Ri Jeremiy 5:7 - Quiché Bible

⁷ Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Ri Jeremiy 5:7 Referans Kwoze

Gálatas 4:8

Ri ix ojer, aretak man iweta'm ta u wäch ri Dios, ix lok'om pataninelab ri chque ri diosib ri man kas e je taj.

Ri Jeremiy 2:11

chi jun nim tinimit ri e k'ijilal ta diosib, e u q'uexom ta ri e u diosib. ¡Xa' c'u ne e subunelab tak diosib wa'! Are' c'u ri nu tinimit in u tzakom canok in ri in u juluwem, che qui k'ijilaxic ri e diosib ri man c'o ta jubik' qui patan.

Ri Josue 23:7

Man quiyuj ta iwib cuc' ri jule' tak winak chic ri c'ä e jekel waral chixo'l. Man quebik'ijilaj ta ri e qui diosib, mawi mebinimaj mawi ne mebinataj man quebinataj ta ri qui bi' tak we diosib ri', mawi miban jun chi'nic ri kas cäban na pa ri qui bi'.

U Camulixic ri Pixab 32:21

Xquiyac ri wächixomanic rumal jun dios ri man dios taj, xinquik'ak'arisaj cumal tak ri qui diosib ri xak e subunelab. Ri in xukuje' quinyac na ri cachixomanic rumal jun tinimit ri man tinimit taj, quinyac na coyowal rumal jun tinimit ri man cäraj ta c'o cuch'obo.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

Ri Jeremiy 23:10

Ri ulew nojinak chque tak winak ri xekaj pa mac ruc' jun winak chic, chque winak ri quexiq'uin che u banic ri etzelal ri quequicoj ri qui cuinem che qui banic tak ri man suq'uil taj. Rumal ri' ri Ajawaxel xuc'okoj ri ulew, xchaki'jar c'ut ri ulew, xec'at tak c'ut ri echa' chupam ri chaki'j uwo sak.

U Camulixic ri Pixab 32:15

Xchomar c'ut ri Jesurun, xuchaplej c'u yak'anic (sibalaj xchomaric) xuxutuj c'u can ri Dios ri xq'uiyisanic; xretzelaj u wäch ri to'l rech xukuje' colol rech.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

Ri Jeremiy 12:16

Kas c'u ne tzij e are' xetijon ri nu tinimit che u banic ri chi'nic ri kas cäban na pa ri u bi' ri Baal, are c'u ri camic cuya' quejeki' pa u niq'uiajil ri nu tinimit, we kas caquic'amowaj ri u cojonic ri nu tinimit cäquiban ri chi'nic ri kas cäban na pa ri nu bi' je ta c'u cubij wa': ‘Rumal ri u c'aslemal ri Ajawaxel.’

1 Corintios 6:9

¿La ma ta iweta'm chi ri winak man e suc' taj man cäquechbej ta ri rajawibal ri Dios? Mixsubutajic. Ri quebanow macunic cuc' ixokib achijab, mawi ri quequik'ijilaj tak diosib, mawi ri quekaj pa mac cuc' niq'uiaj chic, mawi ri achijab ri cäquiban quib chi e ixokib, mawi ri achijab ri cäquiban ixok che jun cach achi,

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Amos 8:14

Ri Cäquiban ri chi'nic ri kas cäban na pa qui bi' ri e diosib ri e c'o pa Samar; ri caquibij: ‘Rumal ri u c'aslemal ri a dios, oh Dan’, ‘Rumal ri qui c'aslemal ri diosib pa Beerseb’, quetzak na rech man quewalij ta chi na.”

Ri Osey 13:6

Aretak c'u xoc'ow u wi' ri quitijo, ri iwanima' xnoj che banoj nimal xinisach c'u pa i jolom.

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

Ri Osey 7:4

Conojel c'ut xekaj pa mac cuc' niq'uiaj winak chic; e jacha' ri jorno, aretak t'iktajinak chic ri aj jorno man culu' ta chic c'ä cak'ob na ri k'or.

