jachin ta ri catwalijisanic. Quebent'ika' k'ak' chque conojel tak ri a tinimit, are c'u we k'ak' ri' cusachisaj na qui wäch conojel ri e c'o chanakaj.”

Ri Jeremiy 50:29

“¡Chebisiq'uij tak conojel ri e ajq'uiakal tak ch'ab rech quech'ojin ruc' ri Babilon! ¡Chisutij rij ri tinimit rech man c'o ta jun canimajic! ¡Chiya' rajil u q'uexel che jacha' ri takal che! ¡Junam chi bana' che jacha' ri xuban ri are'! Amak'el c'ut u walijisam rib chwij, chrij ri Ajawaxel, ri Tastalicalaj u Dios ri Israel.

Ri Isaiy 43:14

Ri Ajawaxel, ri Tastalicalaj u Dios ri Israel, ri xixtorowic cubij: “Che i colic ix quebentak na bic winak pa Babilon quinban c'u na chi quejak conojel tak ri oquibal, are c'u ri qui quicotemal ri aj caldeyib cäq'uextaj na pa k'oxomal.