Ri Osey 4:2

Are c'u tz'ebem u bixic ri chi'nic ri kas cäban na quecha' ruc' subunic xukuje' ri banoj tzij, cämisanic xukuje' eläk'anic, ri xekajic pa mac cuc' niq'uiaj winak chic, xukuje' pa tokinic, queban cämisanic jela' jeri'.

Ri Ezequiel 22:11

E c'o jachin tak queboc' cuc' ri quixokil ri cajil qui tz'akat, o caquinim quib ruc' ri calib ri sibalaj q'uixbal, o caquicoj chuk'ab che ri u mia'l ri qui tat ruc' jun ixok chic.

Ri Jeremiy 13:27

Wilom ri a chokchotem, xukuje' ri a kajic pa mac, ri q'uixibalalaj a c'aslemal jas ri cäcam ri quech ri nim ch'utin, ri e a banoj ri quebaban paquiwi' tak ri juyub xukuje' pa apachique c'olbal. ¡Tok'ob a wäch Jerusalen! ¿joropa' lo k'ijol catakej na c'olem chupam ri a tz'ilol?”

Ri Jeremiy 9:2

¡C'o ta banom wi c'o ta jun nu jekelibal chupam ri chaki'j uwo sak, rech quinbe naj che ri nu tinimit! Rumal rech chi conojel man queniman taj e jupuk jachanelab ri quieb qui wäch.

Ri Jeremiy 3:19

“Israel, in xinya' nu tzij che a c'amowaxic jacha' che walc'ual xinya' c'u jun ulew chawe ri carayixic, ri ulew ri sibalaj je'l na pa ronojel ri uwächulew. Xinchomaj c'ut chi quinbinaj na tataxel awumal chi mawi ta jumul xanajtajisaj ta awib chwe.

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Salmib 50:18

Ri eläk'om cac'ulaj ruc' ronojel awanima'; ¡cajunamaj awib cuc' tak winak ri quekaj pa mac cuc' niq'uiaj winak chic!

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Ucab Tzijobelil 13:9

¿La ma ta pa u e iwokatam ulok ix xukuje' ri e cojol tabal tok'ob ri e rech ri Ajawaxel, ri e rija'l ri Aaron, xukuje' ri aj levitib, e i cha'om c'ut ri kas e i cojol tabal tak tok'ob jacha' ri quequiban ri nimak tak tinimit ri quequik'ijilaj diosib? ¡Apachin ta ne ri cäpetic ri cäraj cutas rib ruc' ri u c'amic ulok jun alaj ama' wacax querachilaj wukub ama'ib tak chij cuya' cux cojol tabal tok'ob quech diosib ri man e diosib taj!

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Ri Jeremiy 16:11

At chatzelej u bixic chque: ‘Ri Ajawaxel cujiquiba' u bixic: Wa' cäc'ulmatajic rumal rech chi ri e i mam xinquitzak canok xebe che qui terenexic diosib, che qui ya'ic tak k'ijilanic chque xukuje' che u ya'ic tak qui k'ij; are c'u ri in xinquitzak canok man xequitz'akatisaj ta c'u qui banic tak ri pixbenic ri xebenya' chque.

Ri Jeremiy 16:20

¿La cäcuin ri winak quebuban tak ri e u diosib? ¡Man ba' kas ta e diosib ri'!”

Juyuwem 3:42

Ri e ka mac tak xukuje' tak ri e ka c'ulelanic, ¿la ma ta casach ka lo mac chque wa'?

Ri Job 31:12

e jacha' jun c'atic ri cäsachisan wächaj cusachisaj c'u na u wäch ri c'o wuc'.

Ri Jeremiy 3:8

xrilo xukuje' chi ri in xinwetzelaj u wäch ri Israel ri man nimanel taj xinjach c'u bic kas xa' rumal ri xriktaj pa mac. Are c'u ri Juda, ri rachalal ri Israel ri man jic taj, man xuxe'j ta rib, xane' xukuje' ri are' xbec xuchaplej u banic ri mac re ri nim ch'utin.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